Aban idewesei gebegitu Lererun Bungiu

1. Anuhein aban líburu to huutu

woun lun wabuinchun lau ugundani,

darangilaü, gurasu luma erei

lun giñe weiri lan wemenigin.

Aban idewesei Lererun Bungiu,

buin tiña lau lisaminan Heowá,

lau meha lani sífiri le sandu

ladüga lun tabürüdǘniwa.

2. Según tabahüdaguni Lererun,

ladügün lúhabu Heowá Ubóu,

adügaléi wügüri tuma würi

madaseirunga meha lau figóu.

Ma lirun aba lan libihin Mafia

lun weiri lan maganbadi hamá,

galagante wamaaliti hafigoun;

wibihibei lesefuhan Heowá.

3. Anihein Kristu kei Urúei sielu,

anite weyu lun larúeihan

wawagu ru ligíame saragu

abinirúni woun lun súnwandan.

Barǘ waméi uganu le houn amu

lun giñe lánigu hamá Heowá.

Waliihaboun Lererun sagü weyu,

warihibei wagundaaruba lan.