Ina u nga txhamusela ta likholo lako?

Ngako m’thu a txo kuwotisa ti to ngu kutxani u txi tumela ka ku tumbuluxwa ka silo, u nga khawe txani? Ti to u xamula ngu kutsaniseka, ku ni timhaka timbidi ati u nga mahako: Kukhata, ti lava awe u tsaniseka ti to silo si to vangwa ngu ditshuri. (Var 12:1, 2) U tshumela u alakanyisisa ngu ti to u nga li txhamuselisa kutxani likholo lako ka m’thu mmwani.—Mav 15:28.

XALELA VHIDHIYO AYI YI KU: DHOKODHELA WA TA MARABU A TXHAMUSELA NGU TA LIKHOLO LAKWE NI YI YI KU: MGONDI WA DIHANYO DA SIHARI A TXHAMUSELA NGU TA LIKHOLO LAKWE, TI TO U WONA ATI TI NGA MAHA VAMWANI VE KHOLWA KA KUTUMBULUXWA KA SILO, U GWITA U XAMULA SIWOTISO SI SI LONDISELAKO:

• 

  Ngu kutxani Irène Hof Laurenceau a di khotwe ka ku tumbuluxwa kupinda ka ku timhahekela ka silo?

• 

  Ngu kutxani Yaroslav Dovhanycha a di khotwe ka ku tumbuluxwa kupinda ka kutimhahekela ka silo?

• U nga mu txhamuselisa kutxani mmwani ngako a txo kuwotisa ti to ngu kutxani u txi kholwa ka ku tumbuluxwa ka silo?

• Ngu sihi sithumiswa sa sengeletano ya Jehovha asi si manekako ngu lidimi lako asi si nga kuvhunako ti to u tsaniseka ni kuvhuna vamwani ve kholwa ti to silo sotshe si vangilwe ngu Txizimu?