¿Achike itzel yetzʼeton ri Tataʼixel?

Ri Satanás ja riʼ ri nabʼey itzel ntzʼeton ri Tataʼixel. Rijaʼ jun alkʼwal xamanil ri man xunimaj ta rutzij ri Jehová. Wakami kʼa rupabʼan na riʼ chuwäch ri Jehová, chuqaʼ ruyaʼon kʼayewal pa kiwiʼ ri winäq. Ri Satanás jun itzelanel, tzʼuküy tzij, chuqaʼ kamisanel (Juan 8:44).

E kʼïy alkʼwalaxelaʼ xamanil xkitzeqelibʼej ri Satanás rikʼin ritzelal chi rij ri Tataʼixel. Ri Ruchʼabʼäl ri Ajaw nubʼij itzel taq xamanil (ajtzayiʼ) chi ke. Achiʼel ri Satanás, ri itzel taq xamanil itzel yekitzʼët ri winäq. Ütz nkinaʼ yekitzelaj ri winäq (Mateo 9:32, 33; 12:22). Ri Jehová jumul xtuchüp kiwäch ri Satanás chuqaʼ ri itzel taq xamanil. Xa jubʼaʼ chik ramaj yaʼon chi ke richin nkibʼän itzelal pa kiwiʼ ri winäq (Apocalipsis 12:12).

We nqajoʼ yojok rachibʼil ri Tataʼixel, mani nqabʼän ri nqa chuwäch ri Satanás. Ri Satanás chuqaʼ ri itzel taq xamanil itzel nkitzʼët ri Jehová. Man nkajoʼ ta ri Tataʼixel; chuqaʼ nkajoʼ oj ajun ta röj kikʼin. Ruma riʼ tqachaʼ achike nqajoʼ nqanimaj rutzij: ja ri Jehová o ja ri Satanás. We nqajoʼ yojkʼaseʼ jantapeʼ, nkʼatzin nqabʼän rurayibʼal ri Tataʼixel. Ri Satanás jebʼël retaman yeruqʼol ri winäq, jalajöj kiwäch ri pataʼy yerokisaj. Ke riʼ kan e kʼïy winäq yeruqʼol (Apocalipsis 12:9).