MAHANYELO A WUKRISTU

Mitshangano ya hombe ya dilembe ni dilembe—Mikhanjo yo kombisa lirando

Vanathu vo ta ngu ka matiko o hambana-hambana va midhawuko yo hambana-hambana va di emite kumweko ti to ve thavisa mifota va di ka Mitshangano ya hombe.

Ngu txani hi txi yi tsakela ngutu mitshangano yathu? Kufana ni Vaisrayeli mitshangano yathu yi hi ninga mkhanjo wo khozela Jehovha kumweko va mazana-zana mwendo magidhi-gidhi a vanathu. Ha si tsakela sakudya sa moya asi hi si manako ka mitshangano yoneyo. Ni ku nda tinene kuva kumweko ni maxaka ni vangana vathu ka mitshangano yoneyo.Ti to hi kombisa to ha ninga lisima ningo yiya ya Jehovha hi maha totshe ati hi nga ti kotako ti to hi maneka ka masiku otshe a mararu.

Mbimo yi tshanganako ni vanathu hi fanete hi va kombisa lirando i singa kukhatala ngu tathu dwe. (Vag 6:10; Vaheb 10:24, 25) Hi nava hi txi kombisa lirando ngako hi txi tulela ditimba vanathu mwendo kuveka wukhalo wu wu dinganako siro sa mwaya wathu dwe. (Vaf 2:3, 4) Mitshangano yi hi ninga mkhanjo wo maha vangana va vaphya. Yi si se khata mitshangano mwendo ngu mbimo yo susula, hi nga tiha mbimo yo bhula ni vanathu va hi si va ziviko. (2 Vak 6:13) Wungana wonewo wu nga kula! I singeto dwe, mbimo yi vathu va wonako nzila yi hi kombisanako lirando ngu yona, ti nga maha ni vona ve lava kugonda ngu Jehovha.—Joh 13:35.

XALELA VHIDHIYO AYI YI KU: “LIRANDO KHA LI NA MBI VA NI MAGWITO”! MITSHANGANO YA HOMBE, U GWITA U XAMULA SIWOTISO SIYA:

Vanathu va li kombisisile kutxani lirando ka vanathu vo ta ngu matiko mamwani ka mitshangano ya hombe ya 2019?
Ngu kutxani lirando ni wumwewo wu ku hagari ka vathu va Jehovha si txi xamatisa?
Ngu tihi ti siro sa Mmidi wu wu Fumako si nga ti womba ngu lirando li li ku ni Makristu?
Awe u nga li kombisisa kutxani lirando ka mitshangano ya hombe?

Lirando li vhunisile kutxani vanathu va Alemanha ni Korea wa wulambwe ti to ve va ni wumwewo?
Hi fanete hi tiemisela kumaha txani?