16. Shtôĉlôĵei pa Dios nan lhjunash ti yen

1 SHTAĈAVOIJULH PA VATÔĈLÔĴQUEYASH NIYIJÔ’A

“Ayelhshi napi lhech pa avatvenchatelh; pa yaaj ca acumelh’e pava niysisa” (2 Corintios 6:17).

Ĉaaĵ pava chiyfaiĵanesh ĵaspa chinôĉlôĵ pava chiydiosiyan chi’ papi vafsha’ne ¿ta t’e lhayaash ti nintajulhei cavôque?

• Éxodo 20:4, 5; 1 Juan 5:21

  Pa Jeova ninteesh ĉa shtachenesh pava chiydiosiyan ĵaspa shtôĉlôĵei pa lhech.

• Deuteronomio 18:10-12

  Ĉaaĵ papi yilheĉlôĵesh ti tasinôyelh papi vafsha’ne taĵ ti tasinôyelh papi ángeles niysisasha’ne.

2 NILHAĈOM’AA PAVA CHIVATĈ’USINATESH’IN TI YEN PA DIOS

“Aniyitelh ca asnatshelh pavan yishamitjat ja Lhcaanvacle” (Efesios 5:10).

¿Ta lhjunash ti isjop ĉa shtantô’ya ti tajulhei ĉa shnôcjaam pa chivatĉ’usinatesh’in ĵa’taĵesha ôme?

• Ezequiel 44:23; 2 Corintios 6:14, 15

  Ĉa shtantô’ya ti lhtatsuqu’esh pa chivatĉ’usinatesh’in ĉa nivooijulh pa religión niyijô’a.

• Éxodo 32:2-10

  Isjop ĉa ninanshamesha pa Dios pa chitvatĉ’usinatesh’in lhama’taĵ papi ti yisnatesh côque yilheĉlôĵesh ti tajulhei.

• Daniel 3:1-27

  Ĉa shtaĉavoijulh pava chivatĉ’usinatesh’in ti chiyôĉlôĵ papi nivaĉle, pava lhorganizaciones ĉa’taĵesha pava gobiernos lhaĵpeĉles.

• 1 Timoteo 1:18, 19

  Shtaichavalhei jum ti ĵôjeĉlai nishtasnatesh pa’na ĵaspa isa’jop ĉa yijô’ajoom ti tajulhemei pa Jeova.

3 TAJULHEI ĈA NIĈASTSOPAA ĈA SHTANÔYÔĴQU’E PAVA SHT’UESHCH’E

“Ca asinôitajelh’in pa yajateesh ca isisach’e shi’ ca c’usach’e pava lhteetshelh. Pa avôntôyitelhjulh pa lhjunash ca acuulhtajeshelh pa’na” (Colosenses 4:6).

¿Ta lhjunash ti tajulhei ĉa shtanôyôĵemch’e pap’elh pava sht’ueshch’e?

• Mateo 7:12

  Ĉa shtavi’ĵatanjulh pava yeneishilhatam pap’elh lhjunashjulh ti shten ĉa nivi’ĵatanjulh papi lhech nava shtasnatesh.

• 2 Timoteo 2:24

  Niĉastsopaaesh yaĵatesh pa yaaĵ ĉa sht’aôvteyanem pap’elh ĉa shtanôyôĵemch’e pava sht’ueshch’e.

• 1 Pedro 3:15

  Niĉastsopaaesh chi’ ĉa shtavi’ĵatanjulh pap’elh ĉa shtanfaĉleem pava sht’ueshch’e.

• Hebreos 10:24, 25

  Nava vatc’ayashva’ne cristianas shinfayuĵat’in ĵayu chi’ ti shtavantôyitesh ĵayu pa lhjunash ti shtanôyôĵemch’e pava sht’ueshch’e papi yistan’in.