15. Pa lhjunash yivo’yeshch’e ĉa chinôĉlôĵei pa Dios

1 ĈAAĴ NA VE’LHA RELIGIÓN YIVO’YESHCH’E

“Pa tsuisham lhashi tsuich’e shta pa nôyish t’ajuyei pa vatmônlhajayash, napu’ papi yi’van” (Mateo 7:14).

Pa Dios ninen lhaĉom’a pava vatôĉlôĵqueyash ¿ta lhjunash ti shtantô’ya côque?

• Mateo 7:21-23

  Ĉaaĵ papi yilheĉlôĵesh ĉa nôĉlôĵei pa Dios taĵ ti ninasnatesh pa yen pa lhech. Côque nintajulhemei pa Dios.

• Mateo 7:13, 14

  Pa vatmônlhaĵayash ôiĵôlhôyech tô’lha na religión yivo’yeshch’e. Pa chiyvômĵatshi tô’lha pa religión niyijô’a.

• Mateo 7:16, 17

  Isjop ĉa shtantô’ya na religión yivo’yeshch’e tô’lha pa is ti yiĉaatĵat. Niĉassuyeeshi ĉa shtavantôyitesh lhaĉom’a pava religiones nasheesh ĉa shtaneiĵatsĵanesh jô na Biblia.

2 PA LHJUNASH YIVO’YESHCH’E ĈA CHINÔĈLÔĴEI PA DIOS

• 1 Tesalonicenses 2:13; 2 Timoteo 3:16, 17

  Nasheesh sht’ueshch’e pava yit’esh na Biblia pa sht’eiĵatsĵanesh côque ana pap’elh.

• Mateo 4:10; Romanos 10:13

  Ĉa shtôĉlôĵei pa Jeova pa shtetônjop na lhei.

• Juan 13:35

  Ĉa shten jô pap’elh.

• Juan 14:15; Hechos 4:12

  Ĉa shtanĉ’ashamem pa Jesús. Pa Dios shinalhĵen tôlh’ejop pa Jesús.

• Juan 18:36; Hechos 5:29

  Yaaĵ ĉa shnôcjaam pa política.

• Mateo 6:10; 24:14

  Ĉa sht’eiĵatsĵanesh pap’elh ti nasheesh pa Dios Lhanvaĉleyash isjop ĉa nasĉlansha’ne nava tavi’ĵataijoom.

3 SHTASNATESH PAVA TI YIT’ESH PA DIOS

¿She pa tajulhei ĉa asnatesh ĵaspa nanshamesh pa Dios pa lhôĉlôĵqueyash?

• Santiago 2:19

  Ninasheesh ti tajulhei ĉa sht’uesha pa Dios vooi ĉa shtanĉ’ashamesh pava ti yit’esh pa Dios tô’lha na Biblia.

• Isaías 52:11; Apocalipsis 17:5

  Pa religión niyijô’a lhei shta “na uj yitsaat Babilonia” nineiĵatsĵanesh papi nivaĉle ĉa nôĉlôĵei yivo’yeshch’e pa Dios. Yi’ei pa lhjunash, pa pu’janasham, pa vatsôĉ’ôĉlit ti tan ĉa ve’lheesh ĉa nivaf chi’ pa itôĵ tan ĉa nimaĉ lhech pava vatneiĵatsĵanĵayash niyijô’ach’e.

• Apocalipsis 18:4, 8

  Pa Jeova yivômĵatshi ĵayu tatsha lhaĉom’a pava religiones niyijô’ach’e. Tajulhei ĉa aĉavoijulh lhaĉom’a ti yivooijulh pa religión niyijô’a.

• Mateo 19:29

  Nilhaĉom’aa ĉa nanshamesh ĉa anĉ’ashamem pa Jeova taĵ ti tan ĉa ve’lheesh ĉa navôôm.a