¿Ta lhjunash pa vatmônlhajayash lhapesh yi’e pa vatcôvjiyanjavat lhei Edén?

Pa Jeova yijutem pa Adán chi’ lhpa Eva pava aĉloj matas isis (Génesis 1:28)

Pa Jeova yisnatesh lhapesh lhpa vatjutsa’ ôĉĵeĉlô, lhei Eva chi’ ti yijutem lhpa lhjaya pa Adán (Génesis 2:21, 22).

Pa Dios ti yivĉlanjat pa Adán chi’ lhpa Eva yivoyeshch’e jum, pa ômem pava niysisa.

Papi lhech yi’e pa vatcôvjiyanjavat uj ti is lhei Edén. Lhech’e caaj pa tôvôc, pava aaĉjicuy chi’ pava yacquisitis. Nôque lhech pa paraíso.

Pa Jeova tasinôyelh papi lhech chi’ ti yeijatsjanesh pava matas. Papi lhech ca amônlhaasha’ne yinjôt yi’e na cotsjaat ca paraíso’esh, ca nach’antaja chi’ ca nanc’ashamem ts’ivee ti yit’esh pa Lhcaanvaĉle.

Pa Dios yit’eshem papi lhech ca yaaj ca nituj lhpa ve’lha aaĉjiyuc pava lhai (Génesis 2:16, 17)

Pa ve’lha ángel vatjuyjatjulh pa Dios. Nôque ángel niysa’ lhech pa Ts’ich’e, pa Satanás.

Pa Jeova nôĉlitem pa Adán chi’ lhpa Eva lhpa ve’lha aaĉjiyuc ti caaj pava lhai pa yit’eshem: “Yaaj ca atuj lhpa lha’ anôque aacjiyuc, lhayaash ca atujtaj pa lhavaf jayu” (Génesis 2:17).

Pa Satanás ninen papi lhech ca nanc’ashamem pa Jeova. Pa lhechesh lhavaatsha yicheneshjop pa tos ti yit’esha lhpa Eva ti tan ca nivaf ca nitujtaj lhpa lha’ anôque aaĉjiyuc. Yit’esha shta ca lhjunashajulh pa Dios. ¡Uj ti yôôlhjôn’in! (Génesis 3:1-5).