TANAJ 27
¿Achike rubʼanik yojruköl ri rukamik ri Jesús?
Ri nabʼey taq winäq, ri Adán chuqaʼ ri Eva, man xkinimaj ta rutzij ri Dios. Ruma riʼ röj yojmakun, yojtijon poqön chuqaʼ yojkäm.a Ja kʼa man ronojel ta xetzelatäj. Ri Jehová xukusaj ri Jesucristo, ri Rukʼajol, richin xojrukol chuwäch ri mak chuqaʼ ri kamïk. Ri Biblia nukʼüt chi, ri rukamik ri Jesús, xojruköl pa ruqʼaʼ ri mak chuqaʼ ri kamïk. Rijaʼ xtikïr xubʼän riʼ ruma majun wi rumak ta (tasikʼij Mateo 20:28). Ri Jesús toq xpe chuwäch ri Ruwachʼulew ntikïr wi nkʼaseʼ richin jantapeʼ, ja kʼa rijaʼ rikʼin ronojel ranima xuyaʼ rukʼaslem pa kamïk. Ruma xubʼän riʼ, wakami röj yojtikïr nqïl jun bʼey chik ri kʼaslem ri xsach kuma ri Adán chuqaʼ ri Eva. Chuqaʼ rikʼin riʼ xukʼüt chi qawäch jampeʼ yojrajoʼ rijaʼ chuqaʼ ri Jehová. Re tanaj reʼ xkarutoʼ richin más xtamatyoxij ri xuyaʼ rukʼaslem pa kamïk ri Jesús.
1. ¿Achike rubʼanik yojrutoʼ wakami ri rukamik ri Jesús?
Ruma oj ajmakiʼ, röj jantapeʼ nqabʼän ri man nqa ta chuwäch ri Jehová. Ja kʼa yojtikïr yojok utziläj taq rachibʼil ri Dios we qitzij ntzolin qakʼuʼx chuqaʼ nqakʼutuj chi re pa rubʼiʼ ri Jesús, chi nuküy ta ri qamak. Chuqaʼ we nqaxïkʼ qiʼ richin man yojtzaq ta chik chupam ri mak ri qabʼanon kan (1 Juan 2:1). Ri Biblia nubʼij chi: «Ri Cristo xutïj chuqaʼ poqön xa xe jun bʼey ruma ri mak, stapeʼ ri rukʼaslem rijaʼ kan choj wi, ja kʼa kan xkäm pa rukʼexel ri itzel rukʼaslem. Y rikʼin riʼ yojrukʼwaj chuwäch ri Dios» (1 Pedro 3:18).
2. ¿Achike xtukʼäm pe pa qawiʼ chi qawäch apo ri rukamik ri Jesús?
Ri Jehová xutäq ri Rukʼajol richin xuyaʼ rukʼaslem pa kamïk «richin chi xa bʼa achike kʼa ri xtukuqubʼaʼ rukʼuʼx rikʼin [ri Jesús] man kʼa xtapon ta chupam ri kamïk richin jantapeʼ, xa kan xtkʼojeʼ kʼa rukʼaslem» man kʼisel ta (Juan 3:16). Ruma ri xubʼän ri Jesús, xa bʼa chik apo ri Jehová xtukʼïs ruwäch ronojel ri kʼayewal rukʼamon pe ri rumak ri Adán. Reʼ nel chi tzij chi, we nqakuqubʼaʼ qakʼuʼx chi rij ri xubʼän ri Jesús pa qawiʼ, yojtikïr nqïl qakʼaslem ri man kʼisel ta chuwäch ri Tikʼasäs Ulew waweʼ chi Ruwachʼulew (Isaías 65:21-23).
TQANIKʼOJ RIJ
Tqetamaj más achike ruma xkäm ri Jesús chuqaʼ achike nukʼäm pe reʼ pa awiʼ.
3. Ri rukamik ri Jesús yojruköl chuwäch ri mak chuqaʼ ri kamïk
Titzʼetaʼ ri VIDEO chuqaʼ kixchʼon chi rij reʼ:
¿Achike xusäch ri Adán toq xuqʼäj rutzij ri Dios?
Tisikʼij Romanos 5:12 chuqaʼ kixchʼon chi rij reʼ:
¿Achike xukʼäm pe pa awiʼ ri rumak ri Adán?
Tisikʼij Juan 3:16 chuqaʼ kixchʼon chi rij reʼ:
¿Achike ruma ri Jehová xutäq pe ri Rukʼajol chuwäch ri Ruwachʼulew?
Ri Adán tzʼaqät wi, ja kʼa toq xuqʼäj rutzij ri Dios, xuyaʼ ri mak chuqaʼ ri kamïk chi kij ri winaqiʼ.
Ri Jesús tzʼaqät wi chuqaʼ xunimaj rutzij ri Dios, rikʼin riʼ xujäq ri bʼey richin chi ri winaqiʼ yetikïr yeʼok tzʼaqät chuqaʼ yekʼaseʼ richin jantapeʼ.
4. Ri rukamik ri Jesús kʼïy utzil rukʼamon pe pa kiwiʼ konojel ri winaqiʼ
Titzʼetaʼ ri VIDEO chuqaʼ kixchʼon chi rij reʼ:
¿Achike ruma ri rukamik jun achin nukʼäm pe utzil pa kiwiʼ konojel ri winaqiʼ?
Tisikʼij 1 Timoteo 2:5, 6 chuqaʼ kixchʼon chi rij reʼ:
Ri Adán tzʼaqät wi, ja kʼa toq xmakun, xubʼän chi konojel ri winaqiʼ xkikʼül ri mak chuqaʼ ri kamïk. Ri Jesús chuqaʼ tzʼaqät wi. ¿Achike xubʼän rijaʼ richin xojruköl pa ruqʼaʼ ri mak chuqaʼ ri kamïk?
5. Ri kolotajïk jun sipanïk ri nuyaʼ ri Jehová chawe
Chi kiwäch ri rachibʼil ri Jehová ri rukamik ri Jesús jun sipanïk ri petenäq rikʼin. Richin nitzʼët jun tzʼetbʼäl, tisikʼij Gálatas 2:20 chuqaʼ kixchʼon chi rij reʼ:
¿Achike ruma nqabʼij chi chuwäch ri Pablo ri rukamik ri Jesús jun sipanïk ri xyaʼöx chi re rijaʼ?
Toq ri Adán xmakun, rijaʼ chuqaʼ ri ralkʼwal kʼo wi chi yekäm. Ja kʼa ri Jehová xutäq pe ri Rukʼajol chuwäch ri Ruwachʼulew richin xuyaʼ riʼ pa kamïk richin ke riʼ rat xkatikïr xtawïl ri kʼaslem ri man kʼisel ta.
Toq xtasikʼij re versículos reʼ, tachʼobʼoʼ achike xunaʼ ri Jehová toq xutzʼët chi ri Rukʼajol najin wi ntïjon poqön. Tisikʼij Juan 19:1-7 chuqaʼ 16-18, chuqaʼ kixchʼon chi rij reʼ:
¿Achike nanaʼ rat toq nachʼöbʼ ri xkibʼän ri Jehová chuqaʼ ri Jesús pa awiʼ?
E KʼO JUJUN NKIKʼUTUJ REʼ: «¿Achike rubʼanik rukamik jun achin ntikïr yeruköl kikʼaslem konojel ri winaqiʼ?».
¿Achike xtabʼij rat chi ke?
TQAKAMULUJ
Rikʼin ri rukamik ri Jesús, ri Jehová nuküy ri qamak chuqaʼ rikʼin reʼ yojtikïr nqïl ri kʼaslem ri man kʼisel ta.
Ri xawetamaj
¿Achike ruma xkäm ri Jesús?
¿Achike ruma nqabʼij chi ri rukamik ri Jesús xojruköl pa ruqʼaʼ ri mak chuqaʼ ri kamïk?
¿Achike utzil nukʼäm pe chawe ri rukamik ri Jesús?
RICHIN NAWETAMAJ MÁS
Tawetamaj achike ruma ri rukʼaslem ri Jesús achiʼel jun kolotajïk.
«¿Achike ruma ri rukamik ri Jesús xeruköl ri winaqiʼ?» (Reʼ xtawïl pa jw.org)
Tatzʼetaʼ achike ütz nqabʼän richin yojkolotäj.
«¿Achike rubʼanik yojruköl ri Jesús?» (Reʼ xtawïl pa jw.org)
¿La yojruküy ri Jehová toq yeqabʼän nimaʼq taq mak?
«Kʼutunïk ri yebʼan chi rij ri Biblia» (La Atalaya, 1 de mayo de 2013)
Ri xretamaj ri nel chi tzij ri xub’än ri Cristo pa qawi’ xuto’ jun achin richin xujäl ruk’aslem. Tasikij ri xuk’owisaj pa rukaslem.
a Ri mak man xa xe nbʼanatäj toq kʼo jun itzel nqabʼän; ja kʼa chuqaʼ ri mak nubʼän chi qe chi jantapeʼ ri itzel yeqabʼän, reʼ qakʼamon pe chi kij ri Adán chuqaʼ ri Eva.