Hi nga gonda txani ka Makristu ya ma ku ni malembe o tala ma txi thumela Jehovha?

Ka mabanza athu ku ni vanathu va i ku kale va txi thumela Jehovha. Hi nga gonda nzila yi va nga themba ngu yona Jehovha. Hi nga va wotisa mayelano ni matimu a sengeletano ya Jehovha ni sikarato si va nga tshangana naso ni nzila yi va nga si xula ngu yona ngu kuvhunwa ngu Jehovha. Kutilava u nga bhula ni mmweyo wawe ka Wukhozeli wa mwaya.

Ngako u di ni malembe o tala u txi thumela Jehovha, ti pfi u di txhatxhekile kubhulela vaphya nzila yi Jehovha a nga kuvhuna ngu yona. Jakobe ni Josefa va bhulete vaphya va mwayani kwawe ati Jehovha a nga ti va mahete. (Gen 48:21, 22; 50:24, 25) Jehovha a emela ti to misungo ya timwaya yi gondisa vanana mayelano ni mithumo yakwe ya hombe. (Dhet 4:9, 10; Mas 78:4-7) Ka masiku athu, vaveleki ni vamwani dibanzani va nga bhulela vaphya mayelano ni ti ti nga va humelela ni timhaka to xamatisa ati Jehovha a nga ti hetisisa ngu kuthumisa sengeletano yakwe.

XALELA VHIDHIYO YI YI KU: XAYISA WUMWEWO U DI HA KA SIKARATO, U GWITA U XAMULA SIWOTISO SI SI LONDISELAKO:

• Didhavi da khe Áustria di va vhunisile kutxani vanathu va matiko mamwani amu mthumo wathu wu nga ti tsimbiswa?

• Vanathu va matiko ale va tsanisile ngu nzila yihi likholo lawe?

• Vahuweleli vamwani va khe Romênia va hambanisile kutxani ni sengeletano ya Jehovha, ni ku va tshumelisile kutxani ve wuya?

• Sikombiso siya si li tsanisa ngu nzila yihi likholo lako?