Aban binadu líburu to húugiru uguñe weyu
Inebetu Lererun Bungiu houn saragu gürigia ladüga aban tan líburu sagüráutu. Ani mámarügüñein luagu Bungiu tayanuha, anihein giñe adundehani tidan le huuti lun ibagari.
Teni humá lun le ariñaga hamaalibei fiu gürigia luagu buiti le ibiha hamaalibei lídangiñe haliihanu Lererun Bungiu luma hadügüni le tariñagubei.
“Buídutimahali nibagari guenlé. Buídutimahali giñe ligaburi nasandiragun nungua luma nisaminan. Gúndaatimahadina” (Fiona).
“Adügaali naturiahanu Lererun Bungiu lun gasuuni lan nibagari” (Elena).
“Buídutimahali nibagari guentó: gíbetimahali dan násügürün hama niduheñu sügǘ lau lidan wadagimanu” (Andrew).
Anihein saragu amu sügǘ kei le. Arihaaña saragu gürigia ha lídangiñetiña sun ubóu hu lan adundehani le tídanbei Bíbülia.
Ida liñati gayara lan tíderagunün Lererun Bungiu abuiduragüdei hibagari lidan burí katei le?
Hátuadi
Ligaburi hasandiragun hungua
Hiduheñu hama humadagu
Ligaburi hahandilihani seinsu
Humadagua luma Bungiu
Larufuduba le líbiri arütíkulu aban tan líburu to lúmagiñetu Bungiu Bíbülia ani gayara lan tíchugun adundehani le huuti houn gürigia lidan habagari.