VATNEIJATSJANJAYASH 6

¿She pa shineijatsjanesh pa vatchaijayasheshch’e pa uj tsha’nu?

Pa Dios yivômjat papi nivaĉle niysisasha’ne vo’oi pa Noé chi’ pa t’ajôôjam yilhjensha’ne (Génesis 7:11, 12, 23)

Lhpa joĉĵayej ti yoc’apee pa yinôôt, papi sasch’e lhavos vafsha’ne chi’ papi ángeles niysisasha’ne vô’mesh pa lhavu’vat pa nivaĉle

Cuarenta pava nalhus pa cuarenta shta pava tulhis lhetlha nash’e ti taj’in. Pa yinôôt jaalh pa tif’apee na cotsjaat chi’ lhacôm’a papi niysisasha’ne ti vafsha’ne.

Papi ángeles ti t’ajuyjulh pa Dios yivôôm pava lhavuuvtes pa voqu’eetsham ts’ivee pa Satanás.

Pa Noé chi’ pa t’ajôôjam chi’ pava yaquisitis yiei fach’ee lhpa joĉĵayej pa chiyivan lha fasch’aclich yiey pa vôôs

Papi yi’acfi lhpa joĉĵayej vanilhjensha’ne. Nijo’oilhach’e aĉloj pava años pa Noé chi’ pa t’ajôôjam vafsha’ne, taj ti pa Dios yinenjatchishamch’e jayu papi lhech pa isjop ca mônlhaasha’ne yinjôt.

Pa Dios yivômjat tatsha jayu papi niysisasha’ne chi’ ti yilhjensha’ne jayu papi tach’ana pa lhech (Mateo 24:37-39)

Pa Satanás chi’ papi ángeles niysisasha’ne yichenesh pava venalhjunashvatc’oya ca nitejshi’in

Pa Satanás chi’ papi ángeles niysisasha’ne yen ca nitejshi’in yajatesh papi nivaĉle.

Navôque nalhus caaj papi aĉloj nivaĉle ti ninen ca nanc’ashamem pa Dios, lhjunashjulh pava lhnalhus pa Noé. Pa Dios yivômjat tatsha jayu papi niysisasha’ne (2 Pedro 2:5, 6).

Papi nifaqu’in pa Jeova yichenesh pa Biblia ti vanqu’eijatesh pa nivaĉle, pa ve’lha nivaĉle ti yetônch’e pa Biblia

Caaj papi na yi’e lhjunashjulh pa Noé ti tach’ana pa Dios shta chi’ ti yisnatesh pava yit’esh pa lhech. Lhech papi nifaqu’in pa Jeova.