Le gayaraabei wariñaguni tuagu agumeiraguagüdüni

Álügüdahani: Anihein burí ariñahani arufuduti aganwoundeina haña lan nibureintiña ha láubaña sandi le lánina lueirin íruni. Según hisaminan, ka gayaraabei ladügǘniwa lun laransehóun turobuli le?

Agumeiraguagüdüni: Tidan garüdia ¡Despertad! to anihein fiú adundehani luagu le gayaraabei hadügüni nibureintiña ha láubaña sandi le. Lahuuduba giñe adundehani le houn agübürigu lun híderaguniña hasaanigu.

Álügüdahani: Ka san mégeiwabei lun gunda hamá maríeitiña hámagua?

Bérusu: Kol 3:18, 19

Inarüni: Adügati ínsiñeni luma inebesei lun gunda hamá maríeitiña.

Álügüdahani: Según hisaminan, ka san gayaraabei líderaguniña iduheñu lun gunda hamá?

Bérusu: Efe 5:33

Agumeiraguagüdüni: [Arufuda huméi leksióun le gíribei “Ida luba gunda hamá iduheñu?” le lídanbei páhina 26 lun gürigia]. Rutu Bíbülia adundehani huuti woun libügürü le lunbei wadügüni lun gunda lan wabagari hama waduheñu. [Lárigiñe haliihani Éfesuna 5:33, aliiha huméi fánreinti le ayanuhabei luagu le lunbei ladügüni maríeiti, maríeitu hama isaanigu].