TANAJ 11
¿Achike nqabʼän richin ütz nqanaʼ nqasikʼij ri Biblia?
¿La poytajnäq akʼuʼx ruma nawajoʼ nachäp jun nïm samaj? Richin man kan ta kʼayew xtubʼän pe chawäch, rikʼin bʼaʼ chi taq peraj xtabʼän chi re ri samaj. Ke riʼ chuqaʼ nbʼanatäj rikʼin ri rusikʼixik ri Biblia. Rikʼin bʼaʼ nakʼutuj qa chawäch: «¿Akuchi ninchäp pe?». Chupam re jun tanaj reʼ xtqetamaj jujun naʼoj ri xkojkitoʼ richin ütz xtqanaʼ xtqatijoj qiʼ chi rij ri Biblia chuqaʼ xtqasikʼij ruwäch.
1. ¿Achike ruma ütz nqasikʼij ri Biblia qʼij qʼij?
Ri winäq ri nusikʼij qʼij qʼij ri Biblia, o «ri rupixaʼ ri Jehová», xtkikot chuqaʼ ütz xtbʼe pa rukʼaslem (tasikʼij Salmo 1:1-3). Richin natikirisaj, tasikʼij kayoxiʼ minutos jujun qʼij. Toq más xtawetamaj chi rij ri Ruchʼabʼäl ri Dios, más xtarayij xtasikʼij ruwäch.
2. ¿Achike ütz nabʼän richin ütz xtanaʼ xtasikʼij ri Biblia?
Richin nqanaʼ rukiʼil ri rusikʼixik ri Biblia kʼo chi yojtaneʼ bʼa richin nqachʼöbʼ ri achike najin nqasikʼij. Re wuj reʼ man choj ta nsikʼïx, chuqaʼ kʼo chi ninikʼox rij (Josué 1:8). Toq najin nasikʼij, takʼutuj qa chawäch reʼ: «¿Achike nkikʼüt chwe chi rij ri Jehová re versículos reʼ? ¿Achike rubʼanik yensamajij re versículos reʼ pa nukʼaslem? ¿Achike rubʼanik yenkusaj re textos reʼ richin yentoʼ ri chʼaqa chik?».
3. ¿Achike ruma ütz najäm aramaj richin nasikʼij ri Biblia?
¿La kʼayew nubʼän chawäch najäm aramaj richin nasikʼij ri Biblia? Kʼïy chi qe röj kʼayew nubʼän chi qe. Ja kʼa, mani nayaʼ qʼij chi choj nikʼo ri qʼij pa awiʼ (Efesios 5:16). Rat xkatikïr xtasikʼij ri Biblia we najäm jun xti ramaj qʼij qʼij. E kʼo jujun jukumaj nimaqʼaʼ nkisikʼij ruwäch. Chʼaqa chik nkisikʼij toq yeʼuxlan bʼa pa qʼij. Chuqaʼ e kʼo jujun ri chaqʼaʼ nkisikʼij ri Biblia. ¿Achike hora más ütz nubʼän pe chawäch rat?
TQANIKʼOJ RIJ
Tqatzʼetaʼ achike yojtikïr nqabʼän richin nqanaʼ rukiʼil ri rusikʼixik ri Biblia. Waweʼ xtqetamaj kayoxiʼ naʼoj ri xkojkitoʼ richin nqatijoj qiʼ chuqaʼ richin nqakʼäm kʼïy etamabʼäl chupam re tijonïk reʼ.
Achiʼel eqal eqal ütz nqanaʼ nqatïj jalajöj kiwäch qʼutuʼn, ke riʼ chuqaʼ xtqa chi qawäch xtqasikʼij ri Biblia.
4. Ri rubʼanik nabʼän richin xtqa chawäch ri rusikʼixik ri Biblia
Rikʼin bʼaʼ pa nabʼey kʼayew nubʼän chawäch ri nasikʼij ri Biblia. Ja kʼa, achiʼel toq eqal eqal nqa chawäch natïj jun qʼutuʼn, ke riʼ chuqaʼ nbʼanatäj rikʼin ri Biblia, eqal eqal xtqa chawäch xtasikʼij ruwäch. Tisikʼij 1 Pedro 2:2 chuqaʼ kixchʼon chi rij reʼ:
We qʼij qʼij nasikʼij ri Biblia, ¿nabʼij rat chi ja riʼ xkarutoʼ richin más xtawajoʼ xtasikʼij ruwäch?
Titzʼetaʼ ri VIDEO chi kij kayoxiʼ xtaniʼ alabʼoniʼ ri ütz xkinaʼ xkisikʼij ri Biblia. Chi rij riʼ kixchʼon chi rij reʼ:
¿Achike kʼayewal xkikʼowisaj ri xtaniʼ alabʼoniʼ ri xeʼel pe pa video?
¿Achike xtoʼon kichin richin man xkiyaʼ ta kan rusikʼixik ri Biblia?
¿Achike xkibʼän richin más xqa chi kiwäch ri rusikʼixik ri Biblia?
Naʼoj ri xkarutoʼ richin nasikʼij ri Biblia:
Takusaj jun Biblia ri kan pa rubʼeyal tzʼibʼan kan y man kʼayewaläj taq tzij nukusaj. Takusaj ri Traducción del Nuevo Mundo we kʼo pa achʼabʼäl.
Tatikirisaj rusikʼixik rikʼin ri tzijonem ri más yeqa chawäch. Xtawïl rubʼanik chupam ri peraj «Naʼoj richin natikirisaj rusikʼixik ri Biblia».
Tayaʼ kan ketal ri xeʼasikʼij. Takusaj ri peraj «Qʼij qʼij tasikʼij ri Biblia», ri kʼo chupam re wuj reʼ.
Takusaj ri aplicación JW Library®. We naqasaj pa a-teléfono, rat xkatikïr xtasikʼij chuqaʼ xtawakʼaxaj ri rusikʼixik ri Biblia xa bʼa akuchi na at kʼo wi.
Takusaj ri chʼaqa chik peraj e kʼo chupam ri Traducción del Nuevo Mundo. Chi riʼ xtawïl mapas, wachibʼäl chuqaʼ jun diccionario ri xtubʼän chawäch chi más xtarayij xtawetamaj chi rij ri Biblia.
5. Tatijoj awiʼ chi rij ri atijonïk
Tisikʼij Salmo 119:34 chuqaʼ kixchʼon chi rij reʼ:
¿Achike ruma janila ütz ri nabʼey nabʼän achʼonïk toq nasikʼij ri Biblia o toq natijoj awiʼ chi rij ri atijonïk?
¿Achike rubʼanik nabʼän richin nawetamaj ri achike nukʼüt jujun tanaj? Toq najin natijoj awiʼ chi rij re wuj reʼ, ütz nabʼän reʼ:
Tasikʼij konojel ri párrafos e kʼo chuwäch jujun taq tanaj.
Takanoj ri textos chupam ri Biblia, keʼasikʼij chuqaʼ keʼaximaʼ rikʼin ri naʼoj najin nawetamaj.
Tayaʼ ketal ri tzij ri nkiqʼalajrisaj ri kʼutunïk. Reʼ xkarutoʼ toq xtatijoj awiʼ rikʼin ri atijonel.
¿La awetaman rat reʼ?
Röj ri testigos de Jehová qakusan kʼïy Biblias, ja kʼa más ütz nqanaʼ nqakusaj ri Traducción del Nuevo Mundo ruma tzʼaqät, man kʼayew ta ri tzij nukusaj richin nqʼax chawäch chuqaʼ nukusaj ri rubʼiʼ ri Dios (tatzʼetaʼ re naʼoj reʼ pa jw.org: «¿La jun wi ki-Biblia ri testigos de Jehová?»).
E KʼO JUJUN NKIBʼIJ REʼ: «Ri natijoj awiʼ chi rij ri Biblia rukʼwan kʼïy ramaj. Majun jamäl ta nuwäch chuqaʼ man ninrayij ta».
¿Achike nabʼij rat chi rij reʼ?
TQAKAMULUJ
Richin más nawetamaj chi rij ri Biblia, tajamaʼ aramaj richin nasikʼij, takʼutuj chi re ri Dios chi karutoʼ richin napon pa awiʼ ri nasikʼij chuqaʼ tatijoj apo awiʼ chi rij ri atijonïk.
Ri xawetamaj
¿Achike xkarutoʼ richin más xtawetamaj chi rij ri Biblia?
¿Achike hora más ütz nubʼän chawäch richin nasikʼij chuqaʼ natijoj awiʼ chi rij ri Biblia?
¿Achike ruma janila ruqʼij ri natijoj apo awiʼ chi rij ri atijonïk?
RICHIN NAWETAMAJ MÁS
Keʼakamuluj kayoxiʼ naʼoj richin más xtawetamaj toq xtasikʼij ri Biblia.
«Ri kʼo chi nabʼän richin xtqa chawäch xtasikʼij ri Biblia» (La Atalaya, núm. 1 2017)
Tatzʼetaʼ oxiʼ rubʼanik richin nasikʼij ri Biblia.
Tatzʼetaʼ achike ütz nabʼän richin nqa chawäch ri rusikʼixik ri Biblia.
Tatzʼetaʼ jujun naʼoj ri nkiyaʼ kayoxiʼ winaqiʼ ri kʼïy junaʼ kisikʼin yan ri Biblia.
¿Achike ütz nqabʼän toq nqatijoj qiʼ chi rij ri Biblia? (2:06)