PERAJ 1

¿Achike rubʼanik nqakʼaxaj ri Dios?

Ri Dios rikʼin ri Biblia nchʼon qikʼin (2 Timoteo 3:16).

Kʼa chi laʼ chi kaj, ri Jehová xuyaʼ pe runaʼoj pa kiwiʼ ri achiʼaʼ richin xkitzʼibʼaj ri Biblia

Ri Dios xuyaʼ pe ri runaʼoj pa kiwiʼ jun molaj achiʼaʼ richin xkitzʼibʼaj ri Biblia. Ri naʼoj e kʼo chupam janila kejqalem, ruma riʼ ri Dios nrajoʼ chi yeqetamaj.

Ruma rikʼin ri Dios naläx ri etamabʼäl, retaman achike ri ütz nubʼän chi qe. We nqabʼän ri nubʼij, ajnaʼoj taq winäq xtqabʼän (Proverbios 1:5).

Ri Biblia elesan pa kʼïy chʼabʼäl; jun achin nusikʼij ri Biblia pa ruchʼabʼäl

Ri Dios nrajoʼ chi konojel ri winaqiʼ nkisikʼij ri Biblia. Wakami kʼïy chʼabʼäl nawïl re wuj reʼ.

We rat nawajoʼ nawakʼaxaj ri Dios, kʼo chi nasikʼij ri Biblia chuqaʼ nqʼax chawäch ri nubʼij.

Ronojel Ruwachʼulew, ri winaqiʼ nkakʼaxaj chi rij ri Dios (Mateo 28:19).

Jun testigo de Jehová nusikʼij ri Biblia chuwäch jun achin, chi rij riʼ nuyaʼ rutijonik

Ri testigos de Jehová yatkitoʼ richin nqʼax chawäch ri nubʼij ri Biblia.

Rijeʼ ronojel Ruwachʼulew nkikʼüt ri qitzij chi rij ri Dios.

Jun chi ke ri kimoloj nkibʼän ri testigos de Jehová pa jun Nimajay richin molojriʼïl

Chuqaʼ nawetamaj más chi rij ri Dios we yabʼe ri pa taq kimolojriʼïl. Ronojel ri tijonïk nkiyaʼ rijeʼ man e tojon ta.