5
Uganu le tídanbei Bíbülia
Heowá garichabei lun larúeihan. Ligaburi larúeihan buídutimabei. Chóuruti lagunfuliruba lan lisuuni lun Ubóu luma houn gürigia.
Lárigiñe irumu 4026 lb.l.H. Tadügün “hewe” lun machoururúniwa lan Heowá lan garichabei lun larúeihan luma anhein buidu lubéi ligaburi ladügüni. Füramaseti Heowá aban adügawaguni le lunbei lachuinraguni tábulugu hewe, lememe Satanási (Agumesehani 3:1-5, 15). Gama lumoun, ígirati lun hagumadiragun gürigia houngua lábugiñe lubafu Satanási luagu átiri dan. |
Irumu 1943 lb.l.H. Chóurugüda lumuti Heowá lun Abüraámü hádangiñeba lan ladügawagun liabin adügawaguni le füramasewabei (Agumesehani 22:18). |
Lárigiñe irumu 1070 lb.l.H. Chóurugüda lumuti Heowá lun urúei Dawidi luma lun Salomón le liráü hádangiñeba lan liduheñu liabin adügawaguni le füramasewabei (2 Samueli 7:12, 16; 1 Urúeigu 9:3-5; Isaíasi 9:6, 7). |
Irumu 29 l.H. Lasubudiragüdüni Heowá Hesusu lan adügawaguni le füramasewabei le lunbei lañuurun luagu lálana larúeihan Dawidi (Galasiana 3:16; Lúkasi 1:31-33; 3:21, 22). |
Irumu 33 l.H. Adügati Satanási, le “hewe”, lun láfaruniwa Hesusu hilagubei, ítara liña lira kamá ladügüña aban gürüti le furesebei areidagun luagu lugudi adügawaguni le füramasewabei. Águyuguagüda lumuti Heowá Hesusu, barüléi lárigoun sielun, ánhara ligía lun le liyaraabei Hesusu adüga lau libagari le úabei mégeiti luagu. Ítara liña líchuguni lébuna ferudunawa lan hafigoun ladügawagun Adán gayara láamuga hawinwandun lun súnwandan (Agumesehani 3:15; Adügaü 2:32-36; 1 Korintuna 15:21, 22). |
Yarafa lun irumu 1914 l.H. Lachüürüni Hesusu Satanási le “hewe” ubouagun fosuléi lun lerederun ñein luagu murusun dan (Arufudúni 12:7-9, 12). |
Ámuñegü Ladaürüni Hesusu Satanási luagu milu irumu, ítara luba lira kamá lachuinraguñein lábulugu. Ábameti lagunfulirun le lisuunibei Heowá lun Ubóu luma houn gürigia lúmagiñe furumiñeti dan. Chülüdügame dan lun lagidaruni Bungiu sun luriban iri le rúaalibei luagu, arufudúa ligíame ligaburi lan larúeihan buídutimabei (Arufudúni 20:1-3, 10; 21:3, 4). |