10. Pa yijô’esh papi ángeles

1 PAPI ÁNGELES YITSÔT’AĴESH PA DIOS

“¡A’isiyanelh pa Lhcaanvacle, ángeles t’unis!” (Salmo 103:20).

¿Ta t’ônashesha na Biblia papi ángeles?

• Job 38:4-7

  Pa Jeova yivĉlanĵat papi ángeles ti ĵôjeĉlai ninavĉlanĵat na cotsĵaat.

• Apocalipsis 5:11

  Ĉaaĵ aĉloĵ papi ángeles.

• 1 Pedro 1:11, 12

  Papi ángeles yaichavalhaan yinjôt pa yôyinemch’e pa Dios napi nivaĉle chi’ na cotsĵaat.

• Lucas 15:10

  Papi ángeles yaichavalhei jum napi t’acumem’in pa Dios.

2 PAPI ÁNGELES YEFEN NAPI LHĈAVOSESH PA DIOS

“Pa lh’ángel pa Lhcaanvacle yiclôvalh pa yilhjen papu ti yôclôj pa Lhcaanvacle” (Salmo 34:7).

Papi ángeles ¿isjop t’e ĉa nefen napi nivaĉle?

• Génesis 19:15, 16; Daniel 6:22; Lucas 22:43; Hechos 12:6-11

  Papi ángeles yefen pa Lot, pa Daniel, pa Jesús chi’ pa Pedro.

• Hebreos 1:7, 14

  Navôque nalhus pa Jeova yefen pa vanujumatsinesh shta napi lhĉavosesh tôlh’ejop papi lhángeles.

3 PAPI ÁNGELES NIYSISASHA’NE YEETAĴESH ĈA SHINTESHIYAN

“Istaa ca shtanujumatsenjulh pa Satanás; lhayaash ti shtantô’yesh ti acloj pavan shinc’alhtantajeshaan” (2 Corintios 2:11).

¿She t’e papi ángeles niysisasha’ne? ¿Ta t’e lhayaash ti yeetaĵesh ĉa shinteshiyan?

• Apocalipsis 12:9

  Pa ve’lha ángel vatjuiĵatjulh pa Jeova. Pôque ángel chiyeyiyanesh pa Tsich’e’ pa Satanás shta.

• Génesis 6:2

  Pava lhnalhus pa Noé ĉaaĵ papi ángeles ti t’ajuijulh pa Dios pa nacheishicham na cotsĵaat.

• Mateo 9:34

  Papuque ángeles voqu’eetsham pa Satanás ti vatjuiĵatjulh pa Dios pa vatjônei papi ángeles niysisasha’ne.

• Deuteronomio 18:10, 11

  Papi ángeles niysisasha’ne yen ĉa shinteeĵshiin ĉa shinsasiyan shta.

4 ISJOP ĈA SHTANT’UNJULH PA SATANÁS CHI’ PAPI ÁNGELES NIYSISASHA’NE

“Pa aniyitelhjulh pa tsich’e, pa nitayelh’ajop jayu” (Santiago 4:7).

¿Ta ĉasfanishesh ĵayu ĉa shinujumatsineshc’oya pa Jeova pa Satanás chi’ papi ángeles niysisasha’ne?

• Hechos 19:19

  Ĉa shtavôôm lhaĉom’a pava matas ti tô’lha pa vatvitôiĵayash, papi tôiĵes chi’ pava tô’lha papi ángeles niysisasha’ne apashataĵ ti lhaiyasha ti tajulhei cavôque. Yaaĵ ĉa shtasnatesh yitsha pava lhech.

• Efesios 6:16, 18

  Sht’unitĵatesh na niĉasĉacuĵayasha ĉa shtaneiĵatsĵanesh na Biblia. Sht’aalhsha pa Dios ĉa shinujumatsinesh.

• Proverbios 18:10

  Ĉa shtetônjop na lhei pa Jeova.