Katei le íchugubei ugundani woun

1. Anihein ugundani hadan

lubúeingu Bungiu Heowá,

ladüga hagibedaguña

adügei lugundan Heowá.

Adügaaru giñe Lererun

lun weiri lan gunda wamá,

ladüga adundeha tani

wabagari lumoun Heowá.

Lau sun ñeinbei lan lénrengunga,

gayaraati gunda wamá,

ladüga lau lídehan Bungiu

gayaraabei here wamá.

2. Ma lueirin lubuidun barana,

waruguma luma ubóu,

ladügün Heowá lau lubafu

lau aban ugundani woun.

Lau bandi ubebeni woudin

egeyedaguei sun ubóu,

ariñaga houn sun gürigia:

“Chülüha Larúeihan woun”.

Yarafaali dan lun warihin

liabin iseri ubóu

le lunbei lanügüni Bungiu

lau bandi ugundani woun.