Beiba arandara luma bíbiri furumiñe

Samina humá hawinwanduña lan lidaaniwagu Hesusu ani lumúanrugu lan Galiléa haganawa. Aweiyasuhaadün uburugun Herusalén lun hefeduhani tufedun Dibasein. Gíbetiña gürigia ha seriwitiña lun Bungiu kei huguya achülürütiña lídangiñe sun fulasu libiti hageira ani buin liña uburugu. Kei busén hubéi hidin adagaragüda lun Heowá, aba hagumeserun éibuga habadinaguagiñe saragu gürigia ha buínbaña ǘmada darí hachülürün tidoun ténpulu barüina aban gábara húmagua. Buin tiña giñe ténpulu hau gürigia ha achülürübaña adagaragüda lun Heowá. Danti le lachülürün lun hederegeruni gábara lun fádiri, aba haritaguni anihein lan aban íbiri gáñiti huma, másiñati anihein lan haganagua sun gürigia ha ñéinbaña o lidan amu fulasu lidan uburugu. Afuranguagüda lumuti Hesusu ka lan lunbei hadügüni (aliiha huméi Matéu 5:24). Ka lunbei hadügüni dandu huguya kei íbiri le gáñibei huma lun gaganbadi humá lun lugumadin Hesusu lun ñein lan darangilaü haganagua? Makü huméi óunabagülei le buídubei tidan kada lísüta to áfuachuboun ǘnabu.

LE LUNBEI HADÜGÜNI

• Hayanuhan luma íbiri ligía ánheingubeirügü samina hubéi gébuna lan lagañidun huma.

• Houchun harufuduni lun ligía lan abulieidagubei ladüga samina humá gañi lan luagu furumiñeguarügü katei o gadurun lan giñe lidan turobuli ligía.

• Haganbuni lau gurasu sun aniha lan adimureha hun, amuriaha huguyame ferudun luma lídangiñe sun taruman hanigi, lau sun ua lan gunfuranda humani sunsuinagubei, mabusenrun huguya hadügün lun lasandiragun lungua wuriba.

LE LUNBEI LADÜGÜNI ÍBIRI

• Labahüdaguni houn amu lílana damuriguaü ka lan hadügübei lun ñüdün hamaamuga luéigiñe lóubadina.

• Lásurun ariñaga hun, layanuhan luagu sun le anügübei fulasu luma ladügüdarun huagu lun hánharun lun hidurun.

• Gabaroun lani weiri lan ganigi luma ǘnabuguni le harufudubei lun hidin ayanuha luma, ábameti feruduna lanün tídangiñe sun lanigi.

Lau sun madagaragüdühadiwa lan animaalugu lidan wáhuduragun lun Bungiu uguñe weyu, ka lánibei ñein lan darangilaü wádangua hama wíbirigu luma lánharun Bungiu lun wáhuduragun lun, según larufudahani Hesusu?