¿Achike ri utziläj taq rutzijol?

1. ¿Achike utziläj taq rutzijol nuyaʼ ri Dios?

Ri Dios nrajoʼ chi ri winaqiʼ yekʼojeʼ chuwäch ri Ruwachʼulew. Rijaʼ xubʼän ri Ruwachʼulew chuqaʼ ronojel ri kʼo chuwäch ruma yerajoʼ ri winaqiʼ. Xa bʼaʼ chik apo xtukʼïs ruwäch ri tijoj poqonal richin ri winaqiʼ ronojel tinamït xtkïl jun utziläj kʼaslem. Tasikʼij Jeremías 29:11.

Wakami majun ta jun qʼatöy tzij ntikïr nukʼäm el ri itzelal, ri yabʼil chuqaʼ ri kamïk. Man kʼa tpoʼ qa akʼuʼx, kʼo utziläj taq rutzijol. Xa bʼa chik apo, ri ruqʼatbʼäl tzij ri Dios xkerujäl el konojel ri qʼatbʼäl taq tzij chi Ruwachʼulew. Ri winaqiʼ xtkïl uxlanibʼäl kʼuʼx chuqaʼ man xkeyawäj ta chik. Tasikʼij Isaías 25:8; 33:24; Daniel 2:44.

2. ¿Achike ruma nkʼatzin nyaʼöx ri utziläj taq rutzijol?

Ri tijoj poqonal xtkʼis xa xe toq ri Dios xkerukʼäm el ri itzel taq winäq chi Ruwachʼulew (Sofonías 2:3). ¿Jampeʼ xtubʼän riʼ? Ri Biblia rubʼin pe ri tijoj poqonal yebʼanatäj wakami. Ronojel riʼ retal chi ri Dios xtukʼïs yan ruwäch ri itzelal. Tasikʼij 2 Timoteo 3:1-5.

3. ¿Achike rukʼamon chi nqabʼän?

Kʼo chi nqetamaj chi rij ri Dios chupam ri Biblia. Ri wuj riʼ achiʼel jun wuj ri nutzʼibʼaj pe jun utziläj tataʼaj chi ke ri ralkʼwal. Nubʼij achike rubʼanik nqakʼwaj jun utziläj kʼaslem chuqaʼ ri rubʼanik nqïl ri kʼaslem man kʼisel ta chi qawäch apo. Qitzij na wi, e kʼo winaqiʼ ri man xtqa ta chi kiwäch ri yatoʼöx rikʼin ri Biblia. Ja kʼa man tpoʼ qa akʼuʼx, ri urtusanïk xtawïl chi qawäch apo kʼo janila rejqalem chuqaʼ rukʼamon chi nawïl. Tasikʼij Proverbios 29:25; Apocalipsis 14:6, 7.