RI QAKʼASLEMAL RÖJ RI CRISTIANOS
Tatzʼetaʼ awiʼ achiʼel yaturtzʼët Jehová
«Jehová kan kiʼ rukʼuʼx rubʼanon rkʼë rutinamit» (Sl 149:4). Tapeʼ kʼo qa mak chqij, Jehová yë ri ütz nutzʼët chqij chqä yë ri nqkowin nqaʼän. Ye kʼa, kʼo mul rkʼë jbʼaʼ röj ma nqatzʼët ta qiʼ achiʼel nqrtzʼët Jehová. Rkʼë jbʼaʼ ri kinaʼoj nkiʼän ri nkʼaj chik qkʼë o ri mak xeqaʼän ojer nkiʼän chë nqanaʼ chë majun nqkʼatzin wä o chë ma taqäl ta chqij nqjowäx rma Jehová. We rït ke riʼ anaʼon, ¿achkë xkatoʼö?
Ma tamestaj ta chë Dios nkowin nutzʼët ri ma nkowin ta nutzʼët jun winäq (1Sa 16:7). Reʼ ntel chë tzij chë taq ryä nqrtzʼët, kʼo nutzʼët chqij ri nixta röj ma nqkowin ta nqatzʼët. Le Biblia nuʼij chqë achkë nutzʼët Jehová. We nanukʼuj kij jojun versículos chqä jojun ri xebʼanatäj ojer, xtqʼax más chawäch jaruʼ yerajoʼ Jehová ri rusamajelaʼ.
TAQ XATZʼËT YÄN RI VIDEO TAYAʼ CHWÄCH AWAN CHË JEHOVÁ XATURKÜY YÄN, KEʼAQʼALAJSAJ RE KʼUTUNÏK REʼ:
¿Achkë nukʼüt qa chqawäch ri tzʼetbʼäl chrij ri kʼajol ri nkʼaqö anin chqä rutataʼ chrij ri rubʼanik nqrtzʼët Jehová?
We kʼo jun xqä chpan jun mamaʼ mak ye kʼa xuʼän yän ri najowatäj rchë junan chik jmul nuʼän ruwäch rkʼë Jehová, ¿achkë xttoʼö rchë xtkowin xtyaʼ chwäch ran chë xkuy yän rma Dios? (1Jn 3:19, 20).
¿Achkë rubʼanik xtoʼ ri qachʼalal ri xskʼij chqä xchʼobʼon chrij ri xbʼanatäj rkʼë David chqä Jehosafat?