8. ¿She t’e pa Dios Lhanvaĉleyash?

1 PA DIOS LHANVAĈLEYASH PA VATVAĈLEYASH JÔ

“Nacheelhyiy pa anvacleyash. Asnatesh pava ca eetajesh yi’ei na cotsjaat yi’ei pan lhjunash pava yi’ei pa vôôs” (Mateo 6:9-13).

¿She t’e pa Dios Lhanvaĉleyash?

• Apocalipsis 11:15

  Pa Dios Lhanvaĉleyash yinvaĉleyanesh ĵayu na cotsĵaat tô’lhesh’e pa vôôs.

• 1 Timoteo 6:15

  Pa Jesús lhĉaanvaĉleesh pa Dios Lhanvaĉleyash.

• Apocalipsis 14:1, 4

  Papi 144.000 nivaĉle ve’lhaelhsham pa Jesús ti yinvaĉleyan ĵayu tô’lhesh’e pa vôôs.

• Hebreos 4:15; 5:8

  Pa Jesús chi’ papi 144.000 nivaĉle yitô’yeshjoo pava ti shtancha’vayei chi’ nava tavi’ĵataijoom.a

2 PA JESÚS PA LHĈAANVAĈLEESH ĴAYU YIVO’YESHCH’E JÔ

“Yisclanemch’e jayu pa yivo’yeshch’e... papi ts’acla’aisha’ne” (Isaías 11:4).

¿Ta t’e lhayaash ti lhech pa Jesús pa Lhĉaanvaĉle yivo’yeshch’e jô?

• 1 Timoteo 6:16

  Papi nivaĉle lhĉaanvaĉles vafsha’ne vooi pa Jesús tan ĉa nivaf. Pa lhechesh lhaĉom’a pava isis pa Jesús ti yisnateshjoom ĵayu mônlhee yaĵatesh.

• Isaías 11:2-4

  Ya’sheshc’oya pava isis ti isjop ĉa nasnatesh pa Jesús papi nivaĉle lhĉaanvaĉles lhayaash ti uĵ pa t’unaĵ. Pa lhech ti yivo’yeshch’e chi’ ti nitsopa.

3 PA DIOS LHANVAĈLEYASH NÔMÔT’E ĴAYU ĈA CHINASNATESH PA YEN PA DIOS

“Pa Dios yi’ei pa vôôs, pa yivclanjatshi jayu pa vatvacleyash ti tan jayu ca chinvômjatshi” (Daniel 2:44).

¿She pa apis ti yisnatesh pa Dios Lhanvaĉleyash? ¿She pa yiĉaatĵat ĵayu?

• Apocalipsis 12:7-12

  Ti 1914 ti chiyeneishi pa Jesús pa lhĉaanvaĉle pa nijooilhach’e ti yisaasfach’ee pa Satanás yi’e na cotsĵaat. Tôlh’ejop côque shinĉlôyit jum nava us tavi’ĵataijoom.

• Eclesiastés 8:9; Apocalipsis 16:16

  Yi’ei pa vatvatĉlônĵayash lhei Armagedón pa Dios Lhanvaĉleyash ti tifch’een ĵayu lhaĉom’a pava lhanvaĉleyash papi nivaĉle.

• Salmo 37:10

  Pa Dios yivômĵatshi ĵayu lhaĉom’a papi ninteesh ĉa nitatvaich’aĉlaĵ.

• Apocalipsis 22:1-3

  Ti yinvaĉleyanesh ĵayu pa Dios Lhanvaĉleyash na cotsĵaat ampa ĉa nijumteei lhaĉom’a papi nivaĉle pa mônlhasha’ne ĵayu yinjôt chi’ ti yisĉlaneshi ĵayu na lhei pa Dios.