Ina wa wuyelwa ngu Kuxolisisa Mibhalo ditshiku ni ditshiku?

Ina sakudya sako sa moya si pata kulera ndimana ya ditshiku ni titxhamuselo ta Kuxolisisa Mibhalo ditshiku ni ditshiku? Ngako u si mahi toneto, ina u nga duketa ku ti maha? Vo tala va xolisisa m’bhalo wa ditshiku ni mixo. Kasi ku ve alakanyisisa ngu ti va nga ti gonda dotshe ditshiku. (Jox 1:8; Mas 119:97) U nga maha txani ti to u wuyelwa ngu kuxolisisa m’bhalo wa ditshiku? Lera tindima timwani ti ku ni didungula donedo kasi ku u mana ta tingi. Pimisa ngu didungula da mu ka Bhiblia adi di nga kuvhunako kuwona mathumiselo a ditshina da mlayo a di di nga junyatiswa ka m’bhalo wonewo. Se u gwita u zama ku wu thumisa ka wutomi wako. Ngako Bhiblia yi txi gwesa sisungo sako, yi na kukongomisa ka wutomi ni ku kuvhuna.—Mas 119:105.

Timwaya ta Bhetele ha mafuni kotshe ti gonda Kuxolisisa Mibhalo ditshiku ni ditshiku ni mixo. Ka malembe a ngweno miwombawombo yimwani ya maneka ka JW Broadcasting^® ka txienge txi txi ku: PROGRAMAS E EVENTOS. Ina u khala kuxalela yimweyo mwendo yimwani ka yona? Ti nga maha miwombawombo yimwani yi txi bhula ngu mhaka yi u yi lavako. Ngu txikombiso, txisungo txi Loti a nga maha txi nga kuvhunisa kutxani ko maha sisungo?

XALELA VHIDHIYO YI YI KU: MI NGA RANDENI DITIKO (1 JOH 2:15), U GWITA U XAMULA SIWOTISO SI SI LONDISELAKO:

• Ngu dihi ditshina da mlayo a di di nga ñola msungo mhaka wa Wukhozeli wuwa wa ni Mixo?

• Ngu tihi ti hi nga ti gondako ka Loti mayelano ni kuranda ditiko ni si si ku ha ditikoni?—Gen 13:12; 14:12; 19:3, 12, 13, 24-26

• Hi ti kombisisa kutxani ti to hi randa Jehovha i si nga ditiko ni si si ku ha ditikoni?