TANAJ 02

Ri nusüj ri Biblia nukuqubʼaʼ qakʼuʼx

Edición impresa

Ri winaqiʼ chuwäch ronojel Ruwachʼulew nkikʼowisaj kʼayewal ri nubʼän chi ke chi yebʼison, npoytäj kikʼuʼx chuqaʼ nqʼaxon kanima. Rikʼin bʼaʼ rat akʼowisan ri kʼayewal riʼ. Rikʼin bʼaʼ yatijon poqön ruma jun yabʼil o ruma xkäm jun awachʼalal, ruma riʼ rikʼin bʼaʼ nakʼutuj qa chawäch ¿jampeʼ kʼa ütz xtubʼän pe ronojel? Ri nubʼij ri Biblia nuyaʼ uxlanem pa qanima.

1. ¿Achike rubʼanik nukuqubʼaʼ qakʼuʼx ri nusüj ri Biblia?

Ri Biblia nuqʼalajrisaj achike ruma e kʼo kʼïy kʼayewal chuwäch ronojel Ruwachʼulew chuqaʼ nubʼij chi ri kʼayewal riʼ xtkʼis kiwäch. Ri nusüj ri Biblia ntikïr nubʼän «chi ronojel ütz ta xtel» chawäch (tasikʼij Jeremías 29:11, 12). Ri nusüj ri Biblia yojrutoʼ richin nqaköchʼ ri kʼayewal, richin nkikot ri qanima chuqaʼ nukuqubʼaʼ qakʼuʼx chi kan xkojkikot richin jantapeʼ.

2. ¿Achike nubʼij ri Biblia chi rij ri xtbʼanatäj chi qawäch apo?

Ri Biblia nusüj chi petenäq jun qʼij toq «xtkʼis el ri kamïk y ri oqʼej» (tasikʼij Apocalipsis 21:4). Ri kʼayewal ri nubʼän chi yojtijon poqön achiʼel ri mebʼaʼïl, ri yabʼil, ri kamïk chuqaʼ ri man pa ruchojmil ta nbʼan xtkʼis kiwäch. Ri Biblia nusüj chi ri winaqiʼ xkekʼaseʼ richin jantapeʼ chuwäch jun tikʼasäs ulew waweʼ chi Ruwachʼulew.

3. ¿Achike xtbʼanon chawe chi xtakuqubʼaʼ akʼuʼx chi rij ri nusüj ri Biblia?

Kʼïy winaqiʼ nkajoʼ chi ütz ta xtubʼän ri kʼaslem, ja kʼa man ketaman ta wi kan ke riʼ xtbʼanatäj. Ja kʼa ri nusüj ri Biblia man junan ta. Yojtikïr nqakuqubʼaʼ qakʼuʼx chi rij ri nusüj we eqal eqal nqakanoj chupam ri «Ruchʼabʼäl ri Dios», nel chi tzij, nqanikʼoj rupam ri Biblia (Hechos 17:11). Reʼ xtubʼän chawe we xtanimaj o manäq ri nubʼij chi rij ri petenäq chi qawäch apo.

TQANIKʼOJ RIJ

Tqetamaj achike nubʼij ri Biblia chi rij ri petenäq pa qawiʼ ri chi qawäch apo. Tqatzʼetaʼ achike rubʼanik e rutoʼon wakami ri winaqiʼ ri nusüj ri Biblia.

Jalajöj wachibʼäl: Wachibʼäl ri nkikʼüt ri kikʼaslem ri winaqiʼ wakami chuqaʼ ri kikʼaslem chi qawäch apo achiʼel nusüj ri Biblia. Re wachibʼäl reʼ e kʼo chuqaʼ pa xulan qa.

4. Ri Biblia nusüj chi xkojkʼaseʼ richin jantapeʼ chuqaʼ ütz xtubʼän pe ri kʼaslem

Tatzʼetaʼ ri nusüj ri Biblia ri e kʼo pa xulan qa. ¿Achike ri nqa más chawäch? ¿Achike ruma?

Tisikʼij ri textos chuqaʼ kixchʼon chi rij reʼ:

¿La nkikuqubʼaʼ akʼuʼx re textos reʼ? ¿Nabʼij rat chi re textos reʼ xkekitoʼ ri awachʼalal chuqaʼ ri awachibʼil?

Tabʼanaʼ chi re chi najin nbʼanatäj reʼ:

MAJUN CHIK WINÄQ...	KONOJEL RI WINÄQ...
... xtutïj poqön, xtrijïx nixta xtkäm (Isaías 25:8)	... xtkitzʼët chi ri kachʼalal xkekʼastäj chik pe chuqaʼ xkekʼojeʼ chi Ruwachʼulew (Juan 5:28, 29)
... xtyawäj ta (Isaías 33:24; 35:5, 6)	... man xkeyawäj ta chik chuqaʼ xtkʼojeʼ kuchuqʼaʼ achiʼel ri xtaniʼ alabʼoniʼ (Job 33:25)
... xtbʼan itzelal chi re (Isaías 32:16, 17)	... xtkʼojeʼ kʼïy kiway, jun utziläj kachoch chuqaʼ jun utziläj kisamaj (Salmo 72:16; Isaías 65:21, 22)
... xtutïj poqön ruma ri nimaʼq taq oyowal (Salmo 46:9)	... xtkinaʼ ri qitzij uxlanem (Salmo 37:11)
... xkeʼoqa ta pa ranima ri itzel taq chʼobʼonïk nixta ri qʼaxomal ri rukʼowisan (Isaías 65:17)	... xtkʼojeʼ kikʼin ronojel ri nkʼatzin chi ke richin jantapeʼ (Salmo 37:29)

Jun akʼwal ri xyawäj, wakami nkikot nuqʼetej ri ruteʼ.

Jun achin riʼj chik wakami alaʼ rubʼanon chuqaʼ rukʼwan jun carreta nojinäq chi verduras

5. Ri nusüj ri Biblia yojrutoʼ richin más ütz yojbʼe pa qakʼaslem

Kʼïy winaqiʼ poytajnäq kikʼuʼx o yakatajnäq koyowal ruma ronojel ri kʼayewal yebʼanatäj chuwäch ri Ruwachʼulew. E kʼo ri nkitïj kiqʼij richin yesolotäj ri kʼayewal riʼ. Ri Biblia nusüj chi xtchojmirisäx ronojel ri chi qawäch apo, reʼ najin yerutoʼ kʼïy winaqiʼ wakami, tatzʼetaʼ achike rubʼanik. Titzʼetaʼ ri VIDEO chuqaʼ kixchʼon chi rij reʼ:

VIDEO: Ninwajoʼ wi chi man nibʼan ta chik itzelal chi qe (4:07)

Wachibʼäl richin ri video «Ninwajoʼ wi chi man nbʼan ta chik itzelal chi qe»: 1. Ri Rafika toq kʼa akʼwal na numöl bʼoʼj kikʼin ri ruwinaq. 2. Ri Rafika kʼa riʼ nabʼey mul nbʼe pa kimoloj ri testigos de Jehová. Janila xkikot toq xerutzʼët chi kimolon kiʼ kʼïy winaqiʼ jalajöj kiwäch.

Achiʼel xqatzʼët qa pa video, ¿achike kʼayewal rupoysan wi rukʼuʼx ri Rafika?
Stapeʼ ri kʼayewal riʼ man xekʼis ta ¿achike rubʼanik xutoʼ ri Biblia?

Ri nusüj ri Biblia ntikïr yojrutoʼ richin man npoytäj ta qakʼuʼx chuqaʼ richin yojqʼax chi kiwäch ri kʼayewal rikʼin kikotem. Tisikʼij Proverbios 17:22 chuqaʼ Romanos 12:12, chuqaʼ kixchʼon chi rij reʼ:

¿Nabʼij rat chi ri nusüj ri Biblia yarutoʼ richin más ütz yabʼe pa akʼaslem wakami? ¿Achike ruma nabʼij ke riʼ?

E KʼO JUJUN NKIBʼIJ REʼ: «Kan achiʼel pa achïkʼ ri nusüj ri Biblia».

¿Achike ruma kʼo rejqalem ri nanikʼoj rij chi ri nusüj ri Biblia kan qitzij xtbʼanatäj?

TQAKAMULUJ

Ri Biblia nusüj chi xkojkikot pa qakʼaslem y reʼ nukuqubʼaʼ qakʼuʼx chuqaʼ yojrutoʼ richin yojqʼax chi kiwäch ri kʼayewal.

Ri xawetamaj

¿Achike ruma ri winaqiʼ nkʼatzin nkuqubʼäx kikʼuʼx?
¿Achike nubʼij ri Biblia chi rij ri xtbʼanatäj chi qawäch apo?
¿Achike rubʼanik yarutoʼ wakami ri kʼo jun achoj chi rij nakuqubʼaʼ akʼuʼx?

Qʼij ri xakʼis re tanaj reʼ:

Tasamajij reʼ

Richin man yeʼamestaj ta ri nusüj ri Biblia keʼasikʼij jun bʼey chik ri textos e kʼo pe chupam re tanaj reʼ.

Chʼaqa chik samaj:

Chʼaqa chik samaj

RICHIN NAWETAMAJ MÁS

Tatzʼetaʼ achike rubʼanik nakuqubʼaʼ akʼuʼx chi rij ri xtpe chi qawäch apo.

«¿Akuchi nqïl ri qitzij kuqubʼabʼäl kʼuʼx?» (¡Despertad!, 22 de abril de 2004)

Tatzʼetaʼ achike rubʼanik ri kuqubʼabʼäl kʼuʼx chi rij ri petenäq ri chi qawäch apo e rutoʼon ri najin nkikʼowisaj jun itzel yabʼil.

«¿La ntikïr ri Biblia yojrutoʼ richin nqaköchʼ jun yabʼil?» (Reʼ xtawïl pa jw.org)

Toq xtatzʼët re video reʼ tachʼobʼoʼ chi at kʼo rikʼin ri a-familia chupam ri Tikʼasäs Ulew ri nusüj ri Biblia.

Nintzʼët yan ri qʼij riʼ (3:37)

Tatzʼetaʼ achike rubʼanik ri nusüj ri Biblia xujäl rukʼaslem jun winäq.

«Majun chik ninwajoʼ ta yitoʼon richin njalatäj ronojel ri itzelal yebʼan chi Ruwachʼulew» (La Atalaya, 1 de julio de 2013)