Buidutimalá wadügüni katei: Dürügua huméi haturiahan luma gürigia le mawanserunti

KA UAGU SÚDINI LUBÉI? Mosu hagúaruni gürigia liri Heowá lun hasalbarun (Rom 10:13, 14). Lau sun lira, mama sun aturiahatiña Bíbülia busentiña gaganbadi hamá lun lilurudun Heowá. Lun wayusuruni wadaani buidu, mosu wetenirun houn ha busenbaña hadügün asansiruni lidan habagari lun hagundaragüdüni Heowá. Ligíati, anhein dánhali lubéi lun larihíniwa lawanserun aban aturiahati ani madügün lumuti, buítimati masigirun humá íchiga aturiahani tídangiñeti Bíbülia lun, teni humaamuga houn gürigia ha lachawahabaña Heowá luouguoun luma tidoun lóundarun (Hn 6:44). Chóuruti anhein lan asansira aturiahati ámuñegü ani ábanhali hádangiñe “ha lúntiñabaña ibagari le magumuchaditi”, gayaraabei wasigirun íchiga aturiahani tídangiñeti Bíbülia lun (Adü 13:48).

LE LUNBEI LADÜGǗNIWA:

• Ariñaga humá lun aturiahati buidu lan ladüga lau labusenrun lafurendeiruni inarüni le tídanbei Bíbülia (1 Ti 2:4).

• Haritaguagüda huméi lun aturiahati súdini lan lafalaruni le lafurendeirubei lidan libagari (Lk 6:46-49).

• Akutiha huméi hénpulu luáguti ábunaguti ilaü luma lau ínsiñehabuni ani ínchaha huméi asaminara ka lan adügübei lun masigirun lan lubaruaguóun (Mt 13:18-23).

• Afuranguagüda huméi lun lau inebesei ka lan uagu hadüraguaali lubéi haturiahanu Bíbülia luma.

• Ariñaga humá lun hagúaruba lan lun o hídiba lan lúbiñe kada átiri dan ani gayaraabei lan hasigirun aturiaha anhein lafalara le lafurendeirubei.

ARIHA HUMÉI BIDÉU, ÁBAMETI HÓUNABUNI ÁLÜGÜDAHANI BURÍ LE:

• Ka katei lídangiñe le ariñawagúbei arufudubalin mawanserun lan aturiahati?

• Ida liña líderaguni íbiri aturiahati lun gunfuranda lani mosu lan ladügün asansiruni lidan libagari?

• Ida liña lafuranguagüdüni íbiri lun aturiahati gayaraabei lan hasigirun aturiaha ámuñegü?