¿She pa tajulhei ca shtasnatesh ca shtanshamitjat pa Dios?

Yaaj ca asnatesh pava matas ninancôtsitayesh pa Dios (1 Corintios 6:9, 10, TNM)

Ca shtentaj pa Jeova, tan ca shtasnatesh pava matas ninancôtsitayesh pa lhech.

Lhavaatsha ninen ca sht’acutelh, ca shtanetsejelhsha’ne pa ninen shta ca shtachenesh pava nincôjôishiyan papu (drogas) ca’tajesha ca shtavancalhôn.

Pa Dios yicônitshi ca chintanamat chi’ ca chinvancaĉlôn. Pa lhech ninen ca shtenelh pa peso chi’ ca nicastôyaa. Nintajulhei shta ca napecvaneen papu.

Yaaj ca shtôĉlôjei pava chiydiosiyan yisnatesh pa nivaĉle chi’ ca nivantôyitesh papu ca tôyejeesh.

Yi’e na cotsjaat ca paraísotajeesh tan ca nôv’e papi ti yisnatesh cavôque matas niysisa.

Tajulhei ca asnatshem pa is pap’elh (Mateo 7:12)

Pa Dios nishamesh ca shtaniyitesh ca shtavôôtjôneshch’e pa is ti caajem pa lhech.

Anôĉlitem pap’elh pa encheyasha, ca aisasha’ne chi’ ca niatsopaa.

At’esh pa yijô’, pa yaaj ca ateejshi’in pap’elh.

Avômjatemch’e pap’elh pava ninvoyeshch’eam.

Asinôishem pap’elh pa Jeova (Isaías 43:10).