Álügüdahani lun taturiahoun Niliburun lánina abahüdaguni tídangiñeti Bíbülia

Abahüdaguni 1

Lagumeseruni Bungiu katei

1. Halíagiñe san liabin sun le buídubei woun? Gayarati bíchugun aban hénpulu?

2. Ka furumiñeti katei ladügübei Bungiu?

3. Ka uagu espechali lubéi furumiñeti ánheli?

4. Afuranguagüdabá ida liña lan meha Ubóu lidan lagumeseha (arihabei dibuhu).

5. Ida liña lagumeserun Bungiu aransehei Ubóu habá animaalugu hama gürigia?

Lanwoun álügüdahani:

1. Aliihabei Heremíasi 10:12.

   Ka ligaburi Bungiu arihíbei lidan le ladügübei? (Isa. 40:26; Rom. 11:33.)

2. Aliihabei Kolosana 1:15-17.

   Ka meha san luadigimaribei Hesusu lidan ladügǘn sun katei, ani ka efekütu lanibei le lidan wasaminan luagun?

3. Aliihabei Agumesehani 1:1-10.

   1. Halíagiñe san liabin Ubóu? (Agu. 1:1.)

   2. Ka asuseredubei lidan furumiñeti weyu? (Agu. 1:3-5.)

   3. Ka asuseredubei lidan libiaman weyu? (Agu. 1:7, 8.)

Abahüdaguni 2

Aban lubuidun fuluri-agei

1. Ida liña laranseruni Bungiu Ubóu wabá?

2. Gíbetiñu animaalugu ladügün Bungiu. Gayarati san bíriduni hiri fiú hádangiñe? (Arihabei dibuhu.)

3. Ka uagu espechali lubéi meha fuluri-agei Edén?

4. Ida liña yebe san labusenruni Bungiu sun Ubóu?

Lanwoun álügüdahani:

1. Aliihabei Agumesehani 1:11-25.

   1. Ka ladügübei Bungiu lidan lǘrüwan weyu? (Agu. 1:12.)

   2. Ka asuseredubei lidan ligadürün weyu? (Agu. 1:16.)

   3. Ka animaalugu ladügübaña Bungiu lidan liseingün weyu luma lisisin? (Agu. 1:20, 21, 25.)

2. Aliihabei Agumesehani 2:8, 9.

   Ka biama tídibu wewe espechalitu líchuguboun Bungiu lidan fuluri-agei, ani ka meha mini tubéi?

Abahüdaguni 3

Hagumeseha gürigia

1. Ka lídanbei dibuhu le lánina abahüdaguni 3 le úati lidan abahüdaguni 2?

2. Ka adügübalin furumiñeti wügüri, ani ka meha liri?

3. Ka meha wadagimanu líchugubei Bungiu lun Adán?

4. Ka uagu ladüga Bungiu lun léiguadun Adán lidoun aban idabagu huliliti?

5. Átiriñein yebe dan gayara lan hawinwandun Adán tuma Ewa, ani ka meha wadagimanu labuseerubei Bungiu hadügün?

Lanwoun álügüdahani:

1. Aliihabei Sálumu 83:18, Reina-Valera Actualizada (RVA).

   Ka líribei Bungiu ani ka ubaraü ábanrügüti lánibei Ubouagu? (Her. 16:21, RVA; Dan. 4:17.)

2. Aliihabei Agumesehani 1:26-31.

   1. Lidan lisisin weyu, ka katei íñugutimati ladügübei Bungiu lidan lagumuchun ladügüni ubóu, ani ida liña amu lan hawéi animaalugu? (Agu. 1:26.)

   2. Ka éigini líchugubei Heowá lun wügüri hama animaalugu? (Agu. 1:30.)

3. Aliihabei Agumesehani 2:7-25.

   1. Ka meha lunbei ladügüni Adán lun gayara lan líchugun hiri animaalugu? (Agu. 2:19.)

   2. Ida liña líderaguniwa Agumesehani 2:24 lun gufunranda wamani le lasaminarubei Heowá luagu maríei, afanreinraguni luma ígiraguni? (Mat. 19:4-6, 9.)

Abahüdaguni 4

Heferidiruni hábiñe

1. Arihabei dibuhu. Ka ásügürübei houn Adán tuma Ewa?

2. Ka uagu lasíadiraña Heowá?

3. Ka tariñagubei aban hewe tun Ewa?

4. Ka adügübei lun tadimurehan hewe tun Ewa?

5. Ka uagu heferidirunbalin Adán tuma Ewa hábiñe lidan Paraísu?

Lanwoun álügüdahani:

1. Aliihabei Agumesehani 2:16, 17 luma 3:1-13, 24.

   1. Ka uagu ladügünbei álügüdahani le tadügübei hewe tun Ewa lun larihín Heowá wuriba? (Agu. 3:1-5; 1 Huan 5:3.)

   2. Ka uagu seriwi lubéi tani Ewa hénpulu woun kei aban eweridihani? (Fili. 4:8; Sant. 1:14, 15; 1 Huan 2:16.)

   3. Ida liña lálugun Adán tuma Ewa lun hagidaruni duru hawariua luagu le hadügübei? (Agu. 3:12, 13.)

   4. Ida liña hóunigiruni liricha Heowá lun larúeihan kátaña garünatiñu o kerubín ha rarabaña luéigiñe oubaü le ñéingiñe lubéi laboucha Weyu libiti Edén? (Agu. 3:24.)

2. Aliihabei Arufudúni 12:9.

   Lagañeiruña san Satanási lidan líchuguniña gürigia kóntüra larúeihan Bungiu? (1 Huan 5:19.)

Abahüdaguni 5

Aban lidere ibagari

1. Ida liña meha libagari Adán tuma Ewa bóugudi luéi fuluri-agei Edén?

2. Ka atatirubei asusereda lun Adán tuma Ewa, ani ka uagu?

3. Ka funa san uagu haweiyada Adán tuma Ewa ani hilagua hagía?

4. Lun hamuga gaganbadi hamá meha Adán tuma Ewa lun Heowá, Ida liña hamuga ibagari houn hama hasaanigu?

5. Ida liña lanügün maganbadi igarigu tun Ewa?

6. Ka meha hiri biama furumiñetiñu lisaanigu Adán tuma Ewa?

7. Kátaña san híbiri irahüñü ha lídanbaña dibuhu?

Lanwoun álügüdahani:

1. Aliihabei Agumesehani 3:16-23 luma 4:1, 2.

   1. Ka efekütu lanibei líñarawagun múa lidan libagari Adán? (Agu. 3:17-19; Rom. 8:20, 22.)

   2. Lidan Ebüréu “nibagariti” mini lan tiri Ewa, ka uagu buidu lubéi iri ligía? (Agu. 3:20.)

   3. Ida liña gudemehabu lan Heowá lun Adán tuma Ewa íbini lárigiñe hafigouhan? (Agu. 3:7, 21.)

2. Aliihabei Arufudúni 21:3, 4.

   Ka “furumiñeti burí katei” hínsiñebei hamuga woun warihini lagidarun?

Abahüdaguni 6

Aban buiti, aban wuribati

1. Ka idan hatatira Kaín luma Aweli awadigimarida?

2. Ka burí idewesei lanügübei Kaín luma Aweli lun Heowá?

3. Ka uagu hínsiñe lubéi lidewese Aweli lun Heowá, ani kati uagu mínsiñe lubéi lidewese Kaín lun?

4. Ka luwuyeri gürigia Kaín, ani ida liña lálugun Heowá lun lasansiruni Kaín ligaburi?

5. Ka ladügübei Kaín dan le lábuguarügali luma lamulen áraabu?

6. Afuranguagüdabei ka lan ásügürübei lun Kaín lárigiñe láfaruni lamulen.

Lanwoun álügüdahani:

1. Aliihabei Agumesehani 4:2-26.

   1. Ida liña larufuduni Heowá peliguru le gádanbalin Kaín? (Agu. 4:7.)

   2. Ida liña larufuduni Kaín ka lan tídanbei lanigi? (Agu. 4:9.)

   3. Ida liña larihini Heowá láwiyuragüdünua lita gürigia madurunti? (Agu. 4:10; Isa. 26:21.)

2. Aliihabei 1 Huan 3:11, 12.

   1. Ka uagu lágañida Kaín, ani ida liña leseriwidun le woun uguñe weyu keisi aban eweridihani? (Agu. 4:4, 5; Ari. 14:30; 28:22.)

   2. Ida liña san tarufuduni Bíbülia, luagu íbini lan maha hamá sun wafamilia lun lilurudun Heowá, gayara lan wakipurun úaraguni lun Heowá? (Sal. 27:10; Mat. 10:21, 22.)

3. Aliihabei Huan 11:25.

   Ka ichouruni líchugubei Heowá hawagu sun ha hilaguaañabaña luéigiñe irichaü? (Huan 5:24.)

Abahüdaguni 7

Aban wügüri ganigiti

1. Ida liña meha san amu lubéi Enoku?

2. Ka san uagu gibe lubéi katei wuribati hadügün gürigia lidan lidaani Enoku?

3. Ka meha katei wuribati hadaagübei gürigia? (Arihabei dibuhu.)

4. Ka meha uagu mosu lubéi ganigi lan Enoku?

5. Átiriñein meha dan hawinwandun wügüriña lidan dan ligira, gama lumoun átiriñein dan lawinwandun Enoku?

6. Ka asuseredubei lárigiñe lounwen Enoku?

Lanwoun álügüdahani:

1. Aliihabei Agumesehani 5:21-24, 27.

   1. Ida liña san lanaagun Enoku lungua luma Heowá? (Agu. 5:24.)

   2. Según le tariñagubei Bíbülia, Ka wügüri gíbetimabei dan lawinwandun, ani átiri meha irumu lau dan le lóunwenbei? (Agu. 5:27.)

2. Aliihabei Agumesehani 6:5.

   Ida liña laweiridun lanarime wuribani Ubouagu lárigiñe lounwen Enoku, ani ida liña genegegua lan luma dan le? (2 Tim. 3:13.)

3. Aliihabei Agumesehani 5:22.

   Ka ligaburi Enoku aubei “gunda lan Bungiu”, ani ka resultóu lanibei?

4. Aliihabei Húdasi 14, 15.

   Ida liña gayara lan háyeihani kristiánugu ganigi le luagubei Enoku dan le hapurichihan luagu wuribu le lunbei liabin le gíribei Arümahedón? (2 Tim. 4:2; Ebü. 13:6.)

Abahüdaguni 8

Hígandei Ubouagu

1. Ka asuseredubei dan le hetenirun fiú ánheligu lani Bungiu lun le lerengubei Satanási?

2. Ka uagu hígirei fiú ánheligu hawadigimari sielu ani aba hararirun Ubouagun?

3. Ka uagu wuriba lubéi hayabin ánheligu ha Ubouagun, ani adüga hagía úgubu kei hani gürigia?

4. Ka meha idan amu hamá hasaanigu ánheligu hagía?

5. Kei barihini lidan dibuhu, ka hadügübei harahüñü ánheligu dan le hígandeihaña?

6. Lárigiñe Enoku, ka wügüri buiti abagaridubei Ubouagu, ani ka uagu hínsiñe lubéi lun Bungiu?

Lanwoun álügüdahani:

1. Aliihabei Agumesehani 6:1-8.

   Ka lariñagubei Agumesehani 6:6 luagu ida liña lan lasandiragun Heowá lungua ladüga wousan? (Sal. 78:40, 41; Ari. 27:11.)

2. Aliihabei Húdasi 6.

   Ida liña leseriwidun woun uguñe keisi aban aritaguagülei le hadügübei ánheligu “ha ígirubalin hábiñe sielu”? (1 Ko. 3:5-9; 2 Fe. 2:4, 9, 10.)

Abahüdaguni 9

Ladügünu Noé árüka

1. Átiriñanu meha gürigia lidan lufamilia Noé, ani ka meha híribei ǘrüwa lirahüñü?

2. Ka san katei ámuti lariñagubei Bungiu lun Noé lun ladügün, ani ka uagu?

3. Ka hadügübei lubesinanigu Noé dan le ladimurehanbei houn tuagu árüka?

4. Ka lariñagubei Bungiu lun Noé lun ladügün hau animaalugu?

5. Lárigiñe ladouruni Bungiu tubenari árüka, ka meha mosu lubéi ladügün Noé hama lufamilia?

Lanwoun álügüdahani:

1. Aliihabei Agumesehani 6:9-22.

   1. Ka adügübei lun aban lan ubuein buitimaati Noé lun Bungiu inarüniti? (Agu. 6:9, 22.)

   2. Ka lasaminarubei Heowá luagu anarimeni, ani ka efekütu lanibei lidan wanúadahani isebáhari? (Agu. 6:11, 12; Sal. 11:5.)

   3. Ida luba gayara lan wáyeihani Noé dan le wibihin adundehani tídangiñe óundaruni to lani Heowá? (Agu. 6:22; 1 Huan 5:3.)

2. Aliihabei Agumesehani 7:1-9.

   Ida liña líchugun gurasu woun larihini Heowá Noé kei aban wügüri richati, íbini gafigoun lan? (Agu. 7:1; Ari. 10:16; Isa. 26:7.)

Abahüdaguni 10

Óunwenbu gunran

1. Ka uagu siñá lubéi lebelurun ni aban tidoun árüka dan le latatirunbei áhuya?

2. Átiriñein weyu luma áriebu ladügün Heowá lun láhuyun, ani halía lebeda duna?

3. Ka asuseredubei tun árüka dan le latatirunbei duna adouragua lau Ubóu?

4. Wínwantiñu san hígandei lárigiñe Gunran? Kati asuseredubei houn hagübürigu?

5. Ka asuseredubei tun árüka seingü hati lárigiñe?

6. Ka uagu lígira Noé lun táfuridun aban würidiri tídangiñe árüka?

7. Ida liña lasubudiruni Noé rarihali lan meha duna?

8. Ka lariñagubei Bungiu lun Noé lárigiñe lanügün lóugiñe aban irumu hama lufamilia tidan árüka?

Lanwoun álügüdahani:

1. Aliihabei Agumesehani 7:10-24.

   1. Halía lebeda lagumuchaguagüdünua ibagari Ubouagu? (Agu. 7:23.)

   2. Átiriñein dan ásügürüti lubá lararirun lidunari Gunran? (Agu. 7:24.)

2. Aliihabei Agumesehani 8:1-17.

   Ida liña larufuduni agumesehani 8:17 masansirun lan lisuuni Heowá lúmagiñe furumiñeti dan lun Ubóu le? (Agu. 1:22.)

3. Aliihabei 1 Féduru 3:19, 20.

   1. Ka asíadiruni heresibirubei ánheligu ha ebedaagubaña dan le hagiribudunbei sielun? (Hud. 6.)

   2. Ida liña líchugun iderebugu lun wemenigin abahüdaguni luáguti Noé hama lufamilia luagu gayara lan lesefuruniña Heowá lumutuniña? (2 Fe. 2:9.)

Abahüdaguni 11

Furumiñetu heremuru

1. Kei larufuduni dibuhu, ka furumiñeti katei ladügübei Noé dan le láfuridunbei tídangiñe árüka?

2. Ka lúrudu líchugubei Bungiu lun Noé hama lufamilia lárigiñe Gunran?

3. Ka füramasei ladügübei Bungiu?

4. Danme le warihinu heremuru, ka lunbei waritaguni?

Lanwoun álügüdahani:

1. Aliihabei Agumesehani 8:18-22.

   1. Ka lunbei wadügüni uguñe weyu lun lachülürün aban “lubuidun íhemeni” lun Heowá? (Agu. 8:21; Ebü. 13:15, 16.)

   2. Ka lariñagubei Heowá luagu tigaburi lanigi wügüri, ani ka duari lunbei gani wamani? (Agu. 8:21; Mat. 15:18, 19.)

2. Aliihabei Agumesehani 9:9-17.

   1. Ka daradu ladügübei Heowá hama sun lílana Ubóu? (Agu. 9:10, 11.)

   2. Átiribei san dan ladurarun daradu tuáguti heremuru? (Agu. 9:16.)

Abahüdaguni 12

Ladügǘn óunwenbu wáyelesi

1. Ka meha Nimüródubei, ani ka meha lisaminanbei Bungiu luagun?

2. Ka uagu hadaaguña lubéi wügüriña ha lídanbaña dibuhu ladüríyu?

3. Ka meha uagu magundan lubéi Heowá lau ábunaguni le?

4. Ida liña lararamuni Bungiu lábunawagun wáyelesi?

5. Ka meha liri uburugu, ani ka lilabei iri ligía?

6. Ka hadügübei gürigia lárigiñebei lámuñedaguagüdüni Bungiu hererun?

Lanwoun álügüdahani:

1. Aliihabei Agumesehani 10:1, 8-10.

   Ka igaburi larufudubei Nimüródu, ani ka eweridihani tíchugubei Bíbülia woun? (Ari. 3:31.)

2. Aliihabei Agumesehani 11:1-9.

   Ka meha lébunabei labunawagun wáyelesi, ani ka uagu siadi waali lubéi lun mawanserun lan? (Agu. 11:4; Ari. 16:18; Huan 5:44.)

Abahüdaguni 13

Abüraámü... lumada Bungiu

1. Ka meha hawuyeri gürigia awinwandubaña Uru?

2. Ka san wügüri le lídanbei dibuhu? Ídabuga nasirua lan? Halía meha laganawa?

3. Ka lariñagubei Bungiu lun Abüraámü lun ladügüni?

4. Ka uagu lagúahoua lun Abüraámü lumada Bungiu?

5. Ka ñǘdünbaña luma Abüraámü dan le láfuridunbei Úrugiñe?

6. Ka lariñagubei Bungiu lun Abüraámü dan le lachülürünbei Kanán?

7. Ka meha füramase lubéi Bungiu lun Abüraámü dan le 99 lubéi irumu lau?

Lanwoun álügüdahani:

1. Aliihabei Agumesehani 11:27-32.

   1. Ida liña gaduhegua hamá Abüraámü luma Lotu? (Agu. 11:27.)

   2. Íbini iridahoua lan Tera luagu háguyun liduheñu uburugun Kanán, ida liña wasubudiruni Abüraámü lan lichügüdinabei águyuni ligía, ani kati uagu ladügei? (Agu. 11:31; Adü. 7:2-4.)

2. Aliihabei Agumesehani 12:1-7.

   Ida liña laweiridaguagüdüni Heowá daradu le ladügübei luma Abüraámü dan le lachülürünbei Abüraámü Kanán? (Agu. 12:7.)

3. Aliihabei Agumesehani 17:1-8, 15-17.

   1. Ka amu iri libihubei Abürámü dan 99 lubéi irumu lau, ani ka uagu? (Agu. 17:5.)

   2. Ka burí abinirúni lubaati ámuñegü füramase lubéi Heowá tun Sara? (Agu. 17:15, 16.)

4. Aliihabei Agumesehani 18:9-19.

   1. Lidan Agumesehani 18:19, ka buligasion abürüdübei ñein habá agübürigu? (2 Lur. 6:6, 7; Efe. 6:4.)

   2. Ka sügǘ lidan tibagari Sara arufudubei luagu siñá lan waramudun ni kata luéi Heowá? (Agu. 18:12, 15; Sal. 44:21.)

Abahüdaguni 14

Lafiñen Abüraámü

1. Ka füramasei ladügübei Heowá lun Abüraámü, ani ida liña lagunfuliruni?

2. Kei larihín lidan dibuhu, ida liña lóuchaguni Bungiu lafiñen Abüraámü?

3. Ka ladügübei Abüraámü íbini ua lan gufunranda lani lébuna le lamuriahabei Bungiu lúmagiñe?

4. Ka asuseredubei dan le lasagarunbanu Abüraámü gusiñu lun láfaruni liráü?

5. Átiriñein meha san lafiñen Abüraámü luagu Bungiu?

6. Ka líchugubei Bungiu lun Abüraámü lun ladügüni sákürifisiu, ani ida?

Lanwoun álügüdahani:

1. Aliihabei Agumesehani 21:1-7.

   Ka uagu líchiga Abüraámü seini tuagu lóustarun liráü lidan liwidün weyu? (Agu. 17:10-12; 21:4.)

2. Aliihabei Agumesehani 22:1-18.

   Ida liña larufuduni Isaakü redei lan lábugiñe lererehan Abüraámü le lúguchi, ani ida liña larufudun le ábaya sügǘ súdinitimaati le lunbei lasuseredun ámuñegü? (Agu. 22:7-9; 1 Ko. 5:7; Fili. 2:8, 9.)

Abahüdaguni 15

Tarihin lúmari Lotu tárigoun

1. Ka uagu hafanreinragua Abüraámü luma Lotu?

2. Ka uagu desidírü lubéi Lotu lawinwandun Sodoma?

3. Ida haña meha gürigia ha Sodomabaña?

4. Ka awisahani híchugubei biama ánheligu lun Lotu?

5. Ka san uagu tasaliragunbei lani Lotu weiriou ábame wagabu lauti salu?

6. Ka leksióun wafurendeirubei lídangiñe le asuseredubei tun lani Lotu weiriou?

Lanwoun álügüdahani:

1. Aliihabei Agumesehani 13:5-13.

   Ka leksióun wafurendeirubei lúmagiñe Abüraámü lidan lourate waransehan turóbuli wádangua? (Agu. 13:8, 9; Rom. 12:10; Fili. 2:3, 4.)

2. Aliihabei Agumesehani 18:20-33.

   Dan le waturiahani liyanun Abüraámü luma Heowá, ka uagu gayara lubéi wachóuruni luagu richabaña lan Heowá luma Hesusu lidan haguseragüdün? (Agu. 18:25, 26; Mat. 25:31-33.)

3. Aliihabei Agumesehani 19:1-29.

   1. Kei larufuduni abahüdaguni tídangiñeti Bíbülia le, Ida liña larihiniñu Bungiu wügüriña ha agamaridubaña wügüriña háledi? (Agu. 19:5, 13; Fad. 20:13.)

   2. Ka ámuñegueinarügü igaburi warihibei lidan hóunabun Abüraámü luma Lotu lun ladundehan Heowá, ani ka wafurendeirubei lídangiñe? (Agu. 19:15, 16, 19, 20; 22:3.)

4. Aliihabei Lúkasi 17:28-32.

   Ida liña meha tarihini lani Lotu weiriou umegeguni, ani ida liña lahuudun tani hénpulu woun keisi aban eweridihani? (Luk. 12:15; 17:31, 32; Mat. 6:19-21, 25.)

5. Aliihabei 2 Féduru 2:6-8.

   Kei Lotu, ka usa lunbei warufuduni lidan ubóu würibati le geyegubei wau? (Ese. 9:4; 1 Huan 2:15-17.)

Abahüdaguni 16

Aban würi buitu lun Isaakü

1. Katei san wügüri tuma würi ha lídanbaña dibuhu?

2. Ka ladügübei Abüraámü lun libihin aban lani liráü weiriou, ani kati uagu?

3. Ida liña lounabún lafurieidun lubúein Abüraámü?

4. Ida liña tóunabun Rebeka dan le talügüdǘn anhein busén tubéi tamarieidun luma Isaakü?

5. Ka adügübei lunya lagundaarun Isaakü?

Lanwoun álügüdahani:

1. Aliihabei Agumesehani 24:1-67.

   1. Ka igaburi buiti tarufudubei Rebeka dan le tadunragunbei luma lumusun Abüraámü laru welu? (Agu. 24:17-20; Ari. 31:17, 31.)

   2. Ka hénpulu buiti houn kristiánugu uguñe weyu wadarirubei lidan le ladügübei Abüraámü luagu Isaakü? (Agu. 24:37, 38; 1 Ko. 7:39; 2 Ko. 6:14.)

   3. Ka uagu mosu lubéi wígirun dan lun lahulilidun wasaminan, kei meha ladüga Isaakü? (Agu. 24:63; Sal. 77:12; Fili. 4:8.)

Abahüdaguni 17

Mádounu menegeguatiña

1. Ka meha Esaúbei luma Hakobu, ani ka idan amu hamá hawariuagua?

2. Átiri meha irumu lau Esaú luma Hakobu dan le lóunwenbei Abüraámü le háruguti?

3. Ka meha ladügübei Esaú lirudagüdünbaliñu lagübürigu saragu?

4. Ka san uéigiñe lanarimebei lagañidun Esaú luma Hakobu le lamulen?

5. Ka burí adundehani líchugubei Isaakü lun Hakobu le liráü?

Lanwoun álügüdahani:

1. Aliihabei Agumesehani 25:5-11, 20-34.

   1. Ka lariñagubei Heowá hawagu biama tirahüñü Rebeka lubaragiñebei hágurahoun? (Agu. 25:23.)

   2. Ka ámuñegueinarügü igaburi harufudubei Esaú luma Hakobu lidan luáguti liricha íbugañaü? (Agu. 25:31-34.)

2. Aliihabei Agumesehani 26:34, 35; 27:1-46, luma 28:1-5.

   1. Ida liña lafurangudun lilouguan línsiñehabu Esaú luagu katei le lúmagiñeti Bungiu? (Agu. 26:34, 35; 27:46.)

   2. Lun libihini Hakobu abinirúni lúmagiñe Bungiu, ka lariñagubei Isaakü lun, lun ladügün? (Agu. 28:1-4.)

3. Aliihabei Ebüréu 12:16, 17.

   Ida liña larufuduni lani Esaú hénpulu, le lunbei lasuseredun houn ha arufudubaña mebereseni luagu katei sagüráuti?

Abahüdaguni 18

Lidin Hakobu Arán

1. Katoun san nibureintu to lídanboun dibuhu, ani ka ladügübei Hakobu tuagu?

2. Ka lánharubei Hakobu ladügün lun lamarieidun tuma Rakeli?

3. Ka ladügübei Lawán dan le lachülürünbei dan lun lamarieidun Hakobu tuma Rakeli?

4. Ka ladügübei Hakobu lun gayara lan lamarieidun tuma Rakeli?

Lanwoun álügüdahani:

1. Aliihabei Agumesehani 29:1-30.

   1. Íbini eyeeda lani Lawán, ida liña larufuduni Hakobu luagu aban lan wügüri inebewati, ani ka wafunrendeirubei lídangiñe? (Agu. 25:27; 29:26-28; Mat. 5:37.)

   2. Ida liña larufuduni lani Hakobu hénpulu luagu amu lan ínsiñeni inarüniti luéi aban ínsiñeni gásügürati? (Agu. 29:18, 20, 30; Ure. 8:6.)

   3. Ka gádürü würiña lídanbaña lufamilia Hakobu ani ru hagía irahüñü lun lárigiñe? (Agu. 29:23, 24, 28, 29.)

Abahüdaguni 19

Óunwenbu lufamilia Hakobu

1. Ka meha hiri sisi lirahüñü Hakobu tau Lía to furumiñetu lani weiriou?

2. Ka meha hiri biama lirahüñü Hakobu tau Silüpá to tumusun Lía?

3. Ka meha hiri biama lirahüñü Hakobu tau Bilá to tumusun Rakeli?

4. Ka meha biama irahüñü tágurahabaña Rakeli, ani ka asuseredubei dan nasirua lan le libiaman?

5. Según larufuduni dibuhu, átiriñanu meha san lirahüñü Hakobu, ani ka néchani ñǘbuinbei hádangiñe?

Lanwoun álügüdahani:

1. Aliihabei Agumesehani 29:32-35; 30:1-26, luma 35:16-19.

   Kei larihín lidan hawaguti dúusugubei lirahüñü Hakobu, ida liña meha lichugún iri hawagu harahüñü Ebüréu lidan dan ligíra?

2. Aliihabei Agumesehani 37:35.

   Íbini tirirügüñein lan Dina tírida Bíbülia, ida liña wasubudiruni mámarügüñoun lan tuguya lisaani Hakobu würi? (Agu. 37:34, 35.)

Abahüdaguni 20

Dina lidan turóbuli

1. Ka meha uagu mabuseerun lubéi Abüraámü luma Isaakü lun hamarieidun harahüñü hama gürigia Kananna?

2. Gúndaati meha san Hakobu lun tadügün liráü umadaguaü hama würiña Kananna?

3. Katei san wügüri le aríagubanu Dina lidan dibuhu le, ani ka katei wuribati ladügübei?

4. Ka hadügübei Simeón luma Lewí (ha tátinu Dina) dan le haganbunbalin le asuseredubei?

5. Gúndaati meha san Hakobu lau le ladügübei Simeón luma Lewí?

6. Ida liña meha lagumeserun haturóbulin familia ha?

Lanwoun álügüdahani:

1. Aliihabei Agumesehani 34:1-31.

   1. Aban funa san katei sódinirügüti lasuseredun, tidin Dina bisidaña würiña irahüñü Kananna? Afuranguagüdabéi (Agu. 34:1, Traducción del Nuevo Mundo, NM).

   2. Ka uagu gadurun tubéi Dina lidan teferidiruni tiñǘn? (Gal. 6:7.)

   3. Ida luba harufuduni nibureintiñu uguñe weyu luagu ariha hamani tani Dina hénpulu keisi aban eweridihani? (Ari. 13:20; 1 Ko. 15:33; 1 Huan 5:19.)

Abahüdaguni 21

Gimugatiña lun Hosé

1. Ka uagu gimuga habéi líbugañanu Hosé lun ani ka hadügübei?

2. Ka habusenrubei líbugañanu Hosé hadügün lun, ani ka lariñagubei Rubén?

3. Ka asuseredubei dan le hachülürünbei fiú alugurahatiñu Ísümaelina?

4. Ka hadügübei líbugañanu Hosé lun lasaminarun háguchi luagu hilá lan Hosé?

Lanwoun álügüdahani:

1. Aliihabei Agumesehani 37:1-35.

   1. Ida liña gayara lan háyeihani kristiánugu lani Hosé hénpulu dan le hariñahan luagu luriban igaburi lidan damuriguaü? (Agu. 37:2; Fad. 5:1; 1 Ko. 1:11.)

   2. Ka anügübaliñu líbugañanu Hosé lun hagarabaagun luagun? (Agu. 37:11, 18; Ari. 27:4; Sant. 3:14-16.)

   3. Ka katei naturáliti lánina igarigu larufudubei Hakobu? (Agu. 37:35.)

Abahüdaguni 22

Ladaürǘn Hosé

1. Átiri irumu lau Hosé dan le lanügǘnbei Ehiptun, ani ka asuseredubei dan le lachülürün ñein?

2. Ka uagu ladaürǘwa Hosé?

3. Ka wadagimanu libihubei Hosé furisunrugu?

4. Ka ladügübei Hosé luagu eseriwihati diwéin luma le adaagubei fein lúbiñe Faraón dan le furisunrugu habéi?

5. Ka asuseredubei lárigiñe lasagarún eseriwihati diwéin furisunrugugiñe?

Lanwoun álügüdahani:

1. Aliihabei Agumesehani 39:1-23.

   Kei meha ua lubéi lilurudun Bungiu bürüñü le asíadiruti agabarahani lidan lidaani Hosé, ka adügübei lun lanurahan tuéi lani Potifárü weiriou? (Agu. 2:24; 20:3; 39:9.)

2. Aliihabei Agumesehani 40:1-23.

   1. Abahüdaguabei luénedü eseriwihati diwéin lau fiú dimurei luma anichigu le líchugubei Heowá lun Hosé (Agu. 40:9-13).

   2. Ka meha luénedübei adaaguti fein, ani ka meha lanichigubei? (Agu. 40:16-19.)

   3. Ida liña háyeihani lílana musu úaraguati ani gunfuranda ligía ligaburi Hosé uguñe weyu? (Agu. 40:8; Sal. 36:9; Huan 17:17; Adü. 17:2, 3.)

   4. Ida liña lafuranguagüdüni Agumesehani 40:20 ligaburi harihini kristiánugu efeduhani le lánina lagunfulirunua irumu? (Apur. 7:1; Mar. 6:21-28.)

Abahüdaguni 23

Luénedü burí Faraón

1. Ka asuseredubei lun Faraón aban guñoun?

2. Ka uagu laritagua eseriwihati diwéin luagun Hosé lidan lagumuhóun oura?

3. Kei larihin lidan dibuhu, ka biama uénedü luénedübei Faraón?

4. Ka lariñagubei Hosé luagu ka lan lanichigubei uénedü burí le?

5. Ida liña lachülürün Hosé lun ligía lan wügüri le wéirigutimati Ehiptu lárigiñe Faraón?

6. Ka uagu houdin líbirigu Hosé Ehiptu, ani ka uagu ibidiñe lubéi houn?

7. Ka uénedü laritagubei Hosé, ani ka íderagubalin lun gufunranda lani?

Lanwoun álügüdahani:

1. Aliihabei Agumesehani 41:1-57.

   1. Ida liña ladügün Hosé lun líchugunua arihini luagun Heowá, ani ida luba gayara lan háyeihani kristiánugu lani hénpulu? (Agu. 41:16, 25, 28; Mat. 5:16; 1 Fe. 2:12.)

   2. Ida liña larufuduni gádantiñu lumutuniña Heowá ligibugiñe lumoun gádantiñu ha agúahabaña houngua kristiánugu, sedü irumu le meha ñein lubéi saragu éigini Ehiptu luma sedü irumu ilamaü? (Agu. 41:29, 30; Amos. 8:11, 12.)

2. Aliihabei Agumesehani 42:1-8 luma 50:20.

   Wuribati funa san habuluchagun áhuduragutiñu lun Heowá ligibugiñe aban wügüri lun harufuduni inebe lan lubara houn anhein ligía lubéi échuni lidan hageira? (Agu. 42:6.)

Abahüdaguni 24

Lóuchaguniñu Hosé líbirigu

1. Ka uagu líchiga Hosé duru hawagu líbirigu luagu aríaahatiñu lan fulasu?

2. Ka uagu lígira Hakobu lun lidin Benhamín, liráü le agumuhóuni Ehiptun?

3. Ida liña ladagarun luerun Hosé le pülata tidoun lisagüte Benhamín?

4. Kaba san ladüga Hudá lun hígiragüduni Benhamín?

5. Ka idan hasansira líbirigu Hosé?

Lanwoun álügüdahani:

1. Aliihabei Agumesehani 42:9-38.

   Ka uagu aban lubéi buiti aritaguagülei uguñe weyu houn ha ganibaña kárugu tidan óundaruni lani Heowá dimurei burí le lariñagubei Hosé lidan Agumesehani 42:18? (Neem. 5:15; 2 Ko. 7:1, 2.)

2. Aliihabei Agumesehani 43:1-34.

   1. Íbini Rubén lan meha ígiramaübei, ida liña furangu lan larihinua luagu Hudá lan adimurehabei hawagu líbirigu? (Agu. 43:3, 8, 9; 44:14, 18; 1 Kro. 5:2.)

   2. Kei larihín, ida liña lóuchaguniñu Hosé líbirigu, ani ka uagu? (Agu. 43:33, 34.)

3. Aliihabei Agumesehani 44:1-34.

   1. Ida liña larufudagun Hosé lungua hagibugiñe líbirigu lun laramuduni hawéi kateiñein lan? (Agu. 44:5, 15; Fad. 19:26.)

   2. Ida liña harufuduni líbirigu Hosé magimugan haña lan lun kei meha luagu aban dan? (Agu. 44:13, 33, 34.)

Abahüdaguni 25

Háguyun Ehiptun

1. Ka asuseredubei dan le lariñaguni Hosé houn líbirigu katei lan?

2. Ka lafuranguagüdübei Hosé houn líbirigu lau ínsiñeni?

3. Ka lariñagubei Faraón dan le laganbun hawagu líbirigu Hosé?

4. Átiriñanu gürigia hadan lufamilia Hakobu dan le háguyunbei Ehiptun?

5. Ida liña meha lagúahoun houn lufamilia Hakobu, ani ka uagu?

Lanwoun álügüdahani:

1. Aliihabei Agumesehani 45:1-28.

   Ida liña larufudun abahüdaguni luagu Hosé gayara lan ladügün Heowá lun buidu lan resultóu lani aban katei le adügǘti lun lañawarihan houn lubúeingu? (Agu. 45:5-8; Isa. 8:10; Fili. 1:12-14.)

2. Aliihabei Agumesehani 46:1-27.

   Ida liña líchugun Heowá ñuruguaü tun lanigi Hakobu lidan luéiyasun Ehiptun? (Agu. 46:1-4.)

Abahüdaguni 26

Úaraguati Hobu

1. Ka meha Hobubei?

2. Ka louchubei Satanási lun ladügün? Ibiha lumuti san?

3. Ka lígirubei Heowá lun ladügün Satanási, ani ka uagu?

4. Ka uagu tariñaga lani Hobu weiriou lun “íñaraguabei Bungiu, hilá báamuga”? (Arihabei dibuhu.)

5. Kei gayara lan barihini lidan libiaman dibuhu, ida liña labiniruni Heowá Hobu, ani ka uagu?

6. Ánhawa úaragua lun Heowá kei Hobu, kaba burí abinirúni weresibira?

Lanwoun álügüdahani:

1. Aliihabei Hobu 1:1-22.

   Ida luba gayara lan háyeihani kristiánugu Hobu uguñe weyu? (Hobu 1:1; Fili. 2:15; 2 Fe. 3:14.)

2. Aliihabei Hobu 2:1-13.

   Ka biama igaburi ámuñegueinarügüti warihubei lidan lóunabun Hobu tuma lani weiriou, lun léibaahan Satanási? (Hobu 2:9, 10; Ari. 19:3; Mik. 7:7; Mal. 3:14.)

3. Aliihabei Hobu 42:10-17.

   1. ka idan genegegua lan hafayeiruáha Hobu luma Hesusu ladüga hasigiruni üma le lánina úaraguni? (Hobu 42:12; Fili. 2:9-11.)

   2. Ida liña líchugun iderebugu woun wasubudirun luagu abinirúni burí le libihubei Hobu ladüga lakipurun úaraguni lun Bungiu? (Hobu 42:10, 12; Ebü. 6:10; Sant. 1:2-4, 12; 5:11.)

Abahüdaguni 27

Aban urúei wuribati Ehiptu

1. Katei san wügüri le lídanbei dibuhu le gámabei abeihagülei, ani katei san le labeichubei?

2. Ka asuseredubei houn ísüraelina lárigiñe lounwen Hosé?

3. Ka uagu hatatira ehiptuna anufudeda hawéi ísüraelina?

4. Ka gumadi líchugubei Faraón houn würiña ha íderagubaliña würiña ísüraelina dan le hágurahan?

Lanwoun álügüdahani:

1. Aliihabei Áfuriduni 1:6-22.

   1. Ida liña latatirun Heowá agunfulirei füramasei le ladügübei lun Abüraámü? (Afu. 1:7; Agu. 12:2; Adü. 7:17.)

   2. Ida liña harufuduni würiña ágüdahatiña ebüréana luagu inebe lan, ani sánduti lan ibagari houn? (Afu. 1:17; Agu. 9:6.)

   3. Ida liña hafayeiruáha würiña ágüdahatiña ladüga úaragua hamá lun Heowá? (Afu. 1:20, 21; Ari. 19:17.)

   4. Ida liña yebe lálugun Satanási lagünrinchaguni lisuuni Heowá le füramase láalibei luáguti Ladügawagun Abüraámü? (Afu. 1:22; Mat. 2:16.)

Abahüdaguni 28

Lesefurunua Moisesi

1. Katei irahü le lídanbei dibuhu, ani ka ifingan le lárügüdübei?

2. Ka tadügübei lúguchu Moisesi lun mafarún lan hilagubei?

3. Ka irahü to lídanboun dibuhu, ani ka tadügübei?

4. Dan le tadarirunbalin liráü urúei irahü, ka tariñagubei María tun?

5. Ka tariñagubei liráü urúei tun lúguchu Moisesi?

Lanwoun álügüdahani:

1. Aliihabei Áfuriduni 2:1-10.

   Ka chansi tadarirubei lúguchu Moisesi lun tarufudahan lun Moisesi dan le ñǘraügili, ani ka hénpulu tíchugubei houn agübürigu uguñe weyu? (Afu. 2:9, 10; 2 Lur. 6:6-9; Ari. 22:6; Efe. 6:4; 2 Tim. 3:15.)

Abahüdaguni 29

Ka uagu lanuraha Moisesi

1. Halía laweirida Moisesi, ani ka meha lasubudirubei hawagu lagübürigu?

2. Ka ladügübei Moisesi dan le bián-wéinhali irumu lau?

3. Ka lariñagubei Moisesi lun aban ísüraelina le abuleseirubei aban ísüraelina líledi, ani ida liña lóunabun wügüri ligía?

4. Ka uagu lanuraha Moisesi Ehiptugiñe?

5. Haliñoun lanuraha Moisesi, ani ka lasubudirubaña ñein?

6. Ka ladügübei Moisesi lidan bián-wein irumu le asigirubei?

Lanwoun álügüdahani:

1. Aliihabei Áfuriduni 2:11-25.

   Íbini lárigi irumu burí lánina furendei Ehiptu, ida liña larufudun Moisesi úaraguni lun Heowá luma houn lumutuniña? (Afu. 2:11, 12; Ebü. 11:24.)

2. Aliihabei Adügaü 7:22-29.

   Ka leksióun gayarabei wafunrendeiruni lídangiñe lálugun Moisesi lalíbureruniña ísüraelina lídangiñe amudirawaguni Ehiptu lau lubafu guánarügü? (Adü. 7:23-25; 1 Fe. 5:6, 10.)

Abahüdaguni 30

Búbugati le durungubei

1. Ka liri wübü le lídanbei dibuhu?

2. Ka katei ámuti larihibei Moisesi dan le lidinbei wübüagu hau lilügüniñu mudún?

3. Ka lariñagubei umalali le áfuridubei lídangiñe búbugati le durungubei, ani ka ani umalali ligía?

4. Ida liña lóunabun Moisesi dan le lariñagunbei Bungiu lun, lun lasagaruniñu lumutuniña Ehiptugiñe?

5. Ka lariñagubei Bungiu lun Moisesi lun lóunabun anhein hálügüda ka lan óunahabalin?

6. Ida lubati larufuduni Moisesi Bungiu lan óunahabalin?

Lanwoun álügüdahani:

1. Aliihabei Áfuriduni 3:1-22.

   Ka uagu ru lubéi sügǘ le lani Moisesi emenigini woun, luagu íbini lan wasandirun luagu siñaguabadiwa lan woungua lun wagunfulirun lau somu wadagimanu lúmagiñeti Bungiu líderagubadiwa lan Heowá? (Afu. 3:11, 13; 2 Ko. 3:5, 6.)

2. Aliihabei Áfuriduni 4:1-20.

   1. Ida liña lasansirun ligaburi Moisesi lidan bián-wein irumu le lásügürübei Madián, ani ka leksióun gayarabei hafurendeiruni ha busenbaña heseriwidun lidan damuriguaü? (Afu. 2:11, 12; 4:10, 13; Mik. 6:8; 1 Tim. 3:1, 6, 10.)

   2. Íbini yusu lani Heowá damuriguaü lun larufudahan woun, ka afiñeni gayarabei líchuguni lani Moisesi hénpulu woun? (Afu. 4:12-14; Sal. 103:14; Ebü. 12:4-11.)

Abahüdaguni 31

Ligibugiñe Faraón

1. Ka efekütu lánibei hawagu ísüraelina milaguru burí le ladügübei Moisesi luma Aarón?

2. Ka hariñagubei Moisesi luma Aarón lun urúei Ehiptuna, ani ka lóunabagülebei urúei houn?

3. Kei larihín lidan dibuhu, ka asuseredubei dan le lágurunbalin Aarón luenwen múarugun?

4. Ka leksióun líchugubei Heowá lun urúei Ehiptuna ani ida liña lóunabun urúei?

5. Ka asuseredubei lárigiñe lidiisin íñanaü?

Lanwoun álügüdahani:

1. Aliihabei Áfuriduni 4:27-31 luma 5:1-23.

   Ka labuseerubei urúei Ehiptuna lariñagun lau dimurei: “Ibidiñeti Heowá nun”? (Afu. 5:2, RVA; 1 Sam. 2:12; Rom. 1:21.)

2. Aliihabei Áfuriduni 6:1-13, 26-30.

   1. Ida liña masubudiraguagüdüngili lan Heowá lungua lun Abüraámü, Isaakü luma Hakobu? (Afu. 3:13, 14; 6:3; Agu. 12:8.)

   2. Ka wasandirubei dan le wasubudiruni luagu yusu lani Heowá Moisesi, íbini masandiragun lan lungua lau ubafu lun ladügüni dasi le ichugúbei lun? (Afu. 6:12, 30; Luk. 21:13-15.)

3. Aliihabei Áfuriduni 7:1-13.

   1. Dan le lanügünbalin Moisesi luma Aarón uganu lánina laguseragüdün Heowá lun urúei Ehiptuna lau ganigi, ka hénpulu híchugubei houn lubúeingu Bungiu uguñe weyu? (Afu. 7:2, 3, 6; Adü. 4:29-31.)

   2. Ida liña larufuduni Heowá luéirigun hawéi búngiugu ehiptuna? (Afu. 7:12; 1 Kro. 29:12.)

Abahüdaguni 32

Diisi íñanaü

1. Yusubei dibuhu lun bariñaguni katei lan meha ǘrüwa furumiñeti íñanaü le lóunahabei Heowá luagun Ehiptu.

2. Ka meha idan amu lan ǘrüwa furumiñeti íñanaü luéi le líbiri?

3. Ka ligadürünbei, liseingün luma lisisin íñanaü?

4. Ka lisedünbei íñanaü liwidün luma linefun?

5. Ka lariñagubei Heowá lun hadügüni ísüraelina lubaragiñe lidiisin íñanaü?

6. Ka lidiisinbei íñanaü, ani ka asuseredubei lárigiñe?

Lanwoun álügüdahani:

1. Aliihabei Áfuriduni 7:19–8:23.

   1. Íbini gayara hamani gariaahatiña biama furumiñeti íñanaü le ladügübei Bungiu águyuguagüda, ka katei mosubei hánharun lun lárigiñe lǘrüwan íñanaü? (Afu. 8:18, 19; Mat. 12:24-28.)

   2. Ida liña larufuduni ligadürün íñanaü lubafu Heowá lun ladouragun hau lumutuniña, ani ida luba lasandiraguagüdüniñu le lumutuniña Heowá houngua danme le hagagibudagun luma “óunwenbu asufuriruni” le uagubei tadimureha Bíbülia? (Afu. 8:22, 23; Aruf. 7:13, 14; 2 Kro. 16:9.)

2. Aliihabei Áfuriduni 8:24; 9:3, 6, 10, 11, 14, 16, 23-25, luma 10:13-15, 21-23.

   1. Ka biama sétanu erederubei furangu lau diisi íñanaü, ani ka efekütu lánibei le lidan le wasaminarubei luagun bián sétanu le uguñe weyu? (Afu. 8:10, 18, 19; 9:14.)

   2. Ida liña líderaguniwa Áfuriduni 9:16 lun gufunranda wamani ka lan uagu lígira Heowá lun lasigirun Satanási awinwanda? (Rom. 9:21, 22.)

3. Aliihabei Áfuriduni 12:21-32.

   Ida liña ladügün luéyuri esefuruni lun gayara lan hesefurun bandi, ani ka larufudubei efeduhani le? (Afu. 12:21-23; Huan 1:29; Rom. 5:18, 19, 21; 1 Ko. 5:7.)

Abahüdaguni 33

Ánhiñuraguei barana Funati

1. Átiriñanu wügüriña ísüraelina, úara hama würiña hama irahüñü, áfuridutiñu Ehiptugiñe, ani kátaña áfuridubaña hama?

2. Ida liña lasandiragun Faraón lungua lárigiñe lígiruniñu ísüraelina lun háfuridun, ani ka ladügübei?

3. Ka ladügübei Heowá lun lásiñarun hadügün ehiptuna dañu houn lumutuniña?

4. Ka asuseredubei dan le liñurunbalin Moisesi luenwen luagun barana Funati, ani ka hadügübei ísüraelina?

5. Ka asuseredubei dan le hebelurunbei ehiptuna baranahoun lun houdin hárigi ísüraelina?

6. Ida liña harufuduni ísüraelina luagu gunda hamá ani geteingiradi hagía luagu lesefuruniña Heowá?

Lanwoun álügüdahani:

1. Aliihabei Áfuriduni 12:33-36.

   Ida liña ladügün Heowá lun hibihini lumutuniña hafayeiruaha luagu sun irumu burí le hamudirawagunbei Ehiptu? (Afu. 3:21, 22; 12:35, 36.)

2. Aliihabei Áfuriduni 14:1-31.

   Ka efekütu lanibei dimurei le lariñagubei Moisesi lidan Áfuriduni 14:13, 14 hawagu lubueingu Heowá uguñe weyu lau anite lan wuribu le Arümahedón? (2 Kro. 20:17; Sal. 91:8.)

3. Aliihabei Áfuriduni 15:1-8, 20, 21.

   1. Ka uagu mosu lubéi halawahani lumutuniña Heowá lau uremu? (Afu. 15:1, 2; Sal. 105:2, 3; Aruf. 15:3, 4.)

   2. Ka hénpulu lánina alawahani lun Heowá tíchugubei María hama ha híbiri würiña laru barana Funati houn Kristiánugu uguñe weyu? (Afu. 15:20, 21; Sal. 68:11.)

Abahüdaguni 34

Aban iseri éigini

1. Ka san habudahabei gürigia ha lídanbaña dibuhu múarugugiñe, ani ida liña lagúahoun lun?

2. Ka san adundehani líchugubei Moisesi houn gürigia luagu tabudahoun maná?

3. Ka san lariñagubei Heowá houn gürigia lun hadügüni luagu lisisin weyu, ani ka uagu?

4. Ka san milaguru ladügübei Heowá dan le tareidún maná darí lisedün weyu?

5. Átiriñein san dan léigagüdüniñu Heowá lumutuniña tau maná?

Lanwoun álügüdahani:

1. Aliihabei Áfuriduni 16:1-36 luma 1 Lúrudu 11:7-9.

   1. Ka larufudubei Áfuriduni 16:8 luagu mégeiwa lan inebe hamá ha anúadirubaña lun halidihan lidan damuriguaü hani kristiánugu? (Ebü. 13:17.)

   2. Ida liña san haritaguagüdünua ísüraelina lidan fulasu mageirawati luagu Heowá lan hemenigibei? (Afu. 16:14-16, 35; 2 Lur. 8:2, 3.)

   3. Ka san sinbólu líchugubei Hesusu tun maná, ani ida liña hu tan “fein to siélugiñetu” woun? (Huan 6:31-35, 40.)

2. Aliihabei Hosué 5:10-12.

   Átiriñein irumu heigin ísüraelina maná, ani ida liña lóuchaguniñu katei le, kati wafurendeirubei lídangiñe abahüdaguni le? (Afu. 16:35; 1 Lur. 11:4-6; 1 Ko. 10:10, 11.)

Abahüdaguni 35

Lilurudun Heowá

1. Kéiburi biama hati lárigiñe háfuridun Ehiptugiñe, halía san hemeraagua ísüraelina?

2. Ka labusenrubei Heowá lun hadügün lumutuniña, ani ida liña hóunabun?

3. Ka uagu líchiga Heowá biama dübü fadati lun Moisesi?

4. Ka amu lúrudu luéi Diisi Gumadi, líchugubei Heowá houn ísüraelina?

5. Ka biama lúrudu uágubei lariñaga Hesukrístu súdinitima lan?

Lanwoun álügüdahani:

1. Aliihabei Áfuriduni 19:1-25; 20:1-21; 24:12-18, luma 31:18.

   Ida liña líderaguniwa dimurei le lídanbei Áfuriduni 19:8 lun gufunranda wamani lila ederegeraguni unguaü keisi kristiánugu? (Mat. 16:24; 1 Fe. 4:1-3.)

2. Aliihabei 2 Lúrudu 6:4-6; Fádirigu 19:18, luma Matéu 22:36-40.

   Ida liña san harufuduni kristiánugu hínsiñehabu lun Bungiu luma houn gürigia háledi? (Mar. 6:34; Adü. 4:20; Rom. 15:2.)

Abahüdaguni 36

Bágasu lauti golu

1. Ka san hadügübei gürigia lidan dibuhu, ani ka uagu?

2. Ka uagu lágañida Heowá, ani ka ladügübei Moisesi dan le larihini le hadügübei gürigia?

3. Ka san lariñagubei Moisesi houn fiú wügüriña lun hadügüni?

4. Ka san arufudahani wafurendeirubei lidan abahüdaguni le?

Lanwoun álügüdahani:

1. Aliihabei Áfuriduni 32:1-35.

   1. Ida liña san larufuduni abahüdaguni le ka lan lasaminarubei Heowá luagu lamigisirun relihíon le iyeeniti luma relihíon le inarüniti? (Afu. 32:4-6, 10; 1 Ko. 10:7, 11.)

   2. Ka san duari lunbei gani hamani kristiánugu dan le hanúadahan isebáhari, kéiburi uremu o abinahani? (Afu. 32:18, 19; Efe. 5:15, 16; 1 Huan 2:15-17.)

   3. Ida liña san líchugun lani Lewí türibu aban hénpulu buiti dan le hanúadiruni lóubadina irichaü? (Afu. 32:25-28; Sal. 18:25.)

Abahüdaguni 37

Kianpu lun áhuduraguni

1. Ka san tiri muna to lidanboun dibuhu, ani ka un teseriwida?

2. Ka san uagu lariñaga Heowá lun Moisesi lun ladügünu kianpu lun ménrengun lan tafaréinrawagun?

3. Katoun san gafu to lidanboun liraüraü kuartu le luagubei aban oubaü tidan kianpu, ani ka tilabei?

4. Ka san lanúadirubei Heowá lun ligíaba lan fádiri iñuti, ani ka lifisiutebei?

5. Ka san ǘrüwa katei lídanbei kuartu le wéiribei tidan muna?

6. Ka san bián katei lídanbei bürürü lani sanduariu, ani ka un layusurua?

Lanwoun álügüdahani:

1. Aliihabei Áfuriduni 25:8-40; 26:1-37; 27:1-8, luma 28:1.

   Ka san mini habéi kerubín burí ha tigibuagubaña “lubagüsina daradu”? (Afu. 25:20, 22; 1 Lur. 7:89; 2 Uru. 19:15.)

2. Aliihabei Áfuriduni 30:1-10, 17-21; 34:1, 2, luma Ebüréu 9:1-5.

   1. Ka uagu láguyuguagüdei Heowá lisúdini laruman úgubu houn fádirigu ha eseriwidunbaña tidan tabernákulu, ani ka efekütu lanibei le wawagu? (Afu. 30:18-21; 40:30, 31; Ebü. 10:22.)

   2. Ida liña larufuduni apostolu Pábulu luagu manihali lan daradu lánina lúrudu tuma tabernákulu efekütu dan le labürühanu gárada houn kristiánugu ebüréana? (Ebü. 9:1, 9; 10:1.)

Abahüdaguni 38

Duusu aríaahatiña fulasu

1. Ida liña barihin lun tilimun beibei to lidanboun dibuhu? Halíagiñe san hanügoun?

2. Ka uagu lóunaha Moisesi duusu aríaahatiña fulasu uburugun Kanán?

3. Ka hariñagubei diisi hádangiñe aríaahatiña fulasu dan le hagiribudunbei lumoun Moisesi?

4. Ida liña harufuduni bián aríaahatiña fulasu ru hamani hemenigin luagu Heowá, ani ka híribei?

5. Ka uagu lágañida Heowá, ani ka lariñagubei lun Moisesi?

Lanwoun álügüdahani:

1. Aliihabei 1 Lúrudu 13:1-33.

   1. Kátaña anúadirubaña lun haríaahani fulasu, ani ka chansi hibihubei? (1 Lur. 13:2, 3, 18-20.)

   2. Ka uagu amu lubéi lisaminan Hosué luma Kalebü hawéi ha híbiri aríaahatiña fulasu, ani ka larufudahabei le woun? (1 Lur. 13:28-30; Mat. 17:20; 2 Ko. 5:7.)

2. Aliihabei 1 Lúrudu 14:1-38.

   1. Ka san eweridiruni lunbei wetenirun lun luáguti agülülühani hawagu ha lanúadirubaña Heowá ya Ubouagu? (1 Lur. 14:2, 3, 27; Mat. 25:40, 45; 1 Ko. 10:10.)

   2. Ida liña san larufuduni 1 Lúrudu 14:24 berese lan Heowá hau kada aban hádangiñe lubúeingu? (1 Uru. 19:18; Ari. 15:3.)

Abahüdaguni 39

Legelewehan aban wewe

1. Kátaña ebedaagubaña kóntüra lilurudu Moisesi luma Aarón, kati hariñagubei lun Moisesi?

2. Ka san lamuriahabei Moisesi lúmagiñe Koré hama 250 ha úaradubaña luma?

3. Ka san lariñagubei Moisesi houn gürigia, ani ka asuseredubei dan le lagumuchún ladimurehan?

4. Ka san asuseredubei lun Koré hama 250 lánigu?

5. Ka ladügübei Eleasárü, lau lagei kupali hani wügüriña ha óunwegubaña, ani ka uagu?

6. Ka san uagu ladüga Heowá lun legeleweha luenwen Aarón? (arihabei dibuhu.)

Lanwoun álügüdahani:

1. Aliihabei 1 Lúrudu 16:1-49.

   1. Ka san ladügübei Koré hama lánigu, ani ka uagu aban lubéi ebedaaguni kóntüra Heowá? (1 Lur. 16:9, 10, 18; Fad. 10:1, 2; Ari. 11:2.)

   2. Ka san saminaü charati láfalarubei Koré hama 250 “agumadihatiña”? (1 Lur. 16:1-3; Ari. 15:33; Isa. 49:7.)

2. Aliihabei 1 Lúrudu 17:1-11 luma 26:10.

   1. Ka mini lubéi láhüchün luenwen Aarón, ani ka uagu lariñaga Heowá lun lareidun tidan bágüsi? (1 Lur. 17:5, 8, 10.)

   2. Ka san arufudahani súdiniti gayarabei wafurendeirun lídangiñe liseini luenwen Aarón? (1 Lur. 17:10; Adü. 20:28; Fili. 2:14; Ebü. 13:17.)

Abahüdaguni 40

Moisesi agayuaha luagu dübü

1. Ida liña lóunigiruniña Heowá ísüraelina dan le lídanñanu lubéi fulasu mageirawati?

2. Ka uagu hekehara ísüraelina dan le hararamagunbei Kadesi?

3. Ida liña líchugun Heowá duna houn gürigia hama animaalugu?

4. Katei wügüri le ínchahabei luouguoun lidan dibuhu, ani ka uagu ladügei?

5. Ka uagu lagañida Heowá luma Moisesi luma Aarón, ani ka abeichúni líchugubei hawagu?

6. Ka asuseredubei lidan wübü Oru, ani ka achülürübei lun fádirime le íñugutimabei Ísüraeli?

Lanwoun álügüdahani:

1. Aliihabei 1 Lúrudu 20:1-13, 22-29 luma 2 Lúrudu 29:5.

   1. Ka wafurendeirubei lídangiñe ligaburi lóunigiruniña Heowá ísüraelina lidan fulasu mageirawati? (2 Lur. 29:5; Mat. 6:31; Ebü. 13:5; Sant. 1:17.)

   2. Ida liña lanügüni Heowá le asuseredubei dan le míchugun lubéi Moisesi luma Aarón uéiriguni lun hagibugiñe ísüraelina? (1 Lur. 20:12; 1 Ko. 10:12; Aruf. 4:11.)

   3. Ka gayarabei wafurendeirun lídangiñe ligaburi lóunabun Moisesi lun abeichúni le leresibirubei lúmagiñe Heowá? (1 Lur. 12:3; 20:12, 27, 28; 2 Lur. 32:4; Ebü. 12:7-11.)

Abahüdaguni 41

Hewe lautu buronse

1. Katoun san gouguboun luagu wagabu le lídanbei dibuhu, ani ka uagu lariñaga Heowá lun Moisesi lun líchugunu ñein?

2. Ida liña harufuduni gürigia mateingiradi hamá luagu le ladügübei Bungiu hawagu?

3. Ka hamuriahabei gürigia luma Moisesi dan le lóunahanbei Heowá hewe péisinitiña hawagu lun labeichuniña?

4. Ka uagu lariñaga Heowá lun Moisesi lun ladügün aban hewe lautu buronse?

5. Ka leksióun larufudahabei abahüdaguni le woun?

Lanwoun álügüdahani:

1. Aliihabei 1 Lúrudu 21:4-9.

   1. Ka eweridihani wadarirubei lidan hekeharun ísüraelina luagu sun katei buiti le líchugubei Heowá houn? (1 Lur. 21:5, 6; Rom. 2:4.)

   2. Lidan burí sígulu lárigiñe dan ligía, ida liña hayusurunu ísüraelina hewe lautu buronse, ani ka ladügübei urúei Esekíasi? (1 Lur. 21:9; 2 Uru. 18:1-4.)

2. Aliihabei Huan 3:14, 15, RVA.

   Ida liña larufuduni tichugún hewe lautu buronse luagu aban wagabu le adügǘbei lun Hesusu saragu dan lárigiñe? (Gal. 3:13; 1 Fe. 2:24.)

Abahüdaguni 42

Tadimurehan aban burigü

1. Ka Balakübei, ani ka uagu lóunaha áluahei Balaamü?

2. Ka uagu tarounra lilügün Balaamü burigü ǘmadarugu?

3. Ka laganbubei Balaamü tariñagun burigü?

4. Ka lariñagubei aban ánheli lun Balaamü?

5. Ka asuseredubei dan le louchunbei Balaamü líñaraguniña ísüraelina?

Lanwoun álügüdahani:

1. Aliihabei 1 Lúrudu 21:21-35.

   Ka uagu hagañeirei ísüraelina Sihón, le harúeite Amoruna luma Ogu, le lurúeite Basán? (1 Lur. 21:21, 23, 33, 34.)

2. Aliihabei 1 Lúrudu 22:1-40.

   Ka lébunabei lálugun Balaamü líñaraguniña ísüraelina, ani ka burí leksióun gayarabei wafurendeiruni lídangiñe? (1 Lur. 22:16, 17; Ari. 6:16, 18; 2 Fe. 2:15; Hud. 11.)

3. Aliihabei 1 Lúrudu 23:1-30.

   Íbini adimureha lan Balaamü kamá hamuga aban áhuduraguti lun Heowá, ida liña larufuduni lau le ladügübei luagu mítaran lan? (1 Lur. 23:3, 11-14; 1 Sam. 15:22.)

4. Aliihabei 1 Lúrudu 24:1-25.

   Ida liña laderebugudagüdüni abahüdaguni tídangiñeti Bíbülia le, wafiñen luagu lagunfuliruba lan lisuuni Heowá? (1 Lur. 24:10; Isa. 54:17.)

Abahüdaguni 43

Ladügǘn Hosué alidihatime

1. Kátaña san biama wügüriña ha lúmabaña Moisesi lidan dibuhu?

2. Ka lariñagubei Heowá lun Hosué?

3. Ka uagu lawarira Moisesi ligibuagun wübü Nebu, ani ka lariñagubei Heowá lun?

4. Átiri irumu lau Moisesi dan le lóunwenbei?

5. Ka uagu híruda lílana fulasu, ani ka uagu gayara lubéi hagundaarun?

Lanwoun álügüdahani:

1. Aliihabei 1 Lúrudu 27:12-23.

   Ka wadagimanu súdiniti líchugubei Heowá lun Hosué, ani ida liña larihín luagu samina lan Heowá luagu habuidun lumutuniña uguñe weyu? (1 Lur. 27:15-19; Adü. 20:28; Ebü. 13:7.)

2. Aliihabei 2 Lúrudu 3:23-29.

   Ka uagu mígirun lubéi Heowá lun lebelurun Moisesi luma Aarón lidoun Fulasu Füramasewati, ani ka leksióun wafurendeirubei lídangiñe? (2 Lur. 3:25-27; 1 Lur. 20:12, 13.)

3. Aliihabei 2 Lúrudu 31:1-8, 14-23.

   Ida liña larufuduni Moisesi lidan lagumuhóun burí dimurei le lariñagubei houn ísüraelina luagu resibi lani abeichúni lúmagiñe Heowá lau ǘnabuguni? (2 Lur. 31:6-8, 23.)

4. Aliihabei 2 Lúrudu 32:45-52.

   Ka efekütu lunbei gani tani Lererun Bungiu lidan wabagari? (2 Lur. 32:47; Fad. 18:5; Ebü. 4:12.)

5. Aliihabei 2 Lúrudu 34:1-12.

   Íbini marihin lani Moisesi Heowá, ka lariñagubei 2 Lúrudu 34:10 luagu lumadagua luma Heowá? (Afu. 33:11, 20; 1 Lur. 12:8.)

Abahüdaguni 44

Haramudun aríaahatiña

1. Halía taganawa Raabü?

2. Kátaña san biama wügüriña ha lídanbaña dibuhu, ani ka uagu añaha lubéi Herikó?

3. Ka gumadi líchugubei lurúeite Herikó tun Raabü, ani ka tóunabagülebei lun?

4. Ida liña tíderaguniña Raabü biama wügüriña ha, ani ka fulesei tamuriahabei hama?

5. Ka füramase habéi biama aríaahatiña tun Raabü?

Lanwoun álügüdahani:

1. Aliihabei Hosué 2:1-24.

   Ida liña lagunfulirun lani Heowá füramasei le bürüñübei lidan Áfuriduni 23:28 dan le houdinbei ísüraelina kóntüra Herikó? (Hos. 2:9-11.)

2. Aliihabei Ebüréu 11:31.

   Ida liña larufuduni tani Raabü hénpulu luagu súdini lan afiñeni? (Rom. 1:17; Ebü. 10:39; Sant. 2:25.)

Abahüdaguni 45

Ánhiñuraguei duna Hordán

1. Ka milaguru ladügübei Heowá lun gayara lan hánhiñuraguni ísüraelina duna Hordán?

2. Ka lunbei hadügüni ísüraelina lun harufuduni hafiñen gayara láamuga hánhiñuraguni duna Hordán?

3. Ka uagu lariñaga Heowá lun Hosué lun labudun duusu dübü wéinamuti lídangiñe duna?

4. Ka asuseredubei dan le háfuridunbei fádirigu lídangiñe duna Hordán?

Lanwoun álügüdahani:

1. Aliihabei Hosué 3:1-17.

   1. Kei larufuduni abahüdaguni le, ka lunbei wadügüni lun weresibirun ídemuei luma abinirúni lúmagiñe Heowá? (Hos. 3:13, 15; Ari. 3:5; Sant. 2:22, 26.)

   2. Ida liña meha duna Hordán dan le hánhiñuragunbalin ísüraelina lun hachülürün lidoun Fulasu Füramasewati, ani ida liña líchugun le uéiriguni lun liri Heowá? (Hos. 3:15; 4:18; Sal. 66:5-7.)

2. Aliihabei Hosué 4:1-18.

   Ka isuuni lagunfulirubei duusu dübü le abudubei lídangiñe Hordán lun lichugún Gilügáli? (Hos. 4:4-7.)

Abahüdaguni 46

Lubarieirun burí Herikó

1. Ka lariñagubei Heowá lun hadügüni súdaragu hama fádirigu luagu sisi weyu?

2. Ka lunbei hadügüni wügüriña lidan lisedün weyu?

3. Kei larihín lidan dibuhu, ka asuseredubei lun lubarieirun Herikó?

4. Ka uagu anihein lubéi aban gúrudu dibiñu luagu aban funedera?

5. Ka lariñagubei Hosué lun hadügüni súdaragu hau gürigia luma lau uburugu, ani ka lunbei hadügüni lau pülata, golu, buronse luma gürabu?

6. Ka ariñawagubei houn biama aríaahatiña fulasu lun hadügüni?

Lanwoun álügüdahani:

1. Aliihabei Hosué 6:1-25.

   1. Ka idan genegegua lan amarücharuni le hadügübei ísüraelina geyegu lau Herikó lidan lisedün weyu, luma apurichihani le hadügübei gefentiñu luagu Heowá lidan lagumuhóun burí weyu le? (Hos. 6:15, 16; Isa. 60:22; Mat. 24:14; 1 Ko. 9:16.)

   2. Ida liña lagunfulirun dimurei lúmagiñeti Bungiu le abürüdübei lidan Hosué 6:26 seingü-san irumu lárigiñe, ani ka larufudahabei le woun luagu lererun Heowá? (1 Uru. 16:34; Isa. 55:11.)

Abahüdaguni 47

Aban híweruti Ísüraeli

1. Katei san wügüri le lídanbei dibuhu ábuna fiú katei gebegiti le lanügübei Herikógiñe, ani kátaña ha íderagubalin?

2. Ka uagu sériu lubéi le ladügübei Akán hama lufamilia?

3. Ka lariñagubei Heowá dan le lálügüdünbalin Hosué ka lan uagu heferidirei ísüraelina wuribu kóntüra Ai?

4. Ka asuseredubei lun Akán hama lufamilia dan le hanügǘnbei ligibugiñoun Hosué?

5. Ka leksióun súdiniti wafurendeirubei lídangiñe le asuseredubei lun Akán?

Lanwoun álügüdahani:

1. Aliihabei Hosué 7:1-26.

   1. Ka lafunranguagüdübei lafurieidun Hosué luagu lumadagua luma Bungiu? (Hos. 7:7-9; Sal. 119:145; 1 Huan 5:14.)

   2. Ka larufudubei lani Akán hénpulu, ani ka uagu seriwi lubéi woun keisi aban eweridihani? (Hos. 7:11, 14, 15; Ari. 15:3; 1 Tim. 5:24; Ebü. 4:13.)

2. Aliihabei Hosué 8:1-29.

   Ka kárugu wanibei kada aban wádangiñe luma adamurini hani kristiánugu uguñe weyu? (Hos. 7:13; Fad. 5:1; Ari. 28:13.)

Abahüdaguni 48

Sábiutiñu gabaónna

1. Ida liña amu habéi gürigia gabaónna hawéi kananna ha lídanbaña uburugu yarafati?

2. Kei barihin lidan dibuhu, ka san hadügübei gabaónna, ani ka uagu?

3. Ka füramasei ladügübei Hosué hama alidihatiñu ísüraelina houn gabaónna, ani ka hasubudirubei ǘrüwa weyu lárigiñe?

4. Ka asuseredubei dan le haganbuni urúeigu ha lílana amu uburugu adügaaña lan gabaónna aban daradu lánina darangilaü hama ísüraelina?

Lanwoun álügüdahani:

1. Aliihabei Hosué 9:1-27.

   1. Kei lóunaagüdün Heowá houn ísüraelina ‘lun hagünrinchaguniña sun ha aganóubaña ñein,’ ka lubuidun igaburi gayarabei warihini dan le ferudunalaniñu gabaónna? (Hos. 9:22, 24; Mat. 9:13; Adü. 10:34, 35; 2 Fe. 3:9.)

   2. Dan le lagunfuliruni daradu hama gabaónna, ida liña san líchugun Hosué aban buiti hénpulu houn kristiánugu uguñe weyu? (Hos. 9:18, 19; Mat. 5:37; Efe. 4:25.)

2. Aliihabei Hosué 10:1-5.

   Ida liña háyeihaniñu saragu gürigia gabaónna uguñe weyu, ani ka asuseredubei houn ladüga le? (Hos. 10:4; Sak. 8:23; Mat. 25:35-40; Aruf. 12:17.)

Abahüdaguni 49

Aba lararamagun Weyu

1. Ka san lariñagubei Hosué lidan dibuhu, ani ka uagu?

2. Ida liña san líderaguni Heowá Hosué hama luwügüriña?

3. Átiriñanu urúeigu áganiñu lagañeirun Hosué, ani lidan átiri dan?

4. Ka uagu lafanreinhei Hosué lumúan Kanán?

5. Átiri san irumu lau Hosué dan le lounwen, ani ka asuseredubei houn gürigia lárigiñe?

Lanwoun álügüdahani:

1. Aliihabei Hosué 10:6-15.

   Ka emenigini líchugubei woun dan le wasubudiruni luagu lararamaguagüdüni Heowá Weyu luma Hati ladüga Ísüraeli? (Hos. 10:8, 10, 12, 13; Sal. 18:3; Ari. 18:10.)

2. Aliihabei Hosué 12:7-24.

   Ka agañeirubalin wuribu hama 31 urúeigu kananna, kati uagu súdini lubéi woun uguñe weyu? (Hos. 12:7; 24:11-13; 2 Lur. 31:8; Luk. 21:9, 25-28.)

3. Aliihabei Hosué 14:1-5.

   Ida liña san lafanreinhóun fulasu hadan türibu lani Ísüraeli, ani ka mini lubéi luagu alagan lídanme Paraísu? (Hos. 14:2; Isa. 65:21; Ese. 47:21-23; 1 Ko. 14:33.)

4. Aliihabei Alidihatiña 2:8-13.

   Kei Hosué lidan binadu Ísüraeli, kátaña íchugubaña furenu kóntüra apostasía uguñe weyu? (Ali. 2:8, 10, 11; Mat. 24:45-47; 2 Tesa. 2:3-6; Titu 1:7-9; Aruf. 1:1; 2:1, 2.)

Abahüdaguni 50

Bián würiña ganigitiña

1. Kátaña san aguseragüdütiña, ani ka burí híribei fiú hádangiñe?

2. Ka san fisiu espechaliti tanibei Débora, ani ka tadügübei?

3. Dan le lasiádiruni urúei Habín luma Sísara Ísüraeli, ka san uganu lúmagiñeti Heowá tariñagubei Débora lun aguseragüdüti Barakü, ani ka un lichugúa uéiriguni?

4. Ida liña san tarufuduni Haeli aban tan würi ganigitu?

5. Ka san asuseredubei lárigiñe lounwen urúei Habín?

Lanwoun álügüdahani:

1. Aliihabei Alidihatiña 2:14-22.

   Ka san uagu lagañida Heowá hama ísüraelina, ani ka wafurendeirubei lídangiñe katei le? (Ali. 2:20; Ari. 3:1,  2; Ese. 18:21-23.)

2. Aliihabei Alidihatiña 4:1-24.

   Ka hafurendeirubei kristiánugu würiña luagu afiñeni luma ganigi lídangiñe hénpulu tani Débora tuma Haeli? (Ali. 4:4, 8, 9, 14, 21, 22; Ari. 31:30; 1 Ko. 16:13.)

3. Aliihabei Alidihatiña 5:1-31.

   Ítara kei Barakü tuma Débora lau uremu lánina agañeiruni, ka lunbei wamuriahani lidan wafurieidun luagu wuribu le lunbei liabin Arümahedón? (Ali. 5:3, 31; 1 Kro. 16:8-10; Aruf. 7:9, 10; 16:16; 19:19-21.)

Abahüdaguni 51

Rudu tuma Noemí

1. Ka san uagu tidinbei Noemí lidoun fulasu le gíribei Moabü?

2. Kátaña san Rudu tuma Orufá?

3. Ida liña san hóunabun Rudu tuma Orufá dan le tariñagunbei Noemí lun hagiribudun hageiroun?

4. Ka san Boosubei, ani ida liña san líchugun ídemuei tun Rudu tuma Noemí?

5. Ka san liri liráü Boosu tuma Rudu, ani ka san uagu mosu lubéi waritagun luagun?

Lanwoun álügüdahani:

1. Aliihabei Rudu 1:1-17.

   1. Ka lubuidun dimurei lani úaraguni tariñagubei Rudu? (Rudu 1:16, 17.)

   2. Ida liña san gayara lan larihín ligiaméme lan lubuidun tisaminan meha Rudu lumoun ligaburi hasaminan “amu mudún” hawagu ha lanúadirubaña Bungiu ya ubouagu? (Huan 10:16; Sak. 8:23.)

2. Aliihabei Rudu 2:1-23.

   Ida liña san tíchugun Rudu aban lubuidun hénpulu houn würiña nibureintiña uguñe weyu? (Rudu 2:17, 18; Ari. 23:22; 31:15.)

3. Aliihabei Rudu 3:5-13.

   1. Ka san laritagubei Boosu luagu tánharun Rudu tamarieidun luma lubaragiñe hamuga tamarieidun luma aban nibureingili?

   2. Ka san larufudahabei tigaburi Rudu luagu úaraguni woun? (Rudu 3:10; 1 Ko. 13:4, 5.)

4. Aliihabei Rudu 4:7-17.

   Ida liña san gayara lan háyeihani wügüriña kristiánugu Boosu? (Rudu 4:9, 10; 1 Tim. 3:1, 12, 13; 5:8.)

Abahüdaguni 52

Hedeón hama 300 wügüriña

1. Ka san haturóbulinbei ísüraelina, ani ka uagu?

2. Ka san uagu lariñaga Heowá lun Hedeón luagu gíbeyatiña lan lisudaranigu?

3. Lárigiñe lóunahaniñu Hedeón ha hanufudebaña hábiñoun átiriñanu san wügüriña erederutiña?

4. Según larufuduni dibuhu, ida liña san ladügün Heowá lun halouguadun lisudaranigu Hedeón lunrügü 300 wügüriña?

5. Ida liña san lafanreinhaniñu Hedeón 300 wügüriña, ani ida liña lagañeiruni Ísüraeli wuribu?

Lanwoun álügüdahani:

1. Aliihabei Alidihatiña 6:36-40.

   1. Ida liña san lachoururuni Hedeón ka lan labusenrubei Heowá?

   2. Ida liña san gayara lan wakutihani uguñe weyu ka lan lugundanbei Heowá? (Ari. 2:3-6; Mat. 7:7-11; 2 Tim. 3:16, 17.)

2. Aliihabei Alidihatiña 7:1-25.

   1. Ka san wafurendeirubei hámagiñe 300 wügüriña ha meha aranseñubaña, hamoun ha mekeetiñu? (Ali. 7:3, 6; Rom. 13:11, 12; Efe. 5:15-17.)

   2. Ítara kei 300 wügüriña ha afurendeirubaña lúmagiñe Hedeón lau harihini, ida liña wafurendeirun lúmagiñe Hedeón wéiritimati, Hesukrístu? (Ali. 7:17; Mat. 11:29, 30; 28:19, 20; 1 Fe. 2:21.)

   3. Ida liña san líderaguniwa Alidihatiña 7:21 lun gunda wamá lun weseriwidun ñein lumuti líchigawa lani Heowá óundaruni? (1 Ko. 4:2; 12:14-18; Sant. 4:10.)

3. Aliihabei Alidihatiña 8:1-3.

   Dan le waransehani waturóbulin luma aban íbiri, ka wafurendeirubei lúmagiñe ligaburi laranseruni Hedeón sigenei hama lánigu Éfürain? (Ari. 15:1; Mat. 5:23, 24; Luk. 9:48.)

Abahüdaguni 53

Lani Hefüté füramasei

1. Katei san Hefüté, ani ka dan lawinwanda?

2. Ka füramase lubéi Hefüté lun Heowá?

3. Ka san uagu líruda Hefüté dan le lagiribudunbei lúbiñoun lárigiñe lagañeiruniña Amonna?

4. Ka san tariñagubei liráü Hefüté dan le tasubudiruni luáguti füramasei le ladügübei túguchi?

5. Ka san uagu tínsiñebei liráü Hefüté houn gürigia?

Lanwoun álügüdahani:

1. Aliihabei Alidihatiña 10:6-18.

   Ka eweridihani le lunti wetenirun lun líchugubei sun le hadügübei ísüraelina dan le magunfulirun hamá lun Heowá ? (Ali. 10:6, 15, 16; Rom. 15:4; Aruf. 2:10.)

2. Aliihabei Alidihatiña 11:1-11, 29-40.

   1. Ida liña wasubudiruni dan lariñagun Hefüté luagu líchigaru lan liráü “kei adagaragüdüni” mama lan líchuguñoun keisi aban sákürifisiu hani gürigia? (Ali. 11:31; Fad.  16:24; 2 Lur. 18:10, 12.)

   2. Ida liña san ladagaragüdǘnu Hefüté liráü kei aban sákürifisiu?

   3. Ka wafurendeirubei lúmagiñe ligaburi lisaminan Hefüté luagu füramasei le ladügübei lun Heowá? (Ali. 11:35, 39; Apur. 5:4, 5; Mat. 16:24.)

   4. Ida liña san gayara lan hasigiruni nibureintiña kristiánugu tani liráü Hefüté hénpulu dan le híchuguni libe-agei hadaani eseriwida lun Heowá? (Ali. 11:36; Mat. 6:33; Fili. 3:8.)

Abahüdaguni 54

Wügüri le héretimabei

1. Ka liri wügüri le héretimabei le meha awinwandunbei ubouagu, ani ka íchugubani erei ligía lun?

2. Ka san ladügübei Sansón luagu aban ókaasion lun aban liñún, kei larihin lidan dibuhu?

3. Ka labahüdagubei Sansón tun Dalila, ani ka uagu ladüga lira lun hárügüdüni filistéana?

4. Ida liña san ladüga Sansón lun hóunwegun 3.000  áganiñu filistéana weyu le lóunwenbei?

Lanwoun álügüdahani:

1. Aliihabei Alidihatiña 13:1-14.

   Ka san uagu aba lubéi lubuidun hénpulu Manóa tuma lani weiriou houn agübürigu lidan hagüriahóun irahüñü? (Ali. 13:8; Sal. 127:3; Efe. 6:4.)

2. Aliihabei Alidihatiña 14:5-9 luma 15:9-16.

   1. Ka larufudubei luagu lani Heowá sífiri sandu, abahüdaguni luagu Sansón ñein lubéi láfara aban liñún, ani tumugualei gúrudu iserigili luma lanügün aban láribugu burigü lun láfarun 1.000 wügüriña?

   2. Ida liña san líderaguniwa sífiri sandu uguñe weyu? (Ali. 14:6; 15:14; Sak. 4:6; Adü. 4:31.)

3. Aliihabei Alidihatiña 16:18-31.

   Ka san efekütu hánibei hagübüri umadagu luagu Sansón, ani ka wafurendeirubei lídangiñe? (Ali. 16:18, 19; 1 Ko. 15:33.)

Abahüdaguni 55

Irahü seriwiti lun Bungiu

1. Ka san liri irahü le lídanbei dibuhu, ani kátaña san ha híbiri?

2. Ka afurieidúni tadügübei Ana aban weyu tidan tabernákulu, ani ida liña lóunabunu Heowá?

3. Átiri irumu lau Samueli dan le leseriwidun tidan tabernákulu, kati tadügübei lúguchu sagü irumu?

4. Ka san hiri lirahüñü Elí, ani ka hawuyeri wügüriña hagía?

5. Ida liña san lagúahan Heowá lun latenirun Samueli lun, ani ka uganu líchugubei lun?

6. Ka san ladügübei Samueli dan le laweiridunbei, ani ka asuseredubei dan le laweiyadunbei?

Lanwoun álügüdahani:

1. Aliihabei 1 Samueli 1:1-28.

   1. Ka san hénpulu buiti líchugubei Elikaná houn ichügüdinaü hani familia dan le hanügüni ubaraü lidan áhuduraguni le inarüniti? (1 Sam. 1:3, 21; Mat. 6:33; Fili. 1:10.)

   2. Ka wafurendeirubei lídangiñe ligaburi tagagibudagun Ana luma aban turóbuli hérenguti? (1 Sam. 1:10, 11; Sal. 55:22; Rom. 12:12.)

2. Aliihabei 1 Samueli 2:11-36.

   Ida liña san inebe hama lirahüñü Elí lun sügǘ lau Heowá, ani ka uéi leweridirawa katei le? (1 Sam. 2:22-24, 27, 29; 2 Lur. 21:18-21; Mat. 10:36, 37.)

3. Aliihabei 1 Samueli 4:16-18.

   Ka san gádürü ñunsu wuribati libihubei Elí wuriburugugiñe, ani ka efekütu lanibei ñunsu le luagu?

4. Aliihabei 1 Samueli 8:4-9.

   Ida liña san hagañidagüdüni ísüraelina Heowá, ani ida liña gayara lan wídehan lau úaraguni lun lawanserun Larúeihan Heowá uguñe weyu? (1 Sam. 8:5, 7; Huan 17:16; Sant. 4:4.)

Abahüdaguni 56

Furumiñeti urúei Ísüraeli

1. Ka san ladügübei Samueli lidan dibuhu, ani ka uagu?

2. Ka uagu hínsiñe lubéi Saulu lun Heowá, ani ka luwuyeri wügüri Saulubei?

3. Ka liri liráü Saulu, ani ka ladügübei?

4. Ka uagu ladagaragüdei Saulu sákürifisiu lubaragiñe hamuga lagurabahan lun Samueli lan adügei?

5. Ka burí leksióun wafurendeirubei lídangiñe abahüdaguni luáguti Saulu?

Lanwoun álügüdahani:

1. Aliihabei 1 Samueli 9:15-21 luma 10:17-27.

   Ida liña líderaguni ǘnabuguni le luágubei Saulu lun madügün lan aban katei sin lasaminaruni, dan le hayanuhanbei fiú wügüriña luagu lau menebenehabuni? (1 Sam. 9:21; 10:21, 22, 27; Ari. 17:27.)

2. Aliihabei 1 Samueli 13:5-14.

   Ka figóu ladügübei Saulu Gilügáli? (1 Sam. 10:8; 13:8, 9, 13.)

3. Aliihabei 1 Samueli 15:1-35.

   1. Ka lanarime figóu ladügübei Saulu lidan luáguti Agagü le lurúeite Amalékü? (1 Sam. 15:2, 3, 8, 9, 22.)

   2. Ida liña lálugun Saulu lagidaruni duru luariua luagu le ladügübei luma lun líchuguni duru hawagun amu? (1 Sam. 15:24.)

   3. Ka eweridihani lunbei gaganbadi wamá lun dan le lichugún somu adundehani woun? (1 Sam. 15:19-21; Sal. 141:5; Ari. 9:8, 9; 11:2.)

Abahüdaguni 57

Lanúadiruni Bungiu Dawidi

1. Ka liri irahü le lídanbei dibuhu, ani ida liña wasubudiruni luagu ganigi lan?

2. Halía laganawa Dawidi, ani ka liri lúguchi luma láruguti?

3. Ka uagu lariñaga Heowá lun Samueli lun lidin Belén lúbiñe Hesé?

4. Ka asuseredubei dan le lanügünbaliñu Hesé sedü hádangiñe lirahüñü ligibugiñoun Samueli?

5. Ka lariñagubei Heowá lun Samueli dan hanügüni Dawidi lun?

Lanwoun álügüdahani:

1. Aliihabei 1 Samueli 17:34, 35.

   Ida liña larufuduni sügǘ burí le, ganigi le luágubei Dawidi luma lemenigin luagun Heowá? (1 Sam. 17:37.)

2. Aliihabei 1 Samueli 16:1-14.

   1. Ida liña líderaguniwa lererun Heowá le bürüñübei lidan 1 Samueli 16:7 lun ua lan himein wamá aban gürigia luéi aban luma lun masaminarun wamá wuriba luagu somu gürigia luágürügü warihini? (Adü. 10:34, 35; 1 Tim. 2:4.)

   2. Ida liña larufuduni lani Saulu hénpulu luagu dan lan le lagidaruni Heowá lani sífiri sandu luéi aban gürigia, gayara lan lanügüni aban sífiri wuribati lilugaarun, o aban erei lidan gürigia le ádahati lun ladügüni le wuribabei? (1 Sam. 16:14; Mat. 12:43-45; Gal. 5:16.)

Abahüdaguni 58

Dawidi luma Goliadi

1. Ka luwuyeri amisurahani ladügübei Goliadi houn súdaragu ísüraelina?

2. Átiriñein méturu lúgubu Goliadi, ani kaba líchiga Saulu lun wügüri le áfaruti Goliadi hilagubei?

3. Ka lariñagubei Dawidi dan le lariñagunbei Saulu lun, siñati lan lageindagun kóntüra Goliadi ladüga ñǘraügili lan?

4. Ida liña larufudun Dawidi emenigini luagu Heowá dan le lóunabuni Goliadi?

5. Según larufuduni dibuhu, ka layusurubei Dawidi lun láfaruni Goliadi, ani ka asuseredubei houn filistéana lárigiñe?

Lanwoun álügüdahani:

1. Aliihabei 1 Samueli 17:1-54.

   1. Ka lanichigubei libibun Dawidi, ani ida luba gayara lan wayeihani ganigi le luágubei? (1 Sam. 17:37, 45; Efe. 6:10, 11.)

   2. Ka uagu mosu lubéi hadisedun kristiánugu luéi sífiri lánina ásügüraguni, kei burí le lani Goliadi, dan le háhurerun o dan le lidanñanu lan amu burí luwuyeri isebáhari? (1 Sam. 17:8; Gal. 5:26; 1 Tim. 4:8.)

   3. Ida liña larufuduni dimurei le lariñagubei Dawidi luagu afiñe lan líderagubei lan Heowá? (1 Sam. 17:45-47; 2 Kro. 20:15.)

   4. Lubaragiñe hamuga ladimurehoun luagu aban wuribu hadan biama sétanu súdaragu, ida liña larufuduni abahüdaguni le, luagu hádanñein lan búngiugu mama inarünitiñu wuribu ligía luma Bungiu inarüniti, Heowá? (1 Sam. 17:43, 46, 47.)

   5. Ida liña háyeihani anúadiruaña ha yáabaña ubouagu lani Dawidi hénpulu, le arufudubei afiñeni luagu Heowá? (1 Sam. 17:37; Her. 1:17-19; Aruf. 12:17.)

Abahüdaguni 59

Ka uagu lanuraha Dawidi

1. Ka uagu lagimugarei Saulu Dawidi, ani ka idan amu lan liráü le Yónatan?

2. Ka asuseredubei aban weyu dan le aniha lan Dawidi áfara árüpa lun Saulu?

3. Ka lariñagubei Saulu mosu lan ladügüni Dawidi lubaragiñe lamarieidun tuma Mikali to liráü, ani ka uagu lariñagei?

4. Según larufuduni dibuhu, aban weyu dan le láfarun Dawidi árüpa lun Saulu ka asuseredubei luagu lǘrüwan wéiyaasu?

5. Ida liña tesefuruni Mikali libagari Dawidi, ani ka lunbei ladügüni Dawidi luagu sedü irumu?

Lanwoun álügüdahani:

1. Aliihabei 1 Samueli 18:1-30.

   1. Ida liña larufuduni ínsiñehabuni mahalachawaguaditi le meha lánibei Yónatan luagu Dawidi, ínsiñehabuni le hádanbei “amu mudún” hama “mudún míbetiñu” uguñe weyu? (1 Sam. 18:1; Huan 10:16; Luk. 12:32, RVA; Sak. 8:23.)

   2. Kei Yónatanba lubéi yebe eresibirei alagan lúmagiñe Saulu lun larúeihan, ida liña larufuduni 1 Samueli 18:4 luagu redei lan Yónatan lábugiñe lererehan le anúadirualibei lun urúeime?

   3. Ida liña larufuduni lani Saulu hénpulu luagu gayara lan lanügüni gimugaü gürigia lidoun figóu wéinamuti, ani ka eweridihani líchugubei abahüdaguni le woun? (1 Sam. 18:7-9, 25; Sant. 3:14-16.)

2. Aliihabei 1 Samueli 19:1-17.

   Ida liña láhureruni Yónatan libagari dan le lagagibudagunbei luma Saulu? (1 Sam. 19:1, 4-6; Ari. 16:14)

Abahüdaguni 60

Awigaili luma Dawidi

1. Ka tiri würi to lídanboun dibuhu to ñǘdünboun arihei Dawidi, ani ida liña taríawagun?

2. Ka Nawalibei?

3. Ka uagu lóunaha Dawidi fiú hádangiñe luwügüriña amuriaha aban fulesei luma Nawali?

4. Ka lariñagubei Nawali houn luwügüriña Dawidi, ani ka ladügübei Dawidi?

5. Ida liña tarufuduni Awigaili luagu aban tan würi chu tau?

Lanwoun álügüdahani:

1. Aliihabei 1 Samueli 22:1-4.

   Ka hénpulu wadarirubei lidan lufamilia Dawidi luagu ida luba lan wíderagun wouniwagua hama wíbirigu kristiánugu? (Ari. 17:17; 1 Tesa. 5:14.)

2. Aliihabei 1 Samueli 25:1-43.

   1. Ka uagu ladimurehoua luagu Nawali lau saragu mabahüdǘni? (1 Sam. 25:2-5, 10, 14, 21, 25.)

   2. Ka gayarabei hafurendeiruni würiña kristiánugu ha maríeitiña lídangiñe tani Awigaili hénpulu? (1 Sam. 25:32, 33; Ari. 31:26; Efe. 5:24.)

   3. Ka biama katei wuribati uéibei terederei Awigaili Dawidi? (1 Sam. 25:31, 33; Rom. 12:19; Efe. 4:26.)

   4. Le ligaburi lóunabun Dawidi lun tererun Awigaili, ida liña líderaguniña wügüriña lun ítara lan hasaminan hawagun würiña kei lisaminan Heowá? (Adü. 21:8, 9; Rom. 2:11; 1 Fe. 3:7.)

Abahüdaguni 61

Ladügǘn urúeime

1. Ka ladügübei Dawidi luma Awisái dan le larumuguña lan Saulu tidan likianpun-agei?

2. Ka burí álügüdahani ladügübei Dawidi lun Saulu?

3. Haliñoun lidin Dawidi lárigiñe ladimurehan luma Saulu?

4. Ka uagu líruda Dawidi saragu ani abürüha ligía aban lubuidun uremu?

5. Átiri irumu lau Dawidi dan le ladügǘnbei urúeime Ebürón, ani ka hiri fiú hádangiñe lirahüñü?

6. Halía larúeiha Dawidi lárigiñe?

Lanwoun álügüdahani:

1. Aliihabei 1 Samueli 26:1-25.

   1. Ka igaburi larufudubei Dawidi lun lúrudu le líchugubei Bungiu según larufuduni dimurei le lariñagubei lidan 1 Samueli 26:11? (Sal. 37:7; Rom. 13:2.)

   2. Ánhawa áfaagua tídangiñe sun wanigi lun warufudun ínsiñeni le úaraguati ani meteingirunwatiwa luagu, ida luba líderaguniwa lererun Dawidi le lídanbei 1 Samueli 26:23 lun wakipurun aban lubuidun saminaü? (1 Uru. 8:32; Sal. 18:20.)

2. Aliihabei 2 Samueli 1:26.

   Ida luba gayara lan hábunagun kristiánugu uguñe weyu “saragu ínsiñeni” hámagua libe le meha hawagubei Dawidi luma Yónatan? (1 Fe. 4:8; Kol. 3:14; 1 Huan 4:12.)

3. Aliihabei 2 Samueli 5:1-10.

   1. Átiriñein irumu larúeihan Dawidi, ani ida liña lafanreinrawagun larúeihan? (2 Sam. 5:4, 5.)

   2. Ka lébunabei luéirigun Dawidi, ani ka laritaguagüdübei le woun uguñe weyu? (2 Sam. 5:10; 1 Sam. 16:13; 1 Ko. 1:31; Fili. 4:13.)

Abahüdaguni 62

Lamiselu lúbiñe Dawidi

1. Lau lidehan Heowá ka asuseredubei Kanán lagumuhóun oura?

2. Ka asuseredubei aban rábounweyu, dan le nihán lubéi Dawidi tábulugu lani palasiu?

3. Ka uagu lagañida Heowá saragu luma Dawidi?

4. Katei wügüri le lídanbei dibuhu le lóunahabei Heowá lun layanuhan luma Dawidi luagu lifigoun, ani ka lariñagubei wügüri ligía lasusereduba lan lun Dawidi?

5. Ka burí lituróbulinbei Dawidi?

6. Ka urúeibei Ísüraeli lárigiñe Dawidi?

Lanwoun álügüdahani:

1. Aliihabei 2 Samueli 11:1-27.

   1. Dan le wakipuragun woungua beresegu eseriwida lun Heowá, ida liña ladouragun wau?

   2. Ida liña lachawahani figóu Dawidi, ani ka eweridihani líchugubei houn lubúeingu Heowá uguñe weyu le asuseredubei lun Dawidi? (2 Sam. 11:2; Mat. 5:27-29; 1 Ko. 10:12; Sant. 1:14, 15.)

2. Aliihabei 2 Samueli 12:1-18.

   1. Ka san gayarabei hafurendeiruni wéiyaaña lidan afiñeni hama agübürigu lídangiñe ligaburi lererehan Natán lun Dawidi? (2 Sam. 12:1-4; Ari. 12:18; Mat. 13:34.)

   2. Ka san uagu larufuda Heowá gudemehabu lun Dawidi? (2 Sam. 12:13; Sal. 32:5; 2 Ko. 7:9, 10.)

Abahüdaguni 63

Salomón urúei sábiuti

1. Ka san álügüdahani ladügübei Heowá lun Salomón, ani ida liña lóunabuni?

2. Kei hínsiñe lubéi lun Heowá le lamuriahabei Salomón, ka füramase lubéi líchuguba lan lun?

3. Ka san turóbuli hénrenguti hanügübei biama würiña lun Salomón?

4. Kei barihini lidan dibuhu, ida liña san laranseruni Salomón turóbuli le?

5. Ida liña san arúeihani lani Salomón, ani ka uagu?

Lanwoun álügüdahani:

1. Aliihabei 1 Urúeigu 3:3-28.

   1. Ka san arufudahani líchugubei dimurei furanguti le lariñagunbei Salomón lidan 1 Urúeigu 3:7 houn wügüriña ha gámabani kárugu lidan óundaruni lani Bungiu? (Sal. 119:105; Ari. 3:5, 6.)

   2. Ka uagu buidu lubéi hénpulu lafurieidun Salomón luagu burí katei le uágubei buidu lan wafurieidun luagu? (1 Uru. 3:9, 11; Ari. 30:8, 9; 1 Huan 5:14.)

   3. Ka emenigini líchugubei woun ligaburi laranseruni Salomón sigenei hadan bián würiña luagume larúeihan Salomón le wéiritimabei, Hesukrístu? (1 Uru. 3:28; Isa. 9:6, 7; 11:2-4.)

2. Aliihabei 1 Urúeigu 4:29-34.

   1. Ida liña san lóunabuni Heowá lamuriahan Salomón aban anigi gaganbaditu? (1 Uru. 4:29.)

   2. Lau warihini áfaaguni le hadügübei gürigia lun haganbuni lichú lau Salomón, Ka san igaburi mosu lubéi warufuduni luagu taturiahoun Lererun Bungiu? (1 Uru. 4:29, 34; Huan 17:3; 2 Tim. 3:16.)

Abahüdaguni 64

Tábunawagun ténpulu

1. Átiriñein dan lanügün Salomón ábunaguoun litenpulun Heowá, ani ka uagu tiserunbei?

2. Átiriñein san kuartu méiniti tidan ténpulu, ani ka íchugubei lidoun kuartu ñǘraüti?

3. Ka san lariñagubei Salomón lidan lafurieidun dan le tóunwenbudunbei ténpulu?

4. Ida liña san larufuduni Heowá gunda lan lau furíei le ladügübei Salomón?

5. Ka san hibihubei lani burí Salomón weiriou lun ladügün, ani ka asuseredubei lun?

6. Ka san uagu lágañida Heowá luma Salomón, ani ka lariñagubei lun?

Lanwoun álügüdahani:

1. Aliihabei 1 Krónikasi 28:9, 10.

   Kei warihin lidan dimurei le lariñagubei Dawidi lidan 1 Krónikasi 28:9, 10, ka mosu lubéi wóuchun lun wadügün lidan wabagari sagü weyu? (Sal. 19:14; Fili. 4:8, 9.)

2. Aliihabei 2 Krónikasi 6:12-21, 32-42.

   1. Ida liña san larufuduni Salomón siñati lan laganóun Bungiu le íñugutimabei tidan muna to ladügüboun wügüri? (2 Kro. 6:18; Adü. 17:24, 25.)

   2. Ka san larufudubei luagu Heowá dimurei burí le lariñagubei Salomón lidan 2 Krónikasi 6:32, 33? (Adü. 10:34, 35; Gal. 2:6.)

3. Aliihabei 2 Krónikasi 7:1-5.

   Ítara kei halawahani ísüraelina Heowá dan le harihini luéirigun, ka efekütu ladügübei wawagu warihini abinirúni le líchugubei Heowá houn lumutuniña? (2 Kro. 7:3; Sal. 22:22; 34:1; 96:2.)

4. Aliihabei 1 Urúeigu 11:9-13.

   Ida liña san larufuduni libagari Salomón súdini lan lun úaragua wamá darí lagumuhóun? (1 Uru. 11:4, 9; Mat. 10:22; Aruf. 2:10.)

Abahüdaguni 65

Lafanreinragun arúeihani

1. Ka san híribei bián wügüriña ha lídanbaña dibuhu, ani kátaña san?

2. Ka ladügübei Aíasi tau daüguaü to lanügüboun, ani ka mini lubéi le ladügübei?

3. Ka san louchubei Salomón ladügün lun Heroboamü?

4. Ka uagu hadügei gürigia Heroboamü urúeime luagu diisi türibu?

5. Ka uagu ladüga Heroboamü bián bágasu lauti golu, ani ka asuseredubei lau ageiraü lárigiñe?

6. Ka asuseredubei lau arúeihani lani bián türibu luma giñe tau litenpulun Heowá Herusalén?

Lanwoun álügüdahani:

1. Aliihabei 1 Urúeigu 11:26-43.

   Ka san meha luwuyeri gürigia Heroboamü, ani ka füramase lubéi Heowá lun anhein lagunfulira Lilurudun? (1 Uru. 11:28, 38.)

2. Aliihabei 1 Urúeigu 12:1-33.

   1. Ka hafurendeirubei agübürigu hama wéiyaaña lidan afiñeni lídangiñe luriban hénpulu lani Roboamü luagu luriban layusurun gumadi? (1 Uru. 12:13; Apur. 7:7; 1 Fe. 5:2, 3.)

   2. Kaba umoun houdin nibureintiñu áluaha adundehouni luba desidírü hamá luagu katei súdiniti lidan habagari? (1 Uru. 12:6, 7; Ari. 1:8, 9; 2 Tim. 3:16, 17; Ebü. 13:7.)

   3. Ka meha uagu líchiga Heroboamü bián fulasu lun áhudurawaguni houn Bágasu, ani ida liña larufudun lueirin mafiñeni luagu Heowá? (1 Uru. 11:37; 12:26-28.)

   4. Ka san ábutibei lun ebedaaguni lidan arúeihani lani diisi türibu kóntüra áhuduraguni le inarüniti? (1 Uru. 12:32, 33.)

Abahüdaguni 66

Hesawéli würi urúei

1. Katoun san Hesawéli?

2. Ka san uagu líruda urúei Aabü luagu aban weyu?

3. Ka san tadügübei Hesawéli lun tibihini lichari Nawotu lun Aabü?

4. Ka san lóunahabei Heowá lun tabeichún Hesawéli?

5. Kei warihini, ka san asuseredubei dan le lachülürün Heú tidan tani Hesawéli palasiu?

Lanwoun álügüdahani:

1. Aliihabei 1 Urúeigu 16:29-33 luma 18:3, 4.

   Ida liña san wuriba lan gádantiñu lílana Ísüraeli lidan lidaani urúei Aabü? (1 Uru. 14:9.)

2. Aliihabei 1 Urúeigu 21:1-16.

   1. Ida liña larufudun Nawotu ganigi luma úaraguni lun Heowá? (1 Uru. 21:1-3; Fad. 25:23-28.)

   2. Ka san larufudubei lani Aabü hénpulu woun ida luba lan gagibugua wamá luma asufuriruni? (1 Uru. 21:4; Rom. 5:3-5.)

3. Aliihabei 2 Urúeigu 9:30-37.

   Ka wafurendeirubei lídangiñe lemeidin Heú dan le ladügüni lugundan Heowá? (2 Uru. 9:4-10; 2 Ko. 9:1, 2; 2 Tim. 4:2.)

Abahüdaguni 67

Lafiñen Hosafátü

1. Katei san Hosafátübei, ani ka dan lawinwanda?

2. Ka san uagu hanufudeda ísüraelina, ani ka hadügübei saragu hádangiñe?

3. Ida liña san lóunabuni Heowá lafurieidun Hosafátü?

4. Ka san ladügübei Heowá lun lasuseredun lubaragiñe wuribu?

5. Ka san wafurendeirubei lúmagiñe Hosafátü?

Lanwoun álügüdahani:

1. Aliihabei 2 Krónikasi 20:1-30.

   1. Ida liña larufuduni Hosafátü le lunbei hadügüni lubúeingu Bungiu dan le hagagibudagun luma asíadiruni? (2 Kro. 20:12; Sal. 25:15; 62:1.)

   2. Kei meha layusurun Heowá gürigia ha lanúadirubaña lun hadimurehan houn lumutuniña, kátaña san gürigia layusurubaña uguñe weyu? (2 Kro. 20:14, 15; Mat. 24:45-47; Huan 15:15.)

   3. Danme lanügüni Heowá “wuribu le lánina óunwenbu luéyuri Bungiu le Suntigabafu”, Kaba idan genegegua lan le gádanbaliwa luma Hosafátü? (2 Kro. 20:15, 17; 32:8; Aruf. 16:14, 16.)

   4. Ítara kei meha lewitagu, ida liña hídehan prekursoru hama misioneru lun lawanserun apurichihani lidan sun ubóu? (2 Kro. 20:19, 21; Rom. 10:13-15; 2 Tim. 4:2.)

Abahüdaguni 68

Habagaridunya irahüñü

1. Kátaña san ǘrüwa gürigia ha lidanbaña dibuhu, ani ka asuseredubei lun irahü luagu aban weyu?

2. Ka lamuriahabei Elíasi luagu irahü dan le lafurieidun, ani ka asuseredubei lárigiñe?

3. Ka liri le íderagubalin Elíasi?

4. Ka uagu lamuriahoua luma Eliséu lun lidin túbiñe aban würi sunemüna?

5. Ka ladügübei Eliséu, ani ka asuseredubei lun irahü le hilaalibei?

6. Ka lubafu Heowá larufudubei lau le ladügübei Elíasi luma Eliséu?

Lanwoun álügüdahani:

1. Aliihabei 1 Urúeigu 17:8-24.

   1. Ida liña san lóuchawagun lafiñen Elíasi luma laganbadi? (1 Uru. 17:9; 19:1-4, 10.)

   2. Ka uagu wéiri lubéi tafiñen würi hilaali tani weiriei sarepütana? (1 Uru. 17:12-16; Luk. 4:25, 26.)

   3. Ida liña lachouruni le tásügürübei würi sarepütana inarüni lan dimurei le lariñagubei Hesusu lidan Matéu 10:41, 42? (1 Uru. 17:10-12, 17, 23, 24.)

2. Aliihabei 2 Urúeigu 4:8-37.

   1. Ka san tarufudahabei würi sunemüna woun luagu weresibiruniña gürigia buidu? (2 Uru. 4:8; Luk. 6:38; Rom. 12:13; 1 Huan 3:17.)

   2. Ka burí san katei lánina areiduni gayarabei wadügün hawagu lubúeingu Bungiu uguñe weyu? (Adü. 20:35; 28:1, 2; Gal. 6:9, 10; Ebü. 6:10.)

Abahüdaguni 69

Irahü íderaguei wéiriguti

1. Ka tariñagubei irahü tun würi lidan dibuhu?

2. Katoun san würi to lidanboun dibuhu, ani ka uagu anuhán tubéi irahü to túbiñe?

3. Ka lóunahabei Eliséu ariñaga lun Naamán, ani ka uagu lagañida Naamán?

4. Ka asuseredubei dan le laganbuniñu Naamán lubúeingu?

5. Ka uagu meresibirun lubéi Eliséu idewesei lúmagiñe Naamán, ani ka ladügübei Geasí?

6. Ka asuseredubei lun Geasí, ani ka wafurendeirubei lídangiñe le?

Lanwoun álügüdahani:

1. Aliihabei 2 Urúeigu 5:1-27.

   1. Ida liña líchugun iderebugu houn nibureintiñu hénpulu tani irahü ísüraelina? (2 Uru. 5:3; Sal. 8:2; 148:12, 13.)

   2. Ka uagu buidu lubéi lani Naamán hénpulu dan lichugún somu eweridihani woun tídangiñe Bíbülia? (2 Uru. 5:15; Ebü. 12:5, 6; Sant. 4:6.)

   3. Ka wafurendeirubei lídangiñe lani Eliséu hénpulu, ani ka wafurendeirubei lídangiñe lani Geasí hénpulu? (2 Uru. 5:9, 10, 14-16, 20; Mat. 10:8; Adü. 5:1-5; 2 Ko. 2:17.)

Abahüdaguni 70

Honasi luma udu

1. Ka Honasibei, ani ka lariñagubei Heowá lun, lun ladügüni?

2. Kei mabuseerun lubéi lidin ñeinhin lubéi lóunahei Heowá, ka ladügübei Honasi?

3. Ka san lamuriahabei Honasi hama mádulungu lun hadügüni, lun lásügürün luriban dan?

4. Kei larihín lidan dibuhu, ka asuseredubei dan le labuluchun Honasi dúnarugun?

5. Átiriñein san dan lásügürün Honasi lurageirugu udu, ani ka ladügübei ñein?

6. Haliñoun lidin Honasi lárigiñe láfuridun lurageirugugiñe udu, ani ka larufudahabei le woun?

Lanwoun álügüdahani:

1. Aliihabei Honasi 1:1-17.

   Según larihín, ka meha lisaminanbei Honasi luagun wadagimanu le libihubei lun lapurichihan houn lílana Níniwe? (Hon. 1:2, 3; Ari. 3:7; Apur. 8:12.)

2. Aliihabei Honasi 2:1, 2, 10.

   Ida liña larufuduni sügǘ lani Honasi woun luagu gayara lan wafiñerun lóunabubei lan Heowá wafurieidun? (Sal. 22:24; 34:6; 1 Huan 5:14.)

3. Aliihabei Honasi 3:1-10.

   1. Ida liña líchugun dügüdaguaü woun wasubudiruni luagu sigiti lan Heowá ayusurei Honasi lau sun magunfulirun lan furumiñe lau wadagimanu le líchugubei Heowá lun? (Sal. 103:14; 1 Fe. 5:10.)

   2. Ka larufudahabei sügǘ le lani Honasi hama niniwena woun, lun masaminarun wamá luagu masansirunbaña lan gürigia ha unbaña wapurichiha? (Hon. 3:6-9; Apur. 11:6; Adü. 13:48.)

Abahüdaguni 71

Paraísu füramasewati

1. Ka Isaíasibei, ídabuga lawinwanda, ani ka larufudubei Heowá lun?

2. Ka lilabei dimurei paraísu, ani ka laritaguagüdübei woun?

3. Ka meha lariñagubei Heowá lun Isaíasi lun labürüdüni luagu iseri paraísu?

4. Ka uagu heferidirei Adán tuma Ewa lubuidun hábiñe?

5. Ka füramase lubéi Heowá houn ha hínsiñehabubaña lun?

Lanwoun álügüdahani:

1. Aliihabei Isaíasi 11:6-9.

   1. Ida liña tarufuduni lererun Bungiu darangilaü le lunbei ñeinbei lan hadan wügüriña hama animaalugu lidan iseri ubóu? (Sal. 148:10, 13; Isa. 65:25; Ese. 34:25.)

   2. Ida liña lagunfulirun lererun Isaíasi hadan lumutuniña Heowá uguñe weyu? (Rom. 12:2; Efe. 4:23, 24.)

   3. Ka garichabei lun leresibiruni inebesei luagu lasansiragun hóusan gürigia dandu guentó kei lidan iseri ubóu le lunbei liabin? (Isa. 48:17, 18; Gal. 5:22, 23; Fili. 4:7.)

2. Aliihabei Arufudúni 21:3, 4.

   1. Ida liña tarufuduni Lererun Bungiu dan le lan lariñawagun luagu laganóuba lan Bungiu haganagua gürigia, mama lan lariñawaguña luagu harihubei lan gürigia Bungiu, ariharügü habéi lan le lunbei ladügüni hawagu? (Fad. 26:11, 12; 2 Kro. 6:18; Isa. 66:1; Aruf. 21:2, 3, 22-24.)

   2. Ka luwuyeri águiraü luma igarigu lunbei lagidarun? (Luk. 8:49-52; Rom. 8:21, 22; Aruf. 21:4.)

Abahüdaguni 72

Líderaguni Bungiu Esekíasi

1. Katei san wügüri le lídanbei dibuhu, ani ka uagu lídanñein lubéi saragu turóbuli?

2. Ka burí gárada to líchuguboun Esekíasi ligibugiñe Bungiu, ani ka lamuriahabei luma lidan lafurieidun?

3. Ka luwuyeri urúei Esekíasibei, ani ka uganu lóunahabei Heowá lun luma profeta Isaíasi?

4. Ka ladügübei lani Heowá ánheli houn asiriana, según larufuduni dibuhu?

5. Íbini dari lan arúeihani le hani biama türibu darangilaü luagu fiú dan, ka asuseredubei lárigiñe lounwen Esekíasi?

Lanwoun álügüdahani:

1. Aliihabei 2 Urúeigu 18:1-36.

   1. Ida liña lálugun Rabüsake le lani urúei asiriana úfisi, lun ladebilidagüdüni hafiñen ísüraelina? (2 Uru. 18:19, 21; Afu. 5:2; Sal. 64:3.)

   2. Ida liña hasigiruni gefentiñu luagu Heowá lani Esekíasi hénpulu dan le hagagibudagun hama ha busentiñu herederuni heseriwidun? (2 Uru. 18:36; Sal. 39:1; Ari. 26:4; 2 Tim. 2:24.)

2. Aliihabei 2 Urúeigu 19:1-37.

   1. Lidan lidaani igarigu, ida liña háyeihani lubúeingu Heowá uguñe weyu lani Esekíasi hénpulu? (2 Uru. 19:1, 2; Ari. 3:5, 6; Ebü. 10:24, 25; Sant. 5:14, 15.)

   2. Ka féridi ǘrüwaguati lasufurirubei urúei Senakeríbü, ani según profesía le tídanbei Bíbülia kaba un lasusereda ligiaméme ámuñegü? (2 Uru. 19:32, 35, 37; Aruf. 20:2, 3.)

3. Aliihabei 2 Urúeigu 21:1-6, 16.

   Ka uagu gayara lubéi wachóuruni luagu Manasési lan meha aban hádangiñe urúeigu ha wuribatimabaña ha arúeihabaña Herusalén? (2 Kro. 33:4-6, 9.)

Abahüdaguni 73

Lagumuhóun urúei buiti

1. Átiri irumu lau Hosíasi dan le larúeihanbei, ani ka lagumeserubei adüga lárigiñe larúeihan luagu sedü irumu?

2. Ka san ladügübei Hosíasi lidan furumiñeti dibuhu?

3. Ka ladeirubei fádiri le íñugutimabei dan le taransehouña lubéi ténpulu?

4. Ka san uagu laheiridaguoun Hosíasi ladaüragun?

5. Ka uganu lúmagiñeti Heowá tíchugubei profeta Uludá lun Hosíasi?

Lanwoun álügüdahani:

1. Aliihabei 2 Krónikasi 34:1-28.

   1. Ka hénpulu líchugubei Hosíasi houn ha hérengubaña ibagari lidan hañüraü? (2 Kro. 33:21-25; 34:1, 2; Sal. 27:10.)

   2. Ka burí katei súdiniti ladügübei Hosíasi lun lawanseragüdüni áhudurawaguni le inarüniti lidan burí irumu widü, duusu luma disiwídü lánina larúeihan? (2 Kro. 34:3, 8.)

   3. Ka burí leksióun wafurendeirubei lídangiñe hénpulu le lani urúei Hosíasi luma le lani Ilükíasi fádiri le íñugutimabei, lidan luáguti letenirún lun fulasu le ñein lubéi wadamuridagua? (2 Kro. 34:9-13; Ari. 11:14; 1 Ko. 10:31.)

Abahüdaguni 74

Aban wügüri manufudeti

1. Katei san nibureinti le lídanbei dibuhu?

2. Ida liña san larihini Heremíasi lisaminan Bungiu lun ladügǘn profetame, ani ka lariñagubei Heowá lun?

3. Ka uganu lasigirubei Heremíasi íchiga houn ísüraelina?

4. Ida liña houchun fádirigu herederuni Heremíasi, ani ida liña larufuduni luagu manufude lan?

5. Ka asuseredubei houn ísüraelina ladüga mígirun hamani ladügǘn le wuribabei?

Lanwoun álügüdahani:

1. Aliihabei Heremíasi 1:1-8.

   1. Kei larufuduni lani Heremíasi hénpulu, ka íchugubei iarani lun gürigia lun leseriwidun lun Heowá? (2 Ko. 3:5, 6.)

   2. Ida liña líchugun lani Heremíasi hénpulu dügüdaguaü houn nibureintiña kristiánugu? (Apur. 12:1; 1 Tim. 4:12.)

2. Aliihabei Heremíasi 10:1-5.

   Ka óunwenbu hénpulu layusurubei Heremíasi lun larufuduni luagu meseriwin lan afiñeni hawagu guáriua lun ni kata? (Her. 10:5; Isa. 46:7; Abak. 2:19.)

3. Aliihabei Heremíasi 26:1-16.

   1. Dan le ladimurehoun uguñe weyu luagu uganu lánina eweridihani, ida liña hadügün kristiánugu ha anúadiruañabaña gasu lau lúrudu le líchugubei Heowá lun Heremíasi lun ‘magidarún lan ni aban dimurei ñeingiñe’? (Her. 26:2; 2 Lur. 4:2; Adü. 20:27.)

   2. Ka hénpulu líchugubei Heremíasi houn gefentiñu luagu Heowá uguñe weyu dan le hapurichihan luagu leweridihan Heowá houn néchanigu? (Her. 26:8, 12, 14, 15; 2 Tim. 4:1-5.)

4. Aliihabei 2 Urúeigu 24:1-17.

   Ka resultóu híruti lanibei meseriwidun hamá Huríu lun Heowá lau úaraguni? (2 Uru. 24:2-4, 14.)

Abahüdaguni 75

Gádürü irahüñü Babilónia

1. Kátaña san gádürü irahüñü ha lídanbaña dibuhu, ani ka uagu añaha lubéi Babilónia?

2. Ka lisaminanbei Nabukodonosoru habá gádürü irahüñü ha, ani ka gumadi líchugubei houn lubúeingu?

3. Ka lamuriahabei Danieli luagu leigin hau sun ǘrüwa lumadagu luma le lunbei hátuni?

4. Lárigi heigin híduru luagu diisi weyu, ida liña Danieli hama ǘrüwa lumadagu dan le konpararü hamaniña hama ha híbiri nibureintiña?

5. Ka uagu lanügǘwa Danieli hama ǘrüwa lumadagu tidoun lani urúei palasiu, ani ka idan buídutima hamá sügǘ hau fádirigu hama chu tau?

Lanwoun álügüdahani:

1. Aliihabei Danieli 1:1-21.

   1. Ka áfaaguni lunbei wadügüni lun gayara lan wawanduni óuchawaguni, ani iñuragua wagíame lídangiñe furumiñeguarügü débili? (Dan. 1:8; Agu. 39:7, 10; Gal. 6:9.)

   2. Ida liña gayara lan hasandirun nibureintiñu hóuchawaguña lan o hafosuruña lan lun hadügün katei le uágubei hasaminara bandi luagu buidu lan? (Dan. 1:8; Ari. 20:1; 2 Ko. 6:17–7:1.)

   3. Ka larufudahabei abahüdaguni hawaguti gádürü nibureintiña Ebüréana woun lidan luáguti libihín furendei lánina ubóu? (Dan. 1:20; Isa. 54:13; 1 Ko. 3:18-20.)

Abahüdaguni 76

Günrinwagua Herusalén

1. Ka san asuseredubei lun Herusalén luma houn ísüraelina ha lídanbaña dibuhu?

2. Ka Esekiélibei, ani ka burí katei hanarimeti luriban larufudubei Heowá lun?

3. Kei le míchugun habéi ísüraelina inebesei lun Heowá, ka füramase lubéi Heowá houn?

4. Ka ladügübei urúei Nabukodonosoru lárigiñebei hagarabaagun ísüraelina luagun?

5. Ka uagu ligira Heowá lun liabin lanarime agünrinchawaguni le hawagun ísüraelina?

6. Ka uagu leredera Ísüraeli málouga, ani luagu átiri dan leredera ítara?

Lanwoun álügüdahani:

1. Aliihabei 2 Urúeigu 25:1-26.

   1. Ka meha Sedekíasibei, ka meha asuseredubei lun, ani ida liña lagunfulirun le, aban profesía tídangiñeti Bíbülia? (2 Uru. 25:5-7; Ese. 12:13-15.)

   2. Ligibugiñe lagu Heowá, ka gadurunbei luagu sun katei wuribati le meha hadügübei ísüraelina? (2 Uru. 25:9, 11, 12, 18, 19; 2 Kro. 36:14, 17.)

2. Aliihabei Esekiéli 8:1-18.

   Ida liña háyeihaniñu gürigia ha ariñagubaña hawougua kristiánugu hamá, ísüraelina apóstata ha meha áhuduragubaña lun Weyu? (Ese. 8:16; Isa. 5:20, 21; Huan 3:19-21; 2 Tim. 4:3.)

Abahüdaguni 77

Máhuduraguntiñu

1. Ka gumadi líchugubei Nabukodonosoru, lurúeite Babilónia?

2. Ka uagu máhuduragun habéi ǘrüwa lumadagu Danieli tun guáriua lautu golu?

3. Dan le líchugunbalin Nabukodonosoru ábaya chansi houn ǘrüwa ebüréana lun háhuduragun, ida liña harufuduni hemenigitiña lan luagu Heowá?

4. Ka lóunahabei Nabukodonosoru lun hadügüni luwügüriña lau Sadürákü, Mesakü luma Awedi-negó?

5. Ka larihibei Nabukodonosoru dan le larihinbei lidoun régigi?

6. Ka uagu lalawahei urúei Habungiute Sadürákü, Mesakü luma Awedi-negó, ani ka hénpulu híchugubei woun?

Lanwoun álügüdahani:

1. Aliihabei Danieli 3:1-30.

   1. Ka igaburi hani ǘrüwa nibureintiña ebüréana lunti wáyeihani lubúeingu Bungiu dan le wagagibudagun luma óuchawaguni lani úaraguni? (Dan. 3:17, 18; Mat. 10:28; Rom. 14:7, 8.)

   2. Ka leksióun súdiniti larufudahabei Heowá Bungiu lun Nabukodonosoru? (Dan. 3:28, 29; 4:34, 35.)

Abahüdaguni 78

Bürüwañu luagu touba muna

1. Ka asuseredubei lidan óunwenbu adineruni le líchugubei lurúeite Babilónia, ani yusulei kopu luma kopu wéinamuti tídangiñe litenpulun Heowá?

2. Ka lariñagubei Bélisasarü houn lánigu chu tau, ani ka hásiñarubei adüga?

3. Ka san tamuriahabei lúguchu Bélisasarü luma?

4. Kei lariñaguni Danieli, ka uagu ladüga Bungiu lun labürühan aban úhabu luagu touba muna?

5. Ida liña lafuranguagüdüni Danieli lanichigu dimurei le luágubei touba muna?

6. Ka asuseredubei dan le anihagua lan Danieli adimureha?

Lanwoun álügüdahani:

1. Aliihabei Danieli 5:1-31.

   1. Ida liña amu lubéi inebewa lan Bungiu luéi anufudei le lasandirubei Bélisasarü dan le larihinbalin abürühani luagu touba muna? (Dan. 5:6, 7; Sal. 19:9; Rom. 8:35-39.)

   2. Ida liña san larufudun Danieli ganigi dan le ladimurehan ligibugiñe Bélisasarü hama lánigu? (Dan. 5:17, 18, 22, 26-28; Adü. 4:29.)

   3. Ida liña san furangu lan larufuduni Danieli kapítulu 5 liricha Heowá le Suntigabafu lun larúeihan? (Dan. 4:17, 25; 5:21.)

Abahüdaguni 79

Danieli haganagua liñún

1. Katei Daríubei, ani ka laritagubei luagu Danieli?

2. Ka hibihubei fiú wügüriña gimugatiñu lun ladügüni Daríu?

3. Ka ladügübei Danieli dan le lasubudirunbalin iseri lúrudu?

4. Ka uagu líruda Daríu saragu darí lun siñá lan larumugun, ani ka ladügübei larugan binaafin?

5. Ka lóunabubei Danieli lun Daríu?

6. Ka asuseredubei houn wügüriña wuribatiña ha álugubaña lun háfaruni Danieli, ani ka labürühabei Daríu houn sun gürigia lidan larúeihan?

Lanwoun álügüdahani:

1. Aliihabei Danieli 6:1-28.

   1. Ida liña laritaguagüdüniwa aransehani le hadügübei áganiñu kóntüra Danieli dan le houchun lun hararamuni hawadigimari Gefentiñu luagu Heowá uguñe weyu? (Dan. 6:7; Sal. 94:20; Isa. 10:1; Rom. 8:31.)

   2. Ida liña gayara lan wáyeihani ligaburi Danieli hagibugiñe “gumadimatiña”? (Dan. 6:5, 10; Rom. 13:1; Adü. 5:29.)

   3. Ida liña san gayara lan weseriwidun lun Heowá “lau saragu úarani” kei ladügüni Danieli? (Dan. 6:16, 20; Fili. 3:16; Aruf. 7:15.)

Abahüdaguni 80

Háfuridun Babilóniagiñe

1. Kei larihin lidan dibuhu, ka san hadügübei ísüraelina?

2. Ida liña lagunfuliruni Siru lani Heowá profesía le líchugubei Isaíasi?

3. Ka lariñagubei Siru houn ísüraelina ha siñabei hagiribudun Herusaléun?

4. Ka san líchugubei Siru houn gürigia lun hanügüni Herusaléun?

5. Átiriñein dan hanügün ísüraelina luba hachülürün Herusaléun?

6. Átiriñein san irumu ásügürüti lúmagiñe lerederun múa málouga?

Lanwoun álügüdahani:

1. Aliihabei Isaíasi 44:28 luma 45:1-4.

   1. Ida liña san lachouruni Heowá lagunfuliruba lan profesía luagu Siru? (Isa. 55:10, 11; Rom. 4:17.)

   2. Ka larufudubei lani Isaíasi profesía luagu Siru, luagu lubafu Heowá lun lariñaguni le lunbei lasuseredun ámuñegü? (Isa. 42:9; 45:21; 46:10, 11; 2 Fe. 1:20.)

2. Aliihabei Ésüdürasi 1:1-11.

   Kei meha hénpulu hani ha siñabei hagiribudun Herusaléun, ida liña gayara lan ‘wíderaguniña’ ha ayusurubalin libe-agei hadaani apurichiha? (Ésüd. 1:4, 6; Rom. 12:13; Kol. 4:12.)

Abahüdaguni 81

Hemenigitiña luagu Heowá

1. Átiriñanu gürigia adügei limigifen wéiyaasu Babilóniagiñe lun Herusalén, ani ka hadarirubei dan le hachülürün?

2. Ka hagumeserubei ísüraelina ábunagua dan le hachülürün, ani ka hadügübei háganiñu?

3. Kátaña san Ahéu luma Sakaríasi, ani ka hariñagubei houn gürigia?

4. Ka uagu lóunaha Tatenái aban gárada Babilónioun, ani ka óunabagülei leresibirubei?

5. Ka ladügübei Ésüdürasi dan le laganbunbani mégei tan litenpulun Bungiu taranserun?

6. Kei larihín lidan dibuhu, ka lamuriahabei Ésüdürasi luma Heowá? Ida liña lóunabuni lafurieidun? Ani ka larufudubei katei le woun?

Lanwoun álügüdahani:

1. Aliihabei Ésüdürasi 3:1-13.

   Anheindügü lídanñadiwa lubéi aban fulasu le úabei damuriguaü hani lumutuniña Bungiu, ka lunbei wasigirun adügei? (Ésüd. 3:3, 6; Adü. 17:16, 17; Ebü 13:15.)

2. Aliihabei Ésüdürasi 4:1-7.

   Ka hénpulu líchugubei Sorobaweli houn lumutuniña Heowá luagu wuriba lan húaradun luma amu burí relihión? (Afu. 34:12; 1 Ko. 15:33; 2 Ko. 6:14-17.)

3. Aliihabei Ésüdürasi 5:1-5, 17 luma 6:1-22.

   1. Ka san uagu siñá lubéi hararamuni áganiñu tábunawagun ténpulu? (Ésüd. 5:5; Isa. 54:17.)

   2. Ida liña híchugun wéiyaaña huríu iderebugu houn kristiánugu wéiyaaña lidan afiñeni lun háluahani ladundehan Heowá dan le hagagibudagun hama áganiñu? (Ésüd. 6:14; Sal. 32:8; Rom. 8:31; Sant. 1:5.)

4. Aliihabei Ésüdürasi 8:21-23, 28-36.

   Lubaragiñe desidírü wamá luagu katei le súdiniti, ka katei buiti lunbei wáyeihani lídangiñe lani Ésüdürasi hénpulu? (Ésüd. 8:23; Sal. 127:1; Ari. 10:22; Sant. 4:13-15.)

Abahüdaguni 82

Marüdokéu tuma Esütérü

1. Kátaña san Marüdokéu tuma Esütérü?

2. Ka uagu labusenra urúei Asueru aban iseri weiriou, ani katoun lanúadiruboun?

3. Katei san Amán ani ka uagu lágañida?

4. Ka lúrudu aranserubei, ani ka tadügübei Esütérü dan teresibiruni uganu lúmagiñe Marüdokéu?

5. Ka asuseredubei lun Amán, ani ka asuseredubei lun Marüdokéu?

6. Ida liña san hesefurun ísüraelina hawéi háganiñu?

Lanwoun álügüdahani:

1. Aliihabei Esütérü 2:12-18.

   Ida liña tarufuduni Esütérü gebegi lan ‘aban sífiri gálumati ani darangilati’ (Esü. 2:15; 1 Fe. 3:1-5.)

2. Aliihabei Esütérü 4:1-17.

   Kei meha tadügüni Esütérü le buidubei luagu áhuduraguni inarüniti, ida luba warufudun gúnfuli luma úaraguni lun Heowá uguñe weyu? (Esü. 4:13, 14; Mat. 5:14-16; 24:14.)

3. Aliihabei Esütérü 7:1-6.

   Ítara Kei meha Esütérü, Ida liña hásügürün lubúeingu Bungiu denchaü lidan éibaahouni uguñe weyu? (Esü. 7:4; Mat. 10:16-22; 1 Fe. 2:12.)

Abahüdaguni 83

Lubarieirun Herusalén

1. Ida liña hasandiragun ísüraelina houngua ladüga mabaríeirun lan uburugu Herusalén?

2. Katei san Neemíasibei?

3. Ka luwadigimaribei Neemíasi, ani ka uagu súdini lubéi?

4. Ka ñunsu ahirudagüdübalin Neemíasi, ani ka ladügübei?

5. Ida liña larufudun urúei Árütaherühesi areiduni lun Neemíasi?

6. Ida liña laransehani Neemíasi ábunaguni lun mararamagüdün hamani háganiñu ísüraelina?

Lanwoun álügüdahani:

1. Aliihabei Neemíasi 1:4-6 luma 2:1-20.

   Ida liña san láluahani Neemíasi ladundehan Heowá? (Neem. 2:4, 5; Rom. 12:12; 1 Fe. 4:7.)

2. Aliihabei Neemíasi 3:3-5.

   Ka hafurendeirubei wéiyaaña lidan afiñeni hama ídehatiñu lidan damuriguaü lídangiñe ligaburi hóuserun tekoana hamoun wügüriña ha “wéirigutimabaña”? (Neem. 3:5, 27; 2 Tesa. 3:7-10; 1 Fe. 5:5.)

3. Aliihabei Neemíasi 4:1-23.

   1. Ka adügübei lun hasigiruni ísüraelina ábunaguni íbini ñéinñanu lan ha áganiñu lau anarimeni? (Neem. 4:6, 8, 9; Sal. 50:15; Isa. 65:13, 14.)

   2. Ida liña líchugun hani ísüraelina hénpulu iderebugu woun uguñe weyu?

4. Aliihabei Neemíasi 6:15.

   Ida liña larufuduni gabafu lan afiñeni, lóunwebudun lubarieirun Herusalén lubaragiñe bián hati? (Sal. 56:3, 4; Mat. 17:20; 19:26.)

Abahüdaguni 84

Aban ánheli bisidoun María

1. Katoun san würi to lidanboun dibuhu?

2. Ka san lariñagubei Gabüriéli tun María?

3. Ida liña lafuranguagüdüni Gabüriéli tun María gasaaniboun lan aban irahü íbini mawinwandun tan luma ni aban wügüri?

4. Ka asuseredubei dan le tidin María bisidoun Isawéli to tiduhe?

5. Ka lasaminarubei Hosé dan le lasubudiruni luagu gasaaniboun lan María, ani ka uagu lasansiragua lisaminan?

Lanwoun álügüdahani:

1. Aliihabei Lúkasi 1:26-56.

   1. Ka larufudubei Lúkasi 1:35 ligíaba lan asusereda lun figóu le wibihubei lúmagiñe Adán le giñe tuágubei María danme le lásügürün libagari liráü Bungiu lídangiñe ubóu le ñein lubéi heredera sífirigu lun turageirugun María? (Ahéu 2:11-13; Huan 6:69; Ebü. 7:26; 10:5.)

   2. Ida liña lichugún uéiriguni lun Hesusu íbini lubaragiñe nasirua lan? (Luk. 1:41-43.)

   3. Ka hénpulu buiti tíchugubei María houn kristiánugu ha eresibirubaña fulesei espechaliti ligibugiñe Bungiu lun heseriwidun? (Luk. 1:38, 46-49; 17:10; Ari. 11:2.)

2. Aliihabei Matéu 1:18-25.

   Íbini mama lan Emanuéli líribei Hesusu, ida liña larufuduni libagari kei wügüri ya ubouagu le mini lubéi iri le? (Mat. 1:22, 23; Huan 14:8-10, NM; Ebü. 1:1-3, RVA.)

Abahüdaguni 85

Nasirua lan Hesusu

1. Katei san irahü le lídanbei dibuhu, ani halía tarounragüdei María?

2. Ka uagu nasirua lubéi Hesusu lidan fulasu le ñein lubéi hareidahoua animaalugu?

3. Kátaña wügüriña ha ebelurubaña lidoun fulasu le ñein lubéi hareidahoua animaalugu, ani ka lariñagubei aban ánheli houn?

4. Ka uagu espechali lubéi Hesusu?

5. Ka uagu gayara lubéi laguahoun lun Hesusu liráü Bungiu?

Lanwoun álügüdahani:

1. Aliihabei Lúkasi 2:1-20.

   1. Ka ligaradanboun Sésarü Augustu lidan lagunfulirun profesía luáguti nasirua lan Hesusu? (Luk. 2:1-4; Mik. 5:2.)

   2. Ida luba gayara lan labahüdǘn somu gürigia hadan ha unbaña laguahoua wügüriña ha “ibihubalin lufulesein” Bungiu? (Luk. 2:14; Huan 17:3; Adü. 3:19; Ebü. 11:6.)

   3. Anhein gébuna lubéi hagundaarun hóuniri mudún ǘnabugutiña hagüra luagu nasirua la aban esefuragülei, ka uagu wéiritima lubéi lébuna hagundaarun lubúeingu Bungiu uguñe weyu? (Luk. 2:10, 11; Efe. 3:8, 9; Aruf. 11:15; 14:6.)

Abahüdaguni 86

Hasigiruña aban waruguma

1. Kátaña wügüriña ha lídanbaña dibuhu, ani ka uagu nihán lubéi aban hádangiñe inchaha tuagun waruguma miritu tura?

2. Ka uagu lagañida urúei Erodesi, ani ka ladügübei?

3. Haliñoun tanügaña waruguma miritu to wügüriña ha, ani ka uagu hagiribuda hageiroun luéigiñe amu üma?

4. Ka lúrudu líchugubei Erodesi, ani ka uagu?

5. Ka lariñagubei Heowá lun Hosé?

6. Ka adügübei lun támirihan iseri waruguma, ani ka uagu?

Lanwoun álügüdahani:

1. Aliihabei Matéu 2:1-23.

   Átiri meha irumu lau Hesusu ani halía meha leredera dan le bisida habalin aturiahatiña waruguma? (Mat. 2:1, 11, 16.)

Abahüdaguni 87

Hesusu ténpulurugu

1. Átiri irumu lau Hesusu lidan dibuhu le, ani halíañein?

2. Ka ladügübei Hosé hama lufamilia sagü irumu?

3. Lárigiñe héibugun aban weyu dayarüti lun hagiribudun hábiñoun, ka uagu lagiribuda Hosé tuma María uburugun Herusalén?

4. Halía hadarirei Hosé tuma María Hesusu, ani ka uagu taweirida hanigi gürigia?

5. Ka lariñagubei Hesusu tun María to lúguchu?

6. Ida luba gayara lan wasigiruni lani Hesusu hénpulu lidan wafurendeirun luagu Bungiu?

Lanwoun álügüdahani:

1. Aliihabei Lúkasi 2:41-52.

   1. Íbini hawagurügüñein lan wügüriña lariñaga lúrudu lun houdin lidan fedu irumu-auti, ka hénpulu buiti líchugubei Hosé tuma María houn agübürigu uguñe weyu? (Luk. 2:41; 2 Lur. 16:16; 31:12; Ari. 22:6.)

   2. Ka meha hénpulu buiti líchugubei Hesusu houn nibureintiñu uguñe weyu lidan luáguti gaganbadi houn agübürigu? (Luk. 2:51; 2 Lur. 5:16; Ari. 23:22; Kol. 3:20.)

2. Aliihabei Matéu 13:53-56.

   Ka gádürü líbirigu Hesusu iridubaña tidan Bíbülia, ani ida liña hayusurún biama hádangiñe fiú dan lárigiñe, lidan damuriguaü hani kristiánugu? (Mat. 13:55; Adü. 12:17; 15:6, 13; 21:18; Gal. 1:19; Sant. 1:1; Hud. 1.)

Abahüdaguni 88

Labadiseiruni Huan Hesusu

1. Kátaña biama wügüriña ha lídanbaña dibuhu?

2. Ida liña labadiseirunua aban gürigia?

3. Ka meha hawuyeri gürigia labadiseihabaña Huan?

4. Ka resun espechaliti uágubei lamuriaha Hesusu luma Huan lun labadiseiruni?

5. Ida liña larufuduni Bungiu gúndaati lan lau labadiseirun Hesusu?

6. Ka asuseredubei dan le lidinbei Hesusu lidoun aban fulasu málati luagu bián-wein weyu?

7. Kátaña furumiñetiñu lánigu Hesusu disipulugu, ani ka furumiñeti milaguru ladügübei?

Lanwoun álügüdahani:

1. Aliihabei Matéu 3:13-17.

   Ka hénpulu lígirubei Hesusu lun ítara luba lan habadiseirún lánigu disipulugu? (Sal. 40:7, 8; Mat. 28:19, 20; Luk. 3:21, 22.)

2. Aliihabei Matéu 4:1-11.

   Ka uagu lánhigichawa lubuidun layusurunu Hesusu Bíbülia lun waturiahanu Bíbülia sagü weyu? (Mat. 4:5-7; 2 Fe. 3:17, 18; 1 Huan 4:1.)

3. Aliihabei Huan 1:29-51.

   Ka umoun lóunahaña Huan le abadiseihabei lánigu disipulugu, ani ida liña gayara lan wáyeihani? (Huan 1:29, 35, 36; 3:30; Mat. 23:10.)

4. Aliihabei Huan 2:1-12.

   Ida liña larufuduni furumiñeti milaguru le ladügübei Hesusu luagu meredehan lan Heowá ni kata buiti hawéi lubúeingu? (Huan 2:9, 10; Sal. 84:11; Sant. 1:17.)

Abahüdaguni 89

Hesusu arumadahoun ténpulu

1. Ka uagu halugurahoua animaalugu ténpulurugu?

2. Ka uagu lágañida Hesusu?

3. Kei larihín lidan dibuhu, ka ladügübei Hesusu ani ka lariñagubei houn ha alugurahabaña unhun lun hadügüni?

4. Ka haritagubei lánigu Hesusu disipulugu dan le harihini le ladügübei?

5. Halíagiñe lásügüra Hesusu dan le lagiribudunbei Galiléoun?

Lanwoun álügüdahani:

1. Aliihabei Huan 2:13-25.

   Dan le warihini ligañi Hesusu hama asansihatiña seinsu ténpulurugu, ka saminaü richati lunbei gani wamani luagu lanügǘn ebegidinaü tidoun luban hadamuridagun gefentiñu luagu Heowá? (Huan 2:15, 16; 1 Ko. 10:24, 31-33.)

Abahüdaguni 90

Tuma würi lóubagiñe fusu

1. Ka uagu lararamagua Hesusu lóubagiñe aban fusu Samaria, ani ka lariñagunbei tun aban würi?

2. Ka uagu taweiridunbei tanigi würi, ka lariñagubei Hesusu tun, ani ka uagu?

3. Ka luwuyeri duna uágubei tafiñera würi layanuhaña lan Hesusu tun, ani ka luwuyeri duna uágubei ladimureha Hesusu?

4. Ka uagu taweirida tanigi würi luagu le lasubudirubei Hesusu tuagu, ani ida liña libihini Hesusu ariñahani le?

5. Ka arufudahani gayarabei wafurendeirun lídangiñe abahüdaguni le?

Lanwoun álügüdahani:

1. Aliihabei Huan 4:5-43.

   1. Kei meha Hesusu, ka igaburi lunbei warufuduni houn gürigia ha lánina amu rasa o amu lan luwuyeri habagari wawéi? ( Huan 4:9; 1 Ko. 9:22; 1 Tim. 2:3, 4; Titu 2:11.)

   2. Ka abinirúni leresibirubei le adügüti lánime Hesusu disipulu? ( Huan 4:14; Isa. 58:11; 2 Ko. 4:16.)

   3. Ida luba gayara lan warufuduni ínsiñeni le tarufudahabei samariana lau tadimurehan luagu le tafurendeirubei? (Huan 4:7, 28; Mat. 6:33; Luk. 10:40-42.)

Abahüdaguni 91

Larufudahan luagu wübü

1. Kei larufuduni dibuhu, halía larufudaha Hesusu, ani kátaña ha añuurubaña yarafa lun?

2. Ka híribei duusu apostolugu?

3. Katei Arúeihani le uágubei lapurichiha Hesusu?

4. Ka larufudahabei Hesusu houn gürigia lun hamuriahan lidan hafurieidun?

5. Ka lariñagunbei Hesusu luagu ida luba lan hóuserun gürigia hámagua?

Lanwoun álügüdahani:

1. Aliihabei Matéu 5:1-12.

   Ida luba gayara lan warufuduni mégei wamani lídehan Bungiu? (Mat. 5:3; Rom. 10:13-15; 1 Tim. 4:13, 15, 16.)

2. Aliihabei Matéu 5:21-26.

   Ida liña larufuduni Matéu 5:23, 24 gani lan wanaagun woungua hama wíbirigu efekütu lidan wamadagua luma Heowá? (Mat. 6:14, 15; Sal. 133:1; Kol. 3:13; 1 Huan 4:20.)

3. Aliihabei Matéu 6:1-8.

   Ka igaburi hani fariséugu lunbei hadisedun kristiánugu luéi? (Luk. 18:11, 12; 1 Ko. 4:6, 7; 2 Ko. 9:7.)

4. Aliihabei Matéu 6:25-34.

   Ida liña larufuduni Hesusu mégei wamá wemenigidun luagu líchugubei lan Heowá le wemégeirubei woun? (Afu. 16:4; Sal. 37:25; Fili. 4:6.)

5. Aliihabei Matéu 7:1-11.

   Ka larufudubei hénpulu le labahüdagubei Hesusu lidan Matéu 7:5? (Ari. 26:12; Rom. 2:1; 14:10; Sant. 4:11, 12.)

Abahüdaguni 92

Lásaaragüdüniña hilaaña

1. Ka túguchibei irahü to lidanboun dibuhu, ani Ka uagu nidiheri lubéi ligía tuma lani weiriou?

2. Ka ladügübei Hairu dan le ladariruni Hesusu?

3. Ka asuseredubei dan le lidinña lan Hesusu lúbiñoun Hairu, ani ka uganu libihubei Hairu ǘmada?

4. Ka uagu héheraha gürigia ha lúbiñebaña Hairu lau Hesusu?

5. Lárigiñe lebelurun tidoun tirumu irahü hama ǘrüwa lani apostolugu hama giñe tagübürigu irahü, ka san ladügübei Hesusu?

6. Ka amu gürigia lásaaragüdübei Hesusu hádangiñe hilaaña, ani ka larufudubei katei le?

Lanwoun álügüdahani:

1. Aliihabei Lúkasi 8:40-56.

   Ida liña larufuduni Hesusu gudemehabu lan ani gufunranda lanu würi to sándiboun, ani ka hafurendeirubei kristiánugu ha wéiyaaña lidan afiñeni lídangiñe katei le? (Luk. 8:43, 44, 47, 48; Fad. 15:25-27; Mat. 9:12, 13; Kol. 3:12-14.)

2. Aliihabei Lúkasi 7:11-17.

   Ka uagu gayara lubéi hadarirun gürigia ha eferidirubaña haduhe lidan óunweni, gurasu lidan harihini ligaburi lóuserun Hesusu tuma würi hilaali tani weiriei Naíngiñe? (Luk. 7:13; 2 Ko. 1:3, 4; Ebü. 4:15.)

3. Aliihabei Huan 11:17-44.

   Ida liña larufuduni Hesusu mariban lan ayahuni dan le lóunwen aban waduhe? (Huan 11:33-36, 38; 2 Sam. 18:33; 19:1-4.)

Abahüdaguni 93

Léigagüdün bandi gürigia

1. Ka asuseredubei lun Huan le abadiseihabei, ani ida liña lasandiragun Hesusu lungua?

2. Ida liña léigagüdüniña Hesusu saragu gürigia ha afalarubalin, ani átiriñein éigini ígiraguti?

3. Ka uagu hanufudeda disipulugu áriebu, ani ka asuseredubei lun Féduru?

4. Ida liña léigagüdüniña Hesusu saragu milu gürigia luagu libiaman ókaasion?

5. Ka uagu buidubei lubéi danme le larúeihani Hesusu Ubóu kei Urúei le lanúadirubei Bungiu?

Lanwoun álügüdahani:

1. Aliihabei Matéu 14:1-32.

   1. Ka larufudubei abahüdaguni le lídanbei Matéu 14:23-32 luagu ligaburi lusan Féduru?

   2. Ida liña san tarufuduni Bíbülia awanse lan meha Féduru lidan lisubudin tuagu Lererun Bungiu ani ragüguati lungua? (Mat. 14:27-30; Huan 18:10; 21:7; Adü. 2:14, 37-40; 1 Fe. 5:6, 10.)

2. Aliihabei Matéu 15:29-38.

   Ida liña larufuduni Hesusu inebe lan lun sun le líchugubei Lúguchi? (Mat. 15:37; Huan 6:12; Kol. 3:15.)

3. Aliihabei Huan 6:1-21.

   Ida liña gayara lan hasigiruni kristiánugu lani Hesusu hénpulu lidan inebewa hamá gumadimatiña? (Huan 6:15; Mat. 22:21; Rom. 12:2; 13:1-4.)

Abahüdaguni 94

Hínsiñetiñu irahüñü lun

1. Ka uagu hasigeneha apostolugu dan le hagiribudunbei lídangiñe aban lidise wéiyaasu?

2. Ka uagu lagúara Hesusu lun aban irahü ani rulei hamidangua apostolugu?

3. Ka idan mosu lubéi ítara hamá apostolugu kei irahüñü?

4. Fiú hati lárigiñe, ida liña larufuduni Hesusu hínsiñe hamá irahüñü lun?

Lanwoun álügüdahani:

1. Aliihabei Matéu 18:1-4.

   Ka uagu layusura Hesusu hénpulu dan le larufudahan? (Mat. 13:34, 36; Mar. 4:33, 34.)

2. Aliihabei Matéu 19:13-15.

   Ka igaburi hani irahüñü lunti wáyeihani anháwa busén weresibiruni abinirúni lani larúeihan Bungiu? (Sal. 25:9; 138:6; 1 Ko. 14:20.)

3. Aliihabei Márükosu 9:33-37.

   Ka larufudahabei Hesusu houn lani disipulugu luagu labusenruniwa ubaraü wéiriguti? (Mar. 9:35; Mat. 20:25, 26; Gal. 6:3; Fili. 2:5-8.)

4. Aliihabei Márükosu 10:13-16.

   Ida liña gayara lan hayarafadun gürigia lumoun Hesusu, ani ka gayarabei hafurendeirun kristiánugu ha wéiyaaña lidan afiñeni lídangiñe hénpulu le? (Mar. 6:30-34; Fili. 2:1-4; 1 Tim. 4:12.)

Abahüdaguni 95

Larufudahan Hesusu

1. Ka álügüdahani ladügünbei aban wügüri lun Hesusu, ani ka uagu?

2. Ka layusurubei Hesusu lun larufudahan, ani ka wafurendeirubei hawagu huríu hama samariana?

3. Lidan labahüdagun Hesusu, ka asuseredubei lun aban huríu le awéiyasuhabei luéigiñe üma lun Herikó?

4. Ka asuseredubei dan le lásügürün aban fádiri huríu luma aban lewita lídangiñe üma ligía?

5. Lidan dibuhu, katei san íderagubalin huríu le buleseiwaalibei?

6. Dan le lagumuchun labahüdagun Hesusu, ka álügüdahani ladügübei, ani ida liña lóunabun wügüri?

Lanwoun álügüdahani:

1. Aliihabei Lúkasi 10:25-37.

   1. Lubaragiñe lóunabuni Hesusu álügüdahani, ida liña líderaguni aban wügüri le subudihabuti lun halurudun huríu asaminara? (Luk. 10:26; Mat. 16:13-16.)

   2. Ida liña meha layusuruni Hesusu hénpulu lun larufudahan houn ha aganbubalin lun masaminarun hamá wuriba hawagu gürigia lubaragiñe hasubudiruniña? (Luk. 10:36, 37; 18:9-14; Titu 1:9.)

Abahüdaguni 96

Lareidaguagüdün sánditiña

1. Ka ladügübei Hesusu dan le lawéiyasuhanbei lidan ageiraü?

2. Ka lariñagubei Hesusu houn lani apostolugu ǘrüwa irumu lárigiñe labadiseirun?

3. Kátaña gürigia ha lídanbaña dibuhu, ani ka ladügübei Hesusu tuagu würi?

4. Ka uagu líchiga busiganu houn hábutigu huríu óunabagülei le líchugubei Hesusu houn?

5. Dan le yarafaali Hesusu hama lani apostolugu lun Herikó, ka ladügübei hawagu bián gamuritiñu marihintiñu?

6. Ka uagu ladüga Hesusu milaguru?

Lanwoun álügüdahani:

1. Aliihabei Matéu 15:30, 31.

   Ka lubuidun layusurun lubafu Heowá larufudubei Hesusu, ani ida liña líderaguniwa le lun gufunranda wamani le füramase lubéi Heowá lubá iseri ubóu? (Sal. 37:29; Isa. 33:24.)

2. Aliihabei Lúkasi 13:10-17.

   Ida liña larufuduni ladügün Hesusu milaguru weyu samudi, awalidaguni le lunbei lanügüni houn gürigia lídanme Larúeihan luagu Milu irumu? (Luk. 13:10-13; Sal. 46:9; Mat. 12:8; Kol. 2:16, 17; Aruf. 21:1-4.)

3. Aliihabei Matéu 20:29-34.

   Ida liña larufudahan abahüdaguni le luagu gadaani lan meha Hesusu lun líderaguniña gürigia, ani ka gayarabei wafurendeirun lídangiñe? (2 Lur. 15:7; Sant. 2:15, 16; 1 Huan 3:17.)

Abahüdaguni 97

Liabin Hesusu kei urúei

1. Dan le lachülürün Hesusu lidoun aban liraüraü aüdü yarafa lun Herusalén, Ka lóunahabei lun hadügüni lani disipulugu?

2. Kei larihín lidan dibuhu, ka asuseredubei dan le layarafadun Hesusu uburugun Herusalén?

3. Ka hadügübei irahüñü dan le harihini Hesusu areidaguagüda gürigia marihintiña hama danimatiña?

4. Ka lariñagubei Hesusu houn fádirigu ha gáñibaña?

5. Ida luba gayara lan ítara wamá kei irahüñü ha íchugubaña uéiriguni lun Hesusu?

6. Ka habusenrubei disipulugu hasubudirun?

Lanwoun álügüdahani:

1. Aliihabei Matéu 21:1-17.

   1. Ida liña amu lan lebelurun Hesusu kei urúei Herusaléun lumoun hebelurun gumadimatiña ha agañeirutiña lidan binadu Roma? (Mat. 21:4, 5; Sak. 9:9; Kol. 2:15, NM.)

   2. Ka san gayarabei hafurendeiruni nibureintiña hámagiñe irahüñü ísüraelina ha asagarubaña dimurei lídangiñe Sálumu 118 dan le lebelurunbei Hesusu ténpulurugun? (Mat. 21:9, 15; Sal. 118:25, 26; 2 Tim. 3:15; 2 Fe. 3:18.)

2. Aliihabei Huan 12:12-16.

   Ka san sínbolu lanibei hayusurun tubana fáluma gürigia ha íchugubaña uéiriguni lun liri Hesusu? (Huan 12:13; Fili. 2:10; Aruf. 7:9, 10.)

Abahüdaguni 98

Ligibuagu wübü Oliwu

1. Ka san hádangiñe wügüriña ha lídanbaña dibuhu Hesusubei, ani kátaña ha ñeinbaña luma?

2. Ka hálugubei fádirigu hadügün lau Hesusu ténpulurugu, ani ka lariñagubei houn?

3. Ka álügüdahani hadügübei apostolugu lun Hesusu?

4. Ka uagu lariñaga Hesusu houn apostolugu fiú lídangiñe katei burí le lunbei lasuseredun Ubouagu danme le larúeihan sielu?

5. Ka lariñagubei Hesusu lasusereduba lan lubaragiñe lagumuchun lau sun wuribani le Ubouagubei?

Lanwoun álügüdahani:

1. Aliihabei Matéu 23:1-39.

   1. Íbini adimureha tan Bíbülia luagu mariban lan layusurun iri burí le heresibirubei gürigia lárigiñe haturiahan tidan luban furendei, ka larufudubei lererun Hesusu lidan Matéu 23:8-11 luagu layusurun iri le íchuguti uéiriguni lidan damuriguaü hani kristiánugu? (Adü. 26:25; Rom. 13:7; 1 Fe. 2:13, 14.)

   2. Ka hadügübei fariséugu lun herederuniña gürigia luéi hadügün kristiánugume, ani ida liña hadügüni alidihatiña relihión ligiaméme uguñe weyu? (Mat. 23:13; Luk. 11:52; Huan 9:22; 12:42; 1 Tesa. 2:16.)

2. Aliihabei Matéu 24:1-14.

   1. Ida liña larufuduni Matéu 24:13 súdini lan awanduni?

   2. Ka lilabei dimurei “darí lumoun lagumuhóun” le lídanbei Matéu 24:13? (Mat. 16:27; Rom. 14:10-12; 2 Ko. 5:10.)

3. Aliihabei Márükosu 13:3-10.

   Ka dimurei lídanbei Márükosu 13:10 le arufudubalin mosu lan lapurichihóun uganu buiti lau loufudagun, ani ka efekütu lunbei gani lani lererun Hesusu wawagu? (Rom. 13:11, 12; 1 Ko. 7:29-31; 2 Tim. 4:2.)

Abahüdaguni 99

Lidan aban rumu wéiriti

1. Kei larihín lidan dibuhu, ka uagu nihán lubéi Hesusu hama duusu lánigu apostolugu lidan aban rumu wéiriti tóugiñegua muna?

2. Katei san le áfuridubei, ani kaba ladüga?

3. Ka éigini espechaliti lagumeserubei Hesusu adüga lárigiñe lagumuchun adineruni lánina Luéyuri Esefuruni?

4. Ka meha haritagubei ísüraelina lidan Luéyuri Esefuruni, ani kaba laritaguagüda éigini espechaliti le houn ha afalarubalin Hesusu?

5. Lárigiñe Ladinerun Aburemei, ka lariñagubei Hesusu houn lánigu apostolugu, ani ka hadügübei?

Lanwoun álügüdahani:

1. Aliihabei Matéu 26:14-30.

   1. Ida liña larufuduni Matéu 26:15 luagu lidan lan sun lichú lau Húdasi lidin alugurei Hesusu?

   2. Ka isuuni dóbuliti lagunfulirubei lita Hesusu le áwiyurubei? (Mat. 26:27, 28; Her. 31:31-33; Efe. 1:7; Ebü. 9:19, 20.)

2. Aliihabei Lúkasi 22:1-39.

   Ida liña san lebelurun Satanási lidoun Húdasi? (Luk. 22:3; Huan 13:2; Adü. 1:24, 25.)

3. Aliihabei Huan 13:1-20.

   1. Según le lariñagubei Huan 13:2, gayarati san lichugún duru luagun Húdasi luagu le ladügübei, ani ka leksióun wafurendeirubei lídangiñe le, kei lubúeingu Bungiu? (Agu. 4:7; 2 Ko. 2:11; Gal. 6:1; Sant. 1:13, 14.)

   2. Ka lubuidun arufudahani líchugubei Hesusu? (Huan 13:15; Mat. 23:11; 1 Fe. 2:21.)

4. Aliihabei Huan 17:1-26.

   Ka sentidu idanbei lamuriaha Hesusu lun “ábanmeme hamá” lani disipulugu? (Huan 17:11, 21-23; Rom. 13:8; 14:19; Kol. 3:14.)

Abahüdaguni 100

Hesusu lidan fuluri-agei

1. Haliñoun lidin Hesusu hama lánigu apostolugu lárigiñe háfuridun lídangiñe rumu lígira, ani ka lariñagubei houn lun hadügüni?

2. Ka san sügǘ idanbei ladariragua Hesusu lungua dan le lagiribudun ñeinhin habéi lánigu apostolugu, ani átiriñein wéiyaasu lasuseredun le?

3. Kei larufuduni dibuhu, kátaña san ebelurubaña lidoun fuluri-agei, ani ka ladügübei Húdasi Isükarióte?

4. Ka uagu líchiga Húdasi aban piku lun Hesusu, ani ka ladügübei Féduru?

5. Ka lariñagubei Hesusu lun Féduru, ani ka uagu mamuriahan lubéi Hesusu luma Bungiu lun lóunahan somu ánheli lun?

Lanwoun álügüdahani:

1. Aliihabei Matéu 26:36-56.

   1. Ka uagu aban lubéi hénpulu buiti houn wéiyaaña kristiánugu ligaburi lererehan Hesusu houn lánigu disipulugu? (Mat. 20:25-28; 26:40, 41; Gal. 5:17; Efe. 4:29, 31, 32.)

   2. Ida liña larihini Hesusu tayusurún áruma kóntüra gürigia wáledi? (Mat. 26:52; Luk. 6:27, 28; Huan 18:36.)

2. Aliihabei Lúkasi 22:39-53.

   Kei aba lubéi lachülaagun aban ánheli lun líchugun erei lun Hesusu lidan fuluri-agei Hetüsemaní, mini lan san le luagu débili lan lafiñen Hesusu? Afuranguagüdabei (Luk. 22:41-43; Isa. 49:8; Mat. 4:10, 11; Ebü. 5:7)

3. Aliihabei Huan 18:1-12.

   Ida liña lóunigiruniña Hesusu lánigu disipulu hawéi ha busenbaña herederuni heseriwidun, ani ka wafurendeirubei lídangiñe lani hénpulu? (Huan 10:11, 12; 18:1, 6-9; Ebü. 13:6; Sant. 2:25.)

Abahüdaguni 101

Lafarún Hesusu

1. Katei tima san gadurunbei luagu lounwen Hesusu?

2. Ka hadügübei apostolugu dan le hanügünbalin alidihatiña relihión Hesusu?

3. Ka asuseredubei lúbiñe Gáifasi le hábuti fádirigu?

4. Ka uagu aba lubéi lidin Féduru ayahuaha?

5. Dan le hanügünbalin Hesusu ábanya wéiyaasu ligibugiñoun Pilatu, ka dimurei hagúarahabei fádirigu ha íñugubaña?

6. Ka asuseredubei lun Hesusu tenpüranu wándaradi rábounweyu, ani ka lariñagubei lun aban gürigia wuribati le hadibirubei luagu aban wagabu lóubagiñe?

7. Halíabei san paraísu le uágubei ladimureha Hesusu?

Lanwoun álügüdahani:

1. Aliihabei Matéu 26:57-75.

   Ida liña harufuduni lílana lueirin-agei lúrudu Huríu luagu wéiri lan turiban hanigi? (Mat. 26:59, 67, 68.)

2. Aliihabei Matéu 27:1-50.

   Ka uagu gayara lubéi wariñagun luagu mama lan inarüniti lasakürihan Húdasi? (Mat. 27:3, 4; Mar. 3:29; 14:21; 2 Ko. 7:10, 11.)

3. Aliihabei Lúkasi 22:54-71.

   Ka leksióun wafurendeirubei lídangiñe leyeedagun Féduru luagu subudi lani Hesusu ariebuméme le lalugurunbei Hesusu ragüwa ligía? (Luk. 22:60-62; Mat. 26:31-35; 1 Ko. 10:12.)

4. Aliihabei Lúkasi 23:1-49.

   Ka ladügübei Hesusu dan le louseruniwa wuriba lau sun aban lan wügüri buiti, ani ka leksióun wafurendeirubei lídangiñe le? (Luk. 23:33, 34, NM; Rom. 12:17-19; 1 Fe. 2:23.)

5. Aliihabei Huan 18:12-40.

   Íbini raramaguagüda lani anufudei luéi wügüri Féduru, chülüti oura lun liñuragun darí lun aban lan apostolu buiti, ka larufudahabei le woun? (Huan 18:25-27; 1 Ko. 4:2; 1 Fe. 3:14, 15; 5:8, 9.)

6. Aliihabei Huan 19:1-30.

   1. Ka meha saminaü úaraguati lanibei Hesusu luagu umegeguni? (Huan 2:1, 2, 9, 10; 19:23, 24; Mat. 6:31, 32; 8:20.)

   2. Ka uagu dimurei burí lubéi lánina agañeiruni lagumuhounbei lererun Hesusu luagu arumadaha laali lan liricha Heowá lun larúeihan? (Huan 16:33; 19:30; 2 Fe. 3:14; 1 Huan 5:4.)

Abahüdaguni 102

Wínwanti Hesusu

1. Katoun san würi to lidanboun dibuhu, kátaña san bián wügüriña ha, ani halíañanu?

2. Ka uagu líchiga Pilatu lúrudu houn fádirigu lun hóunahan súdaragu achoururei lumúaha Hesusu?

3. Ka ladügübei aban ánheli binaafingiua lǘrüwan weyu lárigiñe lounwen Hesusu, ani ka hadügübei fádirigu?

4. Ka uagu taweirida hanigi fiú würiña dan le habisidaruni lumuaha Hesusu?

5. Ka uagu léibaagua Féduru luma Huan lidoun lumuaha Hesusu, ani ka hadarirubei?

6. Ka asuseredubei lun lúgubu Hesusu, kati ladügübei lun larufuduni houn disipulugu winwan lan?

Lanwoun álügüdahani:

1. Aliihabei Matéu 27:62-66 luma 28:1-15.

   Dan le láguyugunbei Hesusu, ida liña san hafigouhan fádirigu íñutiñu, fariséugu, hama hábutigu huríu kóntüra sífiri sandu? (Mat. 12:24, 31, 32; 28:11-15.)

2. Aliihabei Lúkasi 24:1-12.

   Ida liña larufuduni abahüdaguni luagu láguyuguagüdüniwa Hesusu, afiñe lan Heowá hawagu würiña gefentiñu? (Luk. 24:4, 9, 10; Mat. 28:1-7.)

3. Aliihabei Huan 20:1-12.

   Ida liña líderaguniwa Huan 20:8, 9 lun gaguraasun wamá dan le ua lan gufunranda wamá ida liña lan lagunfulirun aban profesía tídangiñeti Bíbülia? (Ari. 4:18; Mat. 17:22, 23; Luk. 24:5-8; Huan 16:12.)

Abahüdaguni 103

Múnada lau bena darugu

1. Ka tariñagubei María lun aban wügüri le uágubei tasaminara ligía lan óunigirunbalin fuluri-agei, ani ida liña tasubudiruni luagu Hesusu lan?

2. Ka asuseredubei houn bián disipulugu ha ñǘdünbaña eibu lidoun aüdü Emaúsu?

3. Ka katei awéiridagüdübanu hanigi apostolugu dan le hariñagubalin bián disipulugu houn ariha hamaali lan Hesusu?

4. Átirihali wéiyaasu larufudagun Hesusu lungua houn lánigu?

5. Ka san lariñagubei Tomasi dan le laganbunbalin luagu ariha hamaali lan disipulugu Aburemei, ani ka asuseredubei widü weyu lárigiñe?

Lanwoun álügüdahani:

1. Aliihabei Huan 20:11-29.

   Lariñaguña san Hesusu lidan Huan 20:23 ibiha hamá gürigia üma lun feruduna hamá figóu? Afuranguagüdabei (Sal. 49:2, 7; Isa. 55:7; 1 Tim. 2:5, 6; 1 Huan 2:1, 2).

2. Aliihabei Lúkasi 24:13-43.

   Ida liña san gayara lan waranserunu wanigi lun weresibiruni inarüni le tídanbei Bíbülia? (Luk. 24:32, 33; Ésüd. 7:10; Mat. 5:3; Adü. 16:14; Ebü. 5:11-14.)

Abahüdaguni 104

Lagiribudun Hesusu sielun

1. Átiriñanu disipulugu arihei Hesusu lidan aban ókaasion, ani ka san uagu ladimureha houn?

2. Katei san Arúeihani le lani Bungiu, ani ida luba ibagari Ubouagu danme le larúeihan Hesusu luagu milu irumu?

3. Átiriñein weyu larufudagun Hesusu lungua houn lani disipulugu, ani ka idaani achülürübei?

4. Ka gumadi líchugubei Hesusu houn lani disipulugu lubaragiñe lígiruniñu?

5. Ka asuseredubei lidan dibuhu, ani ida liña lagumuchagun Hesusu ligibugiñe harihin?

Lanwoun álügüdahani:

1. Aliihabei 1 Korintuna 15:3-8.

   Ka uagu ladimurehanbei apostolu Pábulu luagu láguyuguagüdüniwa Hesusu lau saragu ichouruni, ani luagu ka katei gayarabei wadimurehan lau ichouruni uguñe weyu? (1 Ko. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Aliihabei Adügaü 1:1-11.

   Kei lariñagun Adügaü 1:8, darí halía lachülüra apurichihani? (Adü. 6:7; 9:31; 11:19-21; Kol. 1:23.)

Abahüdaguni 105

Agurabahatiñu Herusalén

1. Kei barihini lidan dibuhu, ka asuseredubei houn lánigu Hesusu ha erederubaña agurabaha Herusalén?

2. Ka uagu taweirida hanigi bisidatiñu Herusalén?

3. Ka lafuranguagüdübei Féduru houn gürigia?

4. Ida liña hasandiragun saragu gürigia houngua lárigiñe haganbuni Féduru, kati lunbei hadügüni?

5. Átiriñanu abadiseirutiña lidan luéyuri Pentekosutesi irumu 33 lidan wadaani, LD.W.?

Lanwoun álügüdahani:

1. Aliihabei Adügaü 2:1-47.

   1. Ida liña larufuduni dimurei le lariñagubei Féduru lidan Adügaü 2:23, 36 heigua lan duru luagu lounwen Hesusu luagun sun néchani huríu? (1 Tesa. 2:14, 15.)

   2. Ka buiti hénpulu líchugubei Féduru dan le lapurichihan tau Bíbülia? (Adü. 2:16, 17, 29, 31, 36, 39; Kol. 4:6.)

   3. Ida liña layusuruni Féduru furumiñeti “ligelein Arúeihani le lánina sielu” le füramase lubéi Hesusu lun? (Adü. 2:14, 22-24, 37, 38; Mat. 16:19.)

Abahüdaguni 106

Halíbürerun adaürǘtiña

1. Ka asuseredubei lun Féduru luma Huan aban rabóunweyu dan le hebelurunbei tidoun ténpulu?

2. Ka lariñagubei Féduru lun wügüri méibugunti, ani ka katei gebegitimati luéi seinsu líchugubei lun?

3. Ka uagu hagañida hábutigu huríu, ani ka san ladügübei Féduru luma Huan?

4. Ka lariñagubei Féduru houn hábutigu huríu, ani ka san eweridiruni heresibirubei apostolugu?

5. Ka uagu gimuga habéi hábutigu huríu, ani ka asuseredubei dan le hadaürǘn apostolugu luagu libiaman wéiyaasu?

6. Ida liña hóunabun apostolugu dan le hanügǘn lidoun lasali hani Sanedrín?

Lanwoun álügüdahani:

1. Aliihabei Adügaü 3:1-10.

   Íbini siñá lan wadügün milaguru uguñe weyu, ida liña líderaguniwa dimurei le lariñagubei Féduru lidan Adügaü 3:6 lun gebegi lan uganu luáguti Arúeihani woun? (Huan 17:3; 2 Ko. 5:18-20; Fili. 3:8.)

2. Aliihabei Adügaü 4:1-31.

   Dan le wagagibudagun hama ha kóntürabaña luagu apurichihani, ida luba gayara lan wáyeihaniña wíbirigu kristiánugu ha lídangiñetiña furumiñeti sígulu? (Adü. 4:29, 31; Efe. 6:18-20; 1 Tesa. 2:2.)

3. Aliihabei Adügaü 5:17-42.

   Ida liña harufudun gürigia ha mámabaña Gefentiñu luagu Heowá aban lubuidun saminaü luagu apurichihani, dandu lidan dan le sügühalibei kei uguñe weyu? (Adü. 5:34-39.)

Abahüdaguni 107

Lounwen Esütéban

1. Katei san Esütébanbei, ani ka líderagubalin Bungiu adüga?

2. Ka lariñagubei Esütéban le agañidagüdübaliña hábutigu huríu?

3. Lárigiñe haduruguduni Esütéban uburugugiñe, ka hadügübei lun?

4. Katei san nibureinti le rarabei tubadu daüguaü lidan dibuhu?

5. Ka lamuriahabei Esütéban luma Heowá lubaragiñe lounwen?

6. Ida liña gayara lan wáyeihani lani Esütéban hénpulu dan le ladügün aban gürigia wuribani woun?

Lanwoun álügüdahani:

1. Aliihabei Adügaü 6:8-15.

   Ka iyeeni hayusurubei alidihatiña lidan relihión lun houchun hararamuni hapurichihan gefentiñu luagu Heowá? (Adü. 6:9, 11, 13.)

2. Aliihabei Adügaü 7:1-60.

   1. Ka íderagubalin Esütéban lun buidu lan lóunabun luagu uganu buiti hagibugiñe Sanedrín, ani ka wafurendeirubei lídangiñe lani hénpulu? (Adü. 7:51-53; Rom. 15:4; 2 Tim. 3:14-17; 1 Fe. 3:15.)

   2. Ka igaburi lunbei gama wamani habügürü ha kóntürabaña lun wapurichihan? (Adü. 7:58-60; Mat. 5:44; Luk. 23:33, 34.)

Abahüdaguni 108

Lidan üma lun Damasükun

1. Ka san ladügübei Saulu lárigiñe lafarun Esütéban?

2. Ka katei le wéirigüda lumutu wanigi asuseredubei dan le lidinbei Saulu Damasükun?

3. Ka lariñagubei Hesusu lun Saulu lun ladügüni?

4. Ka burí adundehani líchugubei Hesusu lun Ananíasi, ani ida liña gayaraya lan larihin Saulu?

5. Ka iri aubei lasubudirua Saulu? Ida liña lahuudun Saulu?

Lanwoun álügüdahani:

1. Aliihabei Adügaü 8:1-4

   Ida liña lídehan lanarime éibaahani le ñǘbuinbei luagun iseri damuriguaü hani kristiánugu lun laburuchagun afiñeni hani kristiánugu, ani ida liña lasuseredun aban katei libe lira uguñe weyu? (Adü. 8:4; Isa. 54:17.)

2. Aliihabei Adügaü 9:1-20.

   Ka ǘrüwa wadagimanu lúmabei Hesusu lubá Saulu? (Adü. 9:15; 13:5; 26:1; 27:24; Rom. 11:13.)

3. Aliihabei Adügaü 22:6-16.

   Ida luba wáyeihani Ananíasi, ani ka uagu súdini lubéi? (Adü. 22:12; 1 Tim. 3:7; 1 Fe. 1:14-16; 2:12.)

4. Aliihabei Adügaü 26:8-20.

   Ka uagu lébuna lubéi gurasu ladügün Saulu kristiánume, houn gürigia ha ganibaña weiriei o weiriou ha mama kristiánu? (Adü. 26:11; 1 Tim. 1:14-16; 2 Tim. 4:2; 1 Fe. 3:1-3.)

Abahüdaguni 109

Féduru bisidei Korunéliu

1. Katei san wügüri le áhuduragubei lidan dibuhu?

2. Ka lariñagubei aban ánheli lun Korunéliu?

3. Ka larihagüdübei Bungiu lun Féduru dan le Hopeñein lubéi tábulugu luban Simón, aban muna fadati tábulugu?

4. Ka uagu lariñaga Féduru lun Korunéliu moun lumuti lan láhuduragun lun?

5. Ka uagu taweirida hanigi disipulugu huríu ha lúmabaña Féduru?

6. Ka leksióun súdiniti lunbei wafurendeiruni lídangiñe bisida le ladügübei Féduru lun Korunéliu?

Lanwoun álügüdahani:

1. Aliihabei Adügaü 10:1-48.

   Ka larufudubei lererun Féduru le bürüñübei lidan Adügaü 10:42 luagu wadagimanu le lánina lapurichihóun uganu buiti luáguti larúeihan Bungiu? (Mat. 28:19; Mar. 13:10; Adü. 1:8.)

2. Aliihabei Adügaü 11:1-18.

   Ka igaburi larufudubei Féduru dan le lafurangudunbei ladundehan Heowá hawagu gürigia ha mámabaña huríu, ani ida liña gayara lan wáyeihani lani hénpulu? (Adü. 11:17, 18; 2 Ko. 10:5; Efe. 5:17.)

Abahüdaguni 110

Timotéu luma Pábulu

1. Katei san nibureinti le lídanbei dibuhu, halía laganawa, ani ka tiri lúguchu tuma lagütü?

2. Ka lariñagubei Timotéu dan le lálügüdüni Pábulu anhein hínsiñe lubéi hamuga lun lidin luma Pábulu luma Sílasi apurichiha houn gürigia lidan fulasu díseti?

3. Halía lagúarua kristiánugu luagu furumiñeti wéiyaasu houn ha afalarubalin Hesusu?

4. Katei burí fiú lídangiñe uburugu le bisida habéi Pábulu, Sílasi luma Timotéu dan le háfuridun Lístüragiñe?

5. Ida liña líderaguni Timotéu Pábulu, ani ka álügüdahani lunbei hadügüni nibureintiña houngua uguñe weyu?

Lanwoun álügüdahani:

1. Aliihabei Adügaü 9:19-30.

   Ida liña larufudun Pábulu duari dan le hálugunbei gürigia hararamuni luéi lapurichihani uganu buiti? (Adü. 9:22-25, 29, 30; Mat. 10:16.)

2. Aliihabei Adügaü 11:19-26.

   Ida liña larufuduni abahüdaguni le lídanbei Adügaü 11:19-21, 26 luagu ladundehañein lan lani Heowá sífiri sandu apurichihani?

3. Aliihabei Adügaü 13:13-16, 42-52.

   Ida liña larufuduni Adügaü 13:51, 52 luagu mígirun hamá disipulugu lun lagidaruni éibaahani haguraasun? (Mat. 10:14; Adü. 18:6; 1 Fe. 4:14.)

4. Aliihabei Adügaü 14:1-6, 19-28.

   Ida liña líchugun dimurei ‘hederegeruniña labun laríaahan Heowá’ awalidaguni woun luéi bandi idiheri dan le wíderaguniña iseri gürigia lidan damuriguaü? (Adü. 14:21-23; 20:32; Huan 6:44.)

5. Aliihabei Adügaü 16:1-5.

   Ida liña larufuduni lubuidun lóunabun Timotéu lun libihini seini tuagu lóustarun, luagu súdini lan ladügǘn ‘sun katei ladüga ínsiñehabuni lun uganu lánina asalbaruni?’ (Adü. 16:3; 1 Ko. 9:23; 1 Tesa. 2:8.)

6. Aliihabei Adügaü 18:1-11, 18-22.

   Ka larufudubei Adügaü 18:9, 10 luagu ligaradan Hesusu lidan ladundehani apurichihani, ani ka darangilaü líchugubei le woun uguñe weyu? (Mat. 28:20.)

Abahüdaguni 111

Aban irahü le arumugubei

1. Katei san irahü le múarugubei, ani ka asuseredubei lun?

2. Ka ladügübei Pábulu dan le larihinbei hilá lan irahü?

3. Haliñounbei san Pábulu, Timotéu hama gürigia ha aweiyasuhabaña hama, ani ka asuseredubei dan le hararamagun Miletu?

4. Ka eweridihani líchugubei profeta Agabu lun Pábulu, ani ida liña lagunfulirun le lariñagubei profeta?

Lanwoun álügüdahani:

1. Aliihabei Adügaü 20:7-38.

   1. Ida luba werederun madurunga ‘luéigiñe libagari ni aban wügüri’ según dimurei le lariñagubei Pábulu lidan Adügaü 20:26, 27? (Ese. 33:8; Adü. 18:6, 7.)

   2. Ka uagu mosu lubéi hárügüdün wéiyaaña luagu “uganu inarüniti” dan le harufudahan? (Adü. 20:17, 29, 30; Titu 1:7-9; 2 Tim. 1:13.)

2. Aliihabei Adügaü 26:24-32.

   Ida liña layusuruni Pábulu liri lageira le Roma dan le lagunfuliruni dasi le líchugubei Hesusu lun, lun lapurichihan? (Adü. 9:15; 16:37, 38; 25:11, 12; 26:32; Luk. 21:12, 13.)

Abahüdaguni 112

Séfuñu lidan aban ubouhu

1. Ka asuseredubei tun waporu to ñein lubéi Pábulu dan le tásügürün yarafa lun ubouhu le gíribei Küreta?

2. Ka lariñagubei Pábulu houn ha tídanbaña waporu?

3. Ka san uagu tabouchagua waporu?

4. Ka lúrudu líchugubei hábuti súdara le arihibei tau waporu, ani átiriñanu gürigia achülürütiñu séfuñu larun beya?

5. Ka liri ubouhu le ñeinhin lubéi hachülüra, ani ka hadügübei lau Pábulu dan le lóuchaadagun liñawan dan?

Lanwoun álügüdahani:

1. Aliihabei Adügaü 27:1-44.

   Ida liña laderebugudagüdüni wéiyaasu le ladügübei Pábulu lun uburugun Roma, wafiñen luagu úaraguni le aubei lagunfulira abürüdüni le tídanbei Bíbülia? (Adü. 27:16-19, 27-32; Luk. 1:3; 2 Tim. 3:16, 17.)

2. Aliihabei Adügaü 28:1-14.

   Lau sun mama hamá kristiánugu gürigia ha aganóubaña Málüta óusera hamuti Pábulu hama gürigia ha áfayahabaña luma buidu, ka lunbei wadügüni kei kristiánugu, ani lidan ka sügǘ súdinitima lan wadügüni? (Adü. 28:1, 2; Ebü. 13:1, 2; 1 Fe. 4:9.)

Abahüdaguni 113

Pábulu uburugu Roma

1. Ka san un lapurichiha Pábulu dan le ladaürǘnbei Roma?

2. Katei san abisidahati le ñunbei luagu dábula, ani ka ídemuei líchugubei lun Pábulu?

3. Ka Epafurodítubei, ani ka lanügübei dan lagiribudun Filipun?

4. Ka san uagu labürüha Pábulu aban gárada lun Filemón le lumada?

5. Ka ladügübei Pábulu dan le láfuridunbei furisunrugúgiñe, ani ka asuseredubei lun lárigiñe?

6. Ka layusurubei Heowá lun labürüdünu tagumuhoun líburu burí to tídanboun Bíbülia, ani ka uagu tadimureha líburu Arufudúni?

Lanwoun álügüdahani

1. Aliihabei Adügaü 28:16-31 luma Filipuna 1:13.

   Ida liña layusuruni Pábulu lidaani lidan nihán lan adaürǘwa Roma, ani ka efekütu lanibei lafiñen le mahalachawaguaditi luagu damuriguaü hani kristiánugu? (Adü. 28:23, 30; Fili. 1:14.)

2. Aliihabei Filipuna 2:19-30.

   Ka burí dimurei lánina ínsiñeni labürüdübei Pábulu luagu Timotéu luma Epafurodítu, ani ida luba gayara lan wáyeihani lani apostolu hénpulu? (Fili. 2:20, 22, 25, 29, 30; 1 Ko. 16:18; 1 Tesa. 5:12, 13.)

3. Aliihabei Filemón 1-25.

   1. Ka lébunabei línchahani Pábulu Filemón lun ladügüni le buidubei, ani ida liña leseriwidun le houn wéiyaaña lidan afiñeni uguñe weyu kei aban adundehani? (Filemón. 9; 2 Ko. 8:8; Gal. 5:13.)

   2. Ida liña larufuduni lererun Pábulu lidan Filemón 13, 14 luagu inebe lan hasaminan ha híbiri lílana damuriguaü houn? (1 Ko. 8:7, 13; 10:31-33.)

4. Aliihabei 2 Timotéu 4:7-9.

   Kei apostolu Pábulu, ka uagu gayara lubéi wafiñerun luagu wibihibei lan wafayeiruaha lúmagiñe Heowá ánhawa asigira awinwanda lau úaraguni chülǘ lumoun lagumuhóun? (Mat. 24:13; Ebü. 6:10.)

Abahüdaguni 114

Lagumuchun wuribani

1. Ka uagu tadimurehanbei Bíbülia hawagu gabayu sielurugu?

2. Ka liri wuribu lani Bungiu kóntüra gürigia wuribatiña Ubouaguna, ani kame san wuribu le?

3. Kei barihini lidan dibuhu, kaba alidihei wuribu, ka uagu anihein lubéi ridi luagu, ani ka mini lubéi lanügün aban eféin?

4. Kei wafurendeirun lidan abahüdaguni 10, 15 luma 33, ka uagu moun lubéi taweiridun wanigi lau lagumuchaguagüdübaña lan Bungiu gürigia wuribatiña?

5. Ida liña larufuduni abahüdaguni 36 luma 76 lagumuchaguagüdübaña lan Bungiu gürigia wuribatiña íbini hariñagun adorarü hamani?

Lanwoun álügüdahani:

1. Aliihabei Arufudúni 19:11-16.

   1. Ida liña furangu lan tarufuduni Bíbülia Hesukrístu lan luágubei gabayu haruti? (Aruf. 1:5; 3:14; 19:11; Isa. 11:4.)

   2. Ida liña lachoururuni hitaü le abahichawagubei tuagu ladaüragun Hesusu, chouruwali lan lagañeirun súnsuinagubei? (Aruf. 14:18-20; 19:13.)

   3. Kátaña funa san ha abahüdübaña hadan súdaragu ha asigirubalin Hesusu luagu gabayu haruti? (Aruf. 12:7; 19:14; Mat. 25:31, 32.)

Abahüdaguni 115

Iseri Paraísu ubouagu

1. Según Bíbülia, kaba ugundani wibiha lidan Paraísu Ubouagu?

2. Ka füramase tubéi Bíbülia houn ha lunbaña habagaridun lidan Paraísu?

3. Ídaame lanügei Hesusu lubuidun asansiruni le?

4. Dan meha ya lubéi Hesusu Ubouagu, ka katei ladügübei lun larufuduni kaba lan ladüga kei Urúei lani Larúeihan Bungiu?

5. Kaba ladüga Hesusu hama ha lunbaña harúeihani Ubóu luma siélugiñe?

Lanwoun álügüdahani:

1. Aliihabei Arufudúni 5:9, 10.

   Ka uagu gayara lubéi wachoururuni gunfunrandabaña lan ani gudemehabu hagíame urúeigu hama fádirigu ha lunbaña harúeihani Ubóu lídanme Arúeihani lani Milu irumu? (Efe. 4:20-24; 1 Fe. 1:7; 3:8; 5:6-10.)

2. Aliihabei Arufudúni 14:1-3.

   Ka mini lubéi labürüdǘn liri Úguchili luma liri Mudún hereberugu 144.000? (1 Ko. 3:23; 2 Tim. 2:19; Aruf. 3:12.)

Abahüdaguni 116

Awinwanduni lun súnwandan

1. Ka wemegeirubei wafurendeirun anhein busén wabéi wawinwandun lun súnwandan?

2. Ida luba gayara lan wafurendeirun luagu Heowá Bungiu luma luagu Hesusu, kei tadügüni irahü to lídanboun dibuhu hama tumadagu?

3. Ka amu líburu barihiboun lidan dibuhu, ani ka uagu lunti lubéi waliihanu súnwandan?

4. Lárigiñe wafurendeirun luagu Heowá luma Hesusu, ka amu katei emegeirubei lun wibihin ibaragi magumuchaditi?

5. Ka wafurendeirubei lidan abahüdaguni 69?

6. Ka lubuidun hénpulu larufudahabei irahü Samueli, lidan abahüdaguni 55?

7. Ida liña gayara lan wasigiruni lani Hesukrístu hénpulu, ani anhein wadüga, kaba ugundani wibiha ámuñegü?

Lanwoun álügüdahani:

1. Aliihabei Huan 17:3.

   Ida liña tarufuduni Bíbülia luagu mégei wamá wadügüni ka katei lanwoun subudi luagu Heowá Bungiu luma Hesukrístu? (Mat. 7:21; Sant. 2:18-20; 1 Huan 2:17.)

2. Aliihabei Sálumu 145:1-21.

   1. Ka burí resun wamabei lun walawahani Heowá? (Sal. 145:8-11; Aruf. 4:11.)

   2. Ida liña buidu lan Heowá “hama sun gürigia”, ani ida luba ladügün katei le lun wayarafaduntima lun? (Sal. 145:9; Mat. 5:43-45.)

   3. Anhein hínsiñe lubéi Heowá woun, kaba wabusenra wadügün? (Sal. 119:171, 172, 175; 145:11, 12, 21.)