“Mi nga vileleni”

Jehovha a txi vhuna vathu va i ngadi sisiwana ka ditiko da Israyeli. Nyamsi Jehovha a ma vhunisa kutxani malanda akwe aya i ku sisiwana?

• Jehovha wa hi vhuna ti to hi ziva kudinganisela ka timhaka ta male.—Luk 12:15; 1 Tim 6:6-8

• Jehovha wa hi vhuna ti to hi si tipfi hi si nga va txilo.—Job 34:19

• Ene wa hi gondisa ti to hi va vathumi vo hiseka ni ku hi vayilela mikhuva yo biha.—Mav 14:23; 20:1; 2 Vak 7:1

• Ene a hi ningile mwaya wa moya awu wu kombisako lirando la ditshuri.—Joh 13:35; 1 Joh 3:17, 18

• Ene wa hi ninga themba.—Mas 9:18; Isa 65:21-23

Hambi mbimo yimwani txiemo txathu txi txi woneka nga txa godholisa, kha ha fanela kukarateka. (Isa 30:15) Nguko Jehovha a na khatalela silaveko sathu sa nyama ngako hi txi thangetisa Mfumo wakwe.—Mat 6:31-33.

XALELA VHIDHIYO YI YI KU LIRANDO KHA LI NA MBI VA NI MAGWITO TI SI NGA NI MHAKA . . . WUSIWANA—CONGO, U GWITA U XAMULA SIWOTISO SIYA:

• 

  Vanathu va va zumbako hafuhi ni ha kuñolwako kona mtshangano wa m’ganga va va amukete ngu nzila yihi vanathu ava va nga txi ta ve ta xalela mtshangano?

• 

  Vhidhiyo yiya yi hi gondisa txani mayelano ni lirando li Jehovha a ku nalo ngu sisiwana?

• 

  Hi nga mu etetelisa kutxani Jehovha ti si nga ni mhaka ni ti to hi naso mwendo kha hi nga naso ngu didhawa da nyama?