Maha gondo yako ya m’thu apune yi wuyelisa

NGU KUTXANI I DI TA LISIMA: Gondo ya Bhiblia ya m’thu apune yi nga hi vhuna kupfisisa “kuanama ni kulapha, kudemba ni kutshima ka ditshuri. (Vaef 3:18) Yona yi nga tshumela yi hi vhuna ti to hi simama hi si na txisolo na hi di basile ka mafu awa o biha, ni kusimama hi “humelelisa Dipswi da wutomi.” (Vaf 2:15, 16) Ka gondo ya m’thu apune hi nga kota ku tisawulela mhaka yi hi lavako ku yi ziva khakwati. Hi nga yi londolisa kutxani mbimo yi hi yi thumisako hi txi lera ni kugonda Bhiblia?

HI NGA YI MAHISA KUTXANI:

• Markara tindimana ni kubhaletela ati u ti gondako ka Bhiblia yako ya gondo, ku ngava ya maphepha mwendo ya eletrônico

• Mbimo yi u lerako Dipswi da Txizimu ti wotise tiya: ‘I mani a nga bhala? Ti womba-womba ngu txani? Ti bhatwe mbimo muni? A hani? Ngu kutxani ti di bhatwe? Ti bhalisilwe kutxani?’

• Maha wuxolisisi ti to u ziva to tala ngu ti u lerako. Thumisa sithumiswa si u ku naso so maha wuxolisisi wa mhaka yo kari mwendo ndimana ya Bhiblia

• Alakanyisisa ngu ti u nga ti lera ti to u wona ati ti thumako kwako

• Thumisa ati u nga ti gonda ka wutomi wako wa ditshiku ni ditshiku.—Luk 6:47, 48

XALELA VHIDHIYO AYI YI KU: VANA NI GONDO YA BHIBLIA YA M’THU APUNE YO TSHIMA, U GWITA U XAMULA SIWOTISO SI SI LONDISELAKO:

• Ngu tihi ati vamwani va ti wombako ngu gondo ya m’thu apune?

• Ngu kutxani hi di fanete kukhata ngu kumaha mkombelo hi si se khata gondo ya m’thu apune?

• Nji txani txi nga hi vhunako ti to hi pfisisa kwati mhaka yo kari ya mu ka Bhiblia?

• Ngu tihi ti hi fanelako ku ti bhala ka Bhibliya yathu ya gondo?

• Ngu kutxani kualakanyisisa i di ta lisima mbimo yi hi gondako Dipswi da Txizimu?

• Hi nga maha txani ngu ti hi nga ti gonda?