PERAJ 2

¿Achike ri Dios?

Kʼa chi laʼ chi kaj, ri Jehová yerutzʼët pe ri ru-ángeles chuqaʼ ri rubʼanon chuwäch ronojel Ruwachʼulew

Xa xe jun qitzij Dios ri kʼo, Jehová rubʼiʼ (Salmo 83:18). Rijaʼ jun espíritu, ruma riʼ man yojtikïr ta nqatzʼët. Rijaʼ janila yojrajoʼ, chuqaʼ nrajoʼ chi röj nqajoʼ rijaʼ. Chuqaʼ nrajoʼ chi yeqajoʼ ri chʼaqa chik winaqiʼ (Mateo 22:35-40). Ruma rijaʼ bʼanayon ronojel, majun achike ta nilon ruqʼij.

Ri Jehová nabʼey xubʼän jun ángel ri nimaläj ruchuqʼaʼ. Toq xpe chi Ruwachʼulew ri ángel riʼ, Jesucristo rubʼiʼ xbʼïx. Chuqaʼ ri Jehová xerubʼän chʼaqa chik ángeles.

Ronojel ri kʼo chi kaj ... chuqaʼ chi Ruwachʼulew, ja ri Jehová xbʼanon (Apocalipsis 4:11).

Ri chʼumilaʼ, ri Ruwachʼulew chuqaʼ ronojel ri e kʼo chuwäch, ja ri Jehová e bʼanayon (Génesis 1:1).

Ri Jehová xubʼän ri Adán rikʼin poqolaj (Génesis 2:7).