PERAJ 8

¿Achike ruma xkäm ri Jesús?

Ri Jesús xkäm richin yojkʼaseʼ (Juan 3:16).

Ri ixoqiʼ yetzuʼun apo ri akuchi muqül ri Jesús

Oxiʼ qʼij tkäm ri Jesús, kayoxiʼ ixoqiʼ majun chik achike ta xkïl chupam ri jül akuchi muqül wi. Ri Jehová xukʼasoj yan.

Ri Jesús nukʼüt riʼ chi kiwäch ri ru-apóstoles, chi rij riʼ ntzolin chi kaj

Ri Jesús xukʼüt riʼ chi kiwäch ri ru-apóstoles.

Ri Jehová man xuyaʼ ta chi re ri Jesús jun chʼakul achiʼel winäq, xuyaʼ chi re jun chʼakul achiʼel espíritu ri junan rubʼanik kikʼin ri ángeles. Ri rutzeqelibʼey xkitzʼët toq xbʼe chi kaj. Wakami rijaʼ jun espíritu ri kan janila ruchuqʼaʼ chuqaʼ majubʼey xtkäm.

Ri Jehová xukʼasoj ri Jesús chuqaʼ xubʼän chi xok qʼatöy tzij pa ru-Reino (Daniel 7:13, 14).

Kʼa chi kaj, ri Jesús nqʼaton pe tzij pa kiwiʼ ri winaqiʼ e kʼo chuwäch ri Ruwachʼulew

Ri Jesús xuyaʼ rukʼaslem pa kamïk kuma ri winaqiʼ (Mateo 20:28). Ruma riʼ, röj yojtikïr nqïl ri kʼaslem man kʼisel ta.

Ri Jehová xuchaʼ ri Jesús richin xtuqʼät tzij chi laʼ chi kaj pa ruwiʼ ri Ruwachʼulew. Ri Jesús chuqaʼ 144.000 winaqiʼ xkeqʼaton tzij pa ru-Reino ri Dios (Apocalipsis 14:1-3).

Ri ru-Reino ri Dios xtukotzʼijaj ruwäch ri Ruwachʼulew. Majun chik xkekʼojeʼ ta oyowal, kamisanïk, wayijal chuqaʼ ri mebʼaʼïl. Janila xkekikot ri winaqiʼ (Salmo 145:16).