LECCION 10

Modulation

Proverbio 8:4, 7

SI COSA HACE: Claro habla con el maga idea y manda move con el sentido del quien ta oi contigo por medio de cambia-cambia si paquemodo de suena de tuyu voz, el tono y si paquemodo de paspas tu ta converza.

SI PAQUEMODO CON ESE HACE:

Cambia-cambia si paquemodo de suena de tuyu voz. Hace suena de tuyu voz para hace claro con el maga importante punto y manda move con aquellos quien ta oi para hace accion. Ansina tambien el cosa tu hace si ta le maga juzgamiento estaba na Biblia. Menora el voz para manda move con el maga ta atende que espera con el cosa tu sunod habla o para dale mira miedo o lingasa.

No pirmi hace suena con el de tuyu voz para gendeh sinti aquellos ta oi contigo que dol ta regaña tu kanila. Evita queda sobra de drama si ta converza para gendeh contigo guinda el atencion.
Cambia-cambia de tuyu tono. Si justo na de ustedes lengguaje, hace subi el tono del de tuyu voz para dale mira que con gana tu o para indica grandor o distancia. Hace bajo de tuyu tono para dale mira tristeza o lingasa.
Cambia-cambia si paquemodo de paspas tu ta converza. Paspas man cuento si ta dale tu mira que excited tu. Hinay-hinay converza si ta menciona tu maga importante punto.

Para evita espanta aquellos ta oi contigo, no bigla cambia si paquemodo de paspas tu ta converza. No man cuento bien paspas que gendeh ya contigo ta entende aquellos ta oi contigo.