Anúadira humá heseriwidun lun Heowá

Aban san aturiahati Bíbülia huguya o nibureingidibu ani ábanhadibu apurichihati le mabadiseirungili? Saminaadün san habadiseirun? Ka uagu lunti lubéi hadügüni? Ladüga lidan wederegeragun woungua lun Heowá luma wabadiseirun lagumesera wamadagua luma ani ítararügübei gayara lan wasalbarun (Sal 91:1; 1 Fe 3:21). Ka burí katei lunbei hadügüni lubaragiñe hederegeragun hungua lun Bungiu ani badisei huguyame?

Chouru huméi lídanñadün lan inarüni. Anhein anihein lubéi katei le machourun humuti, akutiha humá libügürü (Rom 12:2). Mégeitün san hadügün asansiruni? Anhein ítara liña lubéi, adüga huméi luagu resun le buídubei: hagundaaragüdüni Heowá (Ari 27:11; Efe 4:23, 24). Amuriaha humá ídemuei luma Heowá chóuruñu luagu layusurubei lan lani sífiri sandu lun líchugun erei hun (1 Fe 5:10, 11). Súdiniti lun ladügǘniwa sun áfaaguni le lugundun úati ibagari buídutimati luéi leseriwidúniwa lun Heowá (Sal 16:11).

LÁRIGIÑE HARIHINI BIDÉU LE LUNBEI LADÜGǗNIWA LUBARAGIÑE BADISEI, ÓUNABA HUMÉI ÁLÜGÜDAHANI BURÍ LE:

• Ka burí katei eberesehabaliña fiu luéi habadiseirun?

• Ka gayaraabei hadügüni lun habihini afiñeni le hemegeirubei lun hederegeragun hungua lun Heowá?

• Ka ínchahabaliña saragu lun hadügüni le mégeiwabei lun gayara lan habadiseirún?

• Ida liña labiniruniña Heowá ha anúadirubaña heseriwidun lun?

• Ka mini lubéi ederegeraguni unguaü luma badisei?