Tiwonele ka vanyamanzenze

Nyamsi wa ditshiku timhaka ti nga hangalaka ngu txikuluveta ka timiliyoni ta vathu ngu kuthumisa kubhala ka maphepha, radhiyo, TV ni internet. Ava va khozelako “Txizimu txo thembeka,” kha va ti lavi kuhangalasa makuho, hambi ngu phazamo. (Mas 31:5; Eks 23:1) Kuhangalasela makuhu ti nga va ni phango ya hombe ka vamwani. U txi zama kuziva ti to mhaka yo kari ditshuri mwendo makuhu tiwotisi tiya:

• ‘Ina ava va nga womba va thembeka?’ Awu a nga womba tona ti nga maha a si zivi dotshe ditshuri ngu mhaka ya kona. Ngako m’thu a txi womba to maha ati a nga tipfa ni mmwani, a nge sikoti kuwomba ngati a nga ti pfisa tona. Ngu toneto tiwonele ngako u si tizivi ti to mhaka ya kona yi khatete ka mani. Ava va ku ni wutixamuleli dibanzani va thembwa ngutu ti to va nge wombi makuhu, se ti lava ve ti wonela kubhula ngu mhaka yi va si yi ziviko kwati

• ‘Ina ati ti wombwako hi nga makuhu?’ Ngako mhaka ya kona yi txi womba-womba kubiha ngu vamwani, i tshuku hi malala nayo.—Mav 18:8; Vaf 4:8

• ‘Ina mhaka ya kona ya pfisiseka?’ Tiwonele u txi pfa timhaka ta mavali-vali to mbi na msungo

XALELA VHIDHIYO YI YI KU KHENE NI NGA MA LEKISA KUTXANI MANZENZE? U GWITA U XAMULA SIWOTISO SIYA:

• 

  Ngu kuya ngu Mavingu 12:18, ngu yahi mapswi aya ma ku ni phango?

• 

  Vafilipiya 2:4 yi nga hi vhunisa kutxani kusawula ati hi ti wombako ngu vamwani?

• 

  Hi fanete hi maha txani ngako vamwani va txi womba-womba kubiha ngu vamwani?

• 

  Na hi si se khata kubhula ngu vamwani, hi fanete ku tiwotisa txani?