UREMU 89
Biní lumutiña Heowá ha gaganbadibaña lun
1. Sun le aganbuti Kristu Hesusu,
adügaléi le lubeibei Heowá,
biniwa láamuga, winwan ligía
buin lau ugundani lun súnwandan.
(LEYA ÁGUYUGUAGÜDÜWABEI)
Lunti gaganbadi ban
lun sun Lererun Heowá
lunme bawinwandun lun súnwandan
luma lun gúndaañu ban.
2. Sun le adügüti gasu lau Bungiu,
derebugubei lafiñen sun dan.
Lawandubei giñe sun lénrengunga,
seremei lídehan Bungiu Heowá.
(LEYA ÁGUYUGUAGÜDÜWABEI)
Lunti gaganbadi ban
lun sun Lererun Heowá
lunme bawinwandun lun súnwandan
luma lun gúndaañu ban.
3. Sun le aliihatu Sandu Bürütu,
ladügüba Bungiu lun gunda lan.
Ítara luba kei tídibu wewe
buin lau ubanaü dan másaürün lan.
(LEYA ÁGUYUGUAGÜDÜWABEI)
Lunti gaganbadi ban
lun sun Lererun Heowá
lunme bawinwandun lun súnwandan
luma lun gúndaañu ban.
(Ariha huméi giñe 2 Lur. 28:2; Sal. 1:3; Ari. 10:22; Mat. 7:24-27; Luk. 6:47-49).