TITHOMBA TA MU KA DIPSWI DA TXIZIMU | VAGALATIYA 4-6
“Txidinganiso” txi womba txani kwathu
4:24-31
Mpostoli Paulo a thumisile “txidinganiso” ti to e kombisa nzila yi txitumelelano txa txiphya txi nga guleka ngu yona kupala txitumelelano txa Mlayo. Hahatshi ka Mfumo wa lirando wa Kristu ni valondeteli vakwe va i ku vasawuleki, votshe vathu vo lulama va ni themba yo ta khululwa ka txionho, kwa mbi hetiseka, kutisola ni ka lifo.—Isa 25:8, 9
HAGARI—WAMSIKATI WU I KU KHUMBI Israyeli wa nyama hahatshi ka txitumelelano txa Mlayo, awu mzinda wa kona i nga ti Jerusalema |
SARA WAMSIKATI WU A NGA KHULULEKA Jerusalema wa nzumani, txienge txa nzumani txa sengeletano ya Txizimu |
“VANANA” VA HAGARI Vajudha (va va nga ti thembisile kuengisa Mlayo wa Mosi) va nga lamba Jesu ni ku m’xanisa |
“VANANA” VA—SARA Jesu ni Makristu a 144.000 aya ma nga sawulwa ngu moya wo sawuleka |
WUKHUMBI KA TXITUMELELANO TXA MLAYO Mlayo wu ti alakanyisa Vaisrayeli va nyama ti to vona i ti tikhumbi ta txionho |
TXITUMELELANO TXA TXIPHYA TXA NINGA MKHULULEKO Kukombisa likholo ka digandelo da Kristu ka khulula ku lamulwa ngu Mlayo |