SI TA PRINCIPIA MAN CUENTO
LECCION 5
Con Respeto
Principio: “Hace el de ustedes conversada alegre y interesante.”—Col. 4:6.
Si Cosa Ya Hace si Pablo
1. Mira con el VIDEO o le con el Maga Actividad 17:22, 23. Despues, considera con el siguiente pregunta:
Cosa ya sinti si Pablo cuando ya mira le con el maga falso practica na Atenas?—Mira con el Maga Actividad 17:16.
En vez de regaña con el maga de Atenas, paquemodo si Pablo con respeto ya usa con el diila maga creencia para predica con el buen noticia?
Cosa Kita Puede Aprende con Pablo?
2. Mas oi kanaton el maga gente si ta iscuji kita enbuenamente si cosa kita habla, si paquemodo kita con ese habla y si cuando kita habla con ese.
Imita con Pablo
3. Iscuji enbuenamente con el de tuyu maga palabra. Por ejemplo, si tan cuento tu con el un persona quien gendeh Cristiano, posible que necesita tu man adjust con el manera si paquemodo tu introduci con el Biblia o con Jesus.
4. No dayun corecta con el persona. Permiti con ele que habla si cosa le ta pensa y ta sinti. Si habla le un cosa que tan contra na maga enseñanza na Biblia, no purpia con ele. (Sant. 1:19) Si oi tu con ele, puede tu sabe si cosa le ta creé y si porque le ta creé con ese.—Prov. 20:5.
5. Si posible, man uyun con el cosa ya habla el persona y comenda con ele. Posible, ta creé gayot le que justo el de suyu creencia. Pricura man cuento acerca na un cosa que tan uyun ustedes dos. Despues, hinay-hinay con ele ayuda entende si cosa el Biblia ta enseña.