Informacion Para del Quien Atende

ATTENDANT Yan assign con el maga attendant para asisti con ustedes. Pabor coopera kanila y sigui enbuenamente diila direccion acerca na parking, onde entra o sale na facilidad del asemblea, reserva onde sinta y otro pa.

BAUTISMO Puera si ya indica, tiene silla ya reserva para na maga candidato de bautismo enfrente del stage. El maga candidato del bautismo debe sinta ya alla antes principia el talk de bautismo na Sabado aga. Cada uno debe lleva toalla y modesto camisa de bañada.

DONACION Tiene gasto para na silla, sound system, video equipment y otro pa maga servicio para puede kita beneficia na este asemblea y ayuda kanaton queda mas cerca con Jehova. El de ustedes voluntario donacion puede ayuda na maga gasto y suporta tambien na worldwide work. Tiene maga marcao cajon de contribucion na alrededor del facilidad. Pero si posible, pabor dona online por medio na donate.jw.org. Ta aprecia gayot con el todo maga donacion. Ta rindi gayot gracias el Cuerpo Gobernante na de ustedes material suporta para na bien del Reino.

FIRST AID Pabor acorda que para na emergencia lang este.

LOST AND FOUND El todo cosas que puede incuntra debe lleva na Lost and Found Department. Si tiene ustedes cosas que ya perde, anda na este departamento. Si tiene maga bata que ya separta na diila mayores y ya perde, debe lleva na este departamento. Pero, para evita que sucede se, pabor vicia con el de ustedes maga anak.

ONDE SINTA Pabor considera con el otro. Acorda que puede lang tu reserva onde sinta para na de tuyu familia y con aquellos junto contigo yan viaje na vehiculo, ta queda junto contigo na casa o de tuyu Bible study. Pabor no pone cosas na silla que nuay tu reserva.

VOLUNTEER SERVICE Si quierre tu man voluntario na trabajo que tiene que hace na asemblea, pabor anda na Information and Volunteer Service Department.