6. ¿She pa vaĉlanjoom ĵayu ĉa shtavaftaĵ?

1 TI VAF PAPU LHECH YÔJ’E PA LHAMÔNLHAĴAYASH

“Papi vafsha’ne pa tanca lhecha ca nitô’ya ca nitô’lhe’ma pa’na” (Eclesiastés 9:5).

¿She pa vaĉlanjoom ĵayu ĉa shtavaftaĵ?

• Salmo 146:3, 4; Eclesiastés 9:6, 10

  Ĉa shtavafelhsha’ne sasjop ĉa shtovalhvatsham’in, sasjop ĉa shtapeeichaisha’ne sasjop shta ĉa shtaichavalhelhei pa’na.

• Juan 11:11-14

  Pa Jesús yit’esh pa vatvafi’ ti lhjunashjulh ti yimô’ papu.a

2 PA JEOVA NIVE’LHAESH ĈA NEN ĈA SHTAVAFELHSHA’NE

“Lha aacjiyuc vancatôijata pa isch’e shi’ pa niysa’ yaaj ca atuj. Yaaj ca atuj lhpa lha’ anôque aacjiyuc, lhayaash ca atujtaj pa lhavaf jayu” (Génesis 2:17).

¿Ta t’e lhayaash ti shtavafelhsha’ne?

• Génesis 3:1-6

  Pa Tsich’e’ teĵshiin lhpa Eva ĉa navĉlantaĵem ĉa ninanĉ’ashamesh pa Dios lhayôjiĵat. Meelh ti ninach’ana pa Adán chi’ lhpa Eva pa Dios papi lhech yisnatesh pa lhsasch’e pa ĵaalh pa vafsha’ne.

• Génesis 3:19

  Pa Adán vôôm jô ti vaf.

• Romanos 5:12

  Pa niysa’ vataiyasha ti shint’iyĵatem papu ti lhjunashjulh pa vatsasch’e tô’lha papi vatjutsa’ ĉatsinavot. Ĉaslhaĉom’a shtavafelhsha’ne lhayaash ti shtanvat’aĵshelh ti ĉassasch’e ĉasvoselh.

• 1 Corintios 15:26

  Na Biblia yit’esh pa vatvafi’ ti lhjunashjulh pa nivatac’utsfaa.

3 PA YIJÔ’ESH PA VATVAFI’ SHINUQUEESH

“Ca nivaftaj pa nivacle, ¿vapecleijop jayu t’e ca mônlhaa? Yivaatsha javatjumtic’oyaan... ca ninamtaj ca chinasclashitajesh nava aôvtejyam” (Job 14:14).

Ĉa shtantô’ya pa yijô’esh pa vatvafi’ ¿ta lhjunash ti shinuqueesh côque pava niyijô’ach’e?

• 1 Juan 4:8

  Pa vatneiĵatsĵanĵayashesh pa itôĵ tan ĉa nimaĉ yaôvteyan jum pa Jeova. Lhavaatsha tan ĉa ve’lheesh ĉa shinĉlôyit nôque lhjunash.

• Apocalipsis 4:11

  Aĉloĵ papu nijovaishi capi vafsha’ne lhe’naa ti yôĉlôĵei capi lhech vooi pa Jeova ôme. Pa Jeova lhech pa Dios yijô’ pa nasheesh ti tajulhei ĉa shtôĉlôĵei pa lhech.