PERAJ 4

¿Achike xukʼäm pe chi ke ri xkinimaj rutzij ri Satanás?

Ri Adán chuqaʼ ri Eva xkiqʼäj rutzij ri Dios, ruma riʼ xekäm (Génesis 3:6, 23).

Ri Eva nutïj ruwäch ri cheʼ ri bʼin chi ke chi man tkitïj, chuqaʼ nuyaʼ chi re ri Adán

Ri Eva xunimaj rutzij ri kumätz, ke riʼ xutïj ruwäch ri cheʼ. Chi rij riʼ xuyaʼ apo chi re ri Adán, chuqaʼ xutïj rijaʼ.

Ri Adán chuqaʼ ri Eva xeʼelesäx el chuwäch ri Tikʼasäs Ulew pa Edén

Ri xkibʼän rijeʼ jun nimaläj mak. Ri Dios xerelesaj pe chuwäch ri Tikʼasäs Ulew.

Ri Adán chuqaʼ ri Eva xerijïx, chi rij riʼ xekäm

Ri kʼaslem kʼayew xubʼän qa chi kiwäch rijeʼ chuqaʼ ri kalkʼwal. Xerijïx chuqaʼ xebʼekäm. Rijeʼ majun chik kʼo ta jun akuchi xeʼapon wi, choj xkʼis kiwäch.

Ri kaminaqiʼ e achiʼel ri poqolaj, majun achike ta nkinaʼ (Génesis 3:19).

Winaqiʼ jalajöj kiwäch chuqaʼ jalajöj junaʼ e alaxnäq

Ruma oj ralkʼwal ri Adán chuqaʼ ri Eva qonojel yojkäm. Ri kaminaqiʼ majun achike ta nkitzʼët, nkakʼaxaj chuqaʼ majun achike ta yetikïr nkibʼän (Eclesiastés 9:5, 10).

Jun xtän xkäm; ri ru-familia yeʼoqʼ chi rij

Toq ri Jehová xerubʼän ri winaqiʼ, man xerubʼän ta richin yekäm. Xa bʼaʼ chik apo, xkerukʼasoj ri e kaminäq el. We rijeʼ xtkinimaj rutzij, xkekʼaseʼ richin jantapeʼ.