Ngu kuhi kudhunda ka Txizimu?

Txizimu txi navela ti to hi hanya ngu kudikha ni litsako ngu ha ku si gumiko ka mafu a paradhise!

Kambe awe u nga xamala, u txi khawe, ‘Ina toneto ti nga humelela?’ Bhiblia yi womba ti to Mfumo wa Txizimu wu na maha ti to toneto ti koteka ni ti to ngu dhunda ka Txizimu ti to vathu votshe ve gonda ngu Mfumo ni txikongomelo txa txona ngu ngathu.​—Masalmo 37:11, 29; Isaya 9:7.

Txizimu txi lava ti to hi vhuneka.

Ku fana ni ku tate wa mnene a lavako ati i ku ta tinene ka vanana vakwe, Tate wathu wa nzumani a tsakela ti to hi tidila ngu litsako lo mbi guma. (Isaya 48:17, 18) Ene a thembisile: “Awu a mahako kuranda ka Txizimu a na zumba ngu ha ku si gumiko.”​—1 Johani 2:17.

Txizimu txi navela ti to hi tsimbila ka tinzila ta txona.

Bhiblia yi womba ti to Mvangi wathu a lava “ku hi gondisa mayelano ni tinzila takwe” ti to “hi tsimbila ka tinzila takwe.” (Isaya 2:2, 3) Txona txi lulamisete “vathu vava va fanelako ditina da txona” ti to kudhunda ka txona ku ziwa hagari ka mafu.​—Mithumo 15:14.

Txizimu txi lava ti to hi txi khozela ngu nzila yimweyo.

Hahanze ko hambanisa vathu, wukhozeli wo basa wa Jehovha wu va tshanganisa ngu lirando lo tsana. (Johani 13:35) Mba mani ava nyamsi va gondisako vavamna ni vavasikati ka otshe makhalo nzila yo thumela Txizimu ngu wumwewo? Athu ha kuramba ti to u va ziva ngu kuthumisa dibroxura diya.