Txiwuletiso txa txienge 5

Ku di pindile mitxima yimbidi, msana ka kuva Vaisrayeli va di tshawunyetile Linene lo Bhilivila, vona va hokile ka Mmango wa Sinayi. Mbimo yi va nga hoka kheya, Jehovha a mahile navo txitumelelano ni ku a va gete ti to va ndi na va vathu vakwe vo sawuleka. Jehovha a vhikete Vaisrayeli ni ku va ninga sotshe asi va nga txi si lava, so fana ni mana i nga ti sakudya asi va nga txidya. A va ningile simaha, asi si nga si sakali, ni wukhalo wo vhikeleka kasiku ve zumba ka wona. Ngaku awe u di mveleki, vhuna mwanana wako kupfisisa ti to Jehovha a ningile Vaisrayeli Mlayo, ditenda do sawuleka ni vaprista. Mkombe ti to ngu kutxani i di ta lisima ku mbimo yotshe hi maha ati hi ti thembisako, hi simama hi ti veka hahatshi ni ku mbimo yotshe hi va vo thembeka ka Jehovha.