19-25 KA FEVEREIRO

MASALMO 8-10

Ndando 2 ni mkombelo | Mapswi o khata (1 men.)

TITHOMBA TA MU KA DIPSWI DA TXIZIMU

1. “Ani ni lava ku kudhumisa, MKOMA”!

(10 men.)

Jehovha mnene ngutu kwathu (Mas 8:3-6; w21.08 3 ¶6)

Ha tsaka ngu ku gela vamwani mayelano ni mithumo ya Jehovha yo xamalisa (Mas 9:1; w20.05 23 ¶10)

Hi tshumela hi m’dhumisa mbimo yi hi embelelako tindando ngu mbilu yotshe (Mas 9:2; w22.04 7 ¶13)

Collage: Tinzila ati hi nga dhumisako ngu tona Jehovha. 1. Mwanathu wa txisikati wo kula ngu tanga a txhumayela awu a mu khatalelako. 2. Vanathu va embelela va di mitshanganoni. 3. Txifanyana txi gula diwoko kasi ku txi xamula ka mbimo ya mitshanganoni 4. Mwanathu wa jovhem wa txiwamna a vhuneta ku basisa Nyumba ya Mfumo. 5. Mwanathu wa Jovhem wa txisikati a txhumayela Kolega wa txikolwani.

TIWOTISE TIYA, ‘Ngu tihi timwani ti nzila ati ni nga dhumisako ngu tona Jehovha?’

2. Tithomba ta moya

(10 men.)

Mas 8:3—Mbhali wa masalmo a txi lava kuwomba txani mbimo yi a nga womba-womba ngu manza a Txizimu? (it-1 832)

Xamulo
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?

Xamulo

3. Kulera ka Bhiblia

(4 men.) Mas 10:1-18 (th gondo 11)

TI TOLOVETE KA MTHUMO WO TXHUMAYELA

4. Kukhata Mabhulo

(3 men.) NGU MTI NI MTI. Nyamne wa mti a kugela to kha kholwi ka Txizimu. (lmd gondo 5 pontu 4)

5. Simama ni Mabhulo

(4 men.) KUTXHUMAYELA NGU TXITSHUKETI. Ka mabhulo aya ma nga pinda, awu u bhulako nayo a ku gete ti to kha kholwi ka Txizimu, kambe a tiemisete kuxolisisa sivangelo si si kombisako ti to ku ni Mvangi. (th gondo 7)

6. Dhixkursu

(5 men.) w21.06 6-7 ¶15-18—Msungo mhaka: Vhuna sigondiana sako sa Bhiblia kasi ku si dhumisa Jehovha. (th gondo 10)

MAHANYELO A WUKRISTU

Ndando 10

7. U nga txhumayelisa kutxani ngu txitshuketi ngu nzila yo hehuka

(10 men.) Mabhulo.

Nzila yimwani yo dhumisa Jehovha ngu txhumayela vathu va hi va manako hi txi maha mithumo yathu ya ditshiku ni ditshiku. (Mas 35:28) Makhatoni, hi nga tipfa ti txi hi karatela kutxhumayela ngu txitshuketi. Hambiketo, ngako hi txi gondela kukhata ni ku simamisa mabhulo ngu nzila yo hehuka, hi nga humelela ni ku hi nga ti tsakela!

Vhidhiyo yi yi ku “Zumba u di tiemisete kasi kuya ‘txhumayela Evhangeli ya kudikha’—⁠Khata mabhulo.” Mwanathu wa txisikati a khata mabhulo ni wamsikati a nga khalahatsha hamezani didhawani kwakwe Restaurante .

Txhaya VHIDHIYO ayi yi ku Zumba u di tiemisete kasi kuya “txhumayela Evhangeli ya kudikha”—Khata mabhulo. U gwita u wotisa vaengiseli:

Ngu tihi ti u nga ti gonda ka vhidhiyo ti nga kuvhunako ku u humelela ko txhumayela ngu txitshuketi?

Xamulo

Ti pontu ati ti nga kuvhunako ku u khata mabhulo:

Wona mikhanjo yi yi kuho yo khata mabhulo mbimo yi u khukhako mtini. Maha mkombelo mayelano ni toneto ni ku kombela Jehovha ku a ku kongomisa ka vathu va timbilu ta tinene
Vana ni txingana ni kukombisa kukhatala ngu vathu va u va zivako. Zama kugonda ngu to kari mayelano ni ti m’thu a ti dhundako ati ti nga mvhunako kutsakela ditshuri da mu ka Bhiblia
Zama kumana mkhanjo wo mi ni nga na ti numero ta ma telefone, ngako ti txi koteka
U nga godholi ngako dibhulo di txi guma na u si se ku txhumayela
Msana ka mabhulo alakanyisisa ngu m’thu eneyo. Simama u kombisa txingana, u m’posela m’bhalo wo kari wa Bhiblia mwendo u m’posela link ya msungo mhaka wo kari wa jw.org

Zama tiya: Ngako m’thu a txo kuwotisa atxi, ‘kutsimbite njani kuguma ka divhiki?,’ m’gele ngu to kari a ti u nga tigonda mitshanganoni mwendo to kari ati u nga ti maha u di kutxhumayelani.