Simama u bhasopisa minavelo yako

Akuwa hi nga mbi hetiseka ti lava hi simama hi lwa ni minavelo yathu. Hi txi tumelela minavelo yathu yi hi fuma hi nga luza wuxaka wathu ni Jehovha. Ngu txikombiso, vamwani va tumelela ti to sakudya, siyambalo ni wukhalo wo zumba ka wona si tsulupetela lirando lawe ngu Jehovha. Vamwani va tsakisa minavelo yawe ngu ti mhaka ta mataho ve leka ku kongomiswa ngu milayo ya Txizimu. (Var 1:26, 27) Se vamwani va maha timhaka to biha ngu ku lava ku amukeleka ka vangana vawe.—Eks 23:2.

Hi nga maha txani ti to hi si xulwe ngu minavelo yathu? Ti lava hi maha totshe ti hi nga ti kotako kasi ku hi pimisa ngu timhaka ta moya. (Mat 4:4) Ku engetela keto ti lava hi simama hi kombela Jehovha ti to e hi vhuna ku xula minavelo yathu. Ngu kutxani? Ngu ku ngene a ti zivako a ti i ku tatinene kwathu ni ku a nga hetisisa minavelo yathu.—Mas 145:16.

XALELA VHIDHIYO YI YI KU U NGA TUMELELE TI TO KUDHAHA KU ONHA WUTOMI WAKO, U GWITA U XAMULA SIWOTISO SIYA:

• 

  Ngu kutxani vathu vamwani va txi dhaha?

• 

  Masigari ma nga ku maha txani?

• 

  Ngu kutxani ti di bihile kudhaha?—2 Vak 7:1

• 

  Unga lambisa kutxani kudhaha mwendo ku leka masigari?