Tinzila tiraru to lava txivhuno txa Jehovha

Dhavhidha a xute Goliya nguko a nga txi themba Jehovha. (1 Sam 17:45) Jehovha wa tilava ku kombisa mtamo wakwe ka otshe malanda akwe. (2 Mak 16:9) Hi nga thembisa kutxani txivhuno txa Jehovha i singa wusikoti wathu? Wona tinzila tiraru:

• Maha mkombelo mbimo yotshe. Kombela i singa ngu ku lava ku divalelwa sionho dwe, kambe ni ku kombela mtamo kasi ku vayilela txionho. (Mat 6:12, 13) Hahanze ko kombelela makatekwa ka sisungo sathu, hi nga kombela Jehovha ti to e hi ninga mkongomiso ni wutxhari hi si se maha sisungo.—Jak 1:5

• Vana ni txiemiso txo lera ni kugonda Bhiblia. Lera Bhiblia otshe masiku. (Mas 1:2) Alakanyisisa ngu sikombiso sa mu ka Bhiblia u tshumela u thumisa a ti u nga ti gonda. (Jak 1:23-25) Hahanze ko themba wusikoti waku tihe mbimo yo ti lulamisela to u ya kutxhumayelani. Ngako u txi lulamisela kwati mitshangano, awe u na wuyelwa kwati ka yona

• Londisela sileletelo sa sengeleteno ya Jehovha. Tiemisele ku amukela sileletelo sa sengeletano u tshumela u si londisela kwati. (Mit 9:17) Engisa madhota mbimo yi va ku ningako sileletelo ni txivhuno.—Vaheb 13:17

XALELA VHIDHIYO YI YI KU MI NGA THAVI KUXANISWA, U GWITA U XAMULA SIWOTISO SIYA:

• Ngu kuhi kuthava ku va nga di nako vanathu va hi nga va wona ka vhidhiyo?

• Nji txani txi txi nga va vhuna ti to ve lwisana ni kuthava koneko?