Winwanbá lau lugundan Bungiu

1. Manaaguabátia bungua

liñúarü Heowá;

adügabéi layumahan,

masansiraguabá.

Dan hínsiñe lan lúrudu

le líchugubei bun

afiñetibu luagu sun

larufudahan bun.

2. Harumalá bibagari

liñúarü Heowá;

adügabéi le buídubei;

lumadabá Heowá.

Hulililá bisaminan

luagun sun burí

le buídubei lun gunda lan

Heowá, le Wáguchi.

3. Babagarida afiñeñu

gabafu lan Heowá.

Lau beigin, tau badaüragun

buidurügülá.

Sigibei lémeri Heowá

eremuheina lun.

Lanügüba Larúeihan

abinirúni bun.