Vhikela wukati wako

Jehovha a teka txixambanyo txa wukati i di txa lisima ngutu. Ene a di khene: wamwamna ni wamsikati va fanete ku zumba votshe ve va nyama yimweyo. (Mat 19:5, 6) Hagari ka vathu va Txizimu ku ni timwaya ta tingi i ku sikombiso sa sinene. Hambiketo kha ku nga ni wukati wo hetiseka. Ka va ni sikarato. Hi fanete kuvayilela mawonelo ya ma nga toloveleka a ti to kuhambana mwendo kudaya wukati ngu yona nzila yo txhatxha sikarato ha mwayani. Makristu ya ma nga txhadha ma nga wu vhikelisa kutxani wukati wa ona?

He woni 5 wa tinzila ta lisima:

1. Veketa mbilu yako ngu kuvayilela kusakana ngu kusihana, misakano yo biha ayi yi nga dayako wukati wako.—Mat 5:28; 2 Ped 2:14.

2. Tsanisa wungana wako ni Jehovha ni kukulisa minavelo yako yo lava ku mtsakisa ka wukati wako. —Mas 97:10.

3. Simama u ambala m’thu wamphya ni kukombisa simaho sa wunene asi si no maha ti to wukati wako wu tsakisa.—Vakl 3:8-10, 12-14.

4. Kombisa txixonipho ni kuva ni mawomba-wombelo a manene.—Vakl 4:6.

5. Vatekani va fanete kuningana asi i ku sa fanelo ngu lirando.—1 Vak 7:3, 4; 10:24.

Ngako Makristu ma txi xonipha wukati, ma xonipha mvangi wa wona i ku Jehovha.

XALELA VIDHIYO YI YI KU: “HE TUTUMENI NGU KUTIMISELA”—ENGISA SILELETO SA MAPALISANA, U GWITA U XAMULA SIWOTISO SIYA:

• 

  Hambiku wukati wu nga vako ni makhato a manene, ngu sihi sikarato si si nga thukako si humelela?

• 

  Matshina a milayo ya Bhiblia ma nga yi vhunisa kutxani mipatwa ayi yi tipfako nga lirando la yona liya li hola?

• 

  Ngu yihi milayo yi Jehovha a nga yi veka ka vatekani?

• Ti to ti tsimbila kwati ha mwayani, ngu tihi ti vatekani va fanelako ku ti maha?