2-8 KA SETEMBRO

MASALMO 79-81

Ndando 29 ni mkombelo | Mapswi o khata (1 men.)

TITHOMBA TA MU KA DIPSWI DA TXIZIMU

1. Kombisa lirando ngu ditina do guleka da Jehovha

(10 men.)

U nga mahi ati ti nga nyetisako ditina da Jehovha (Mas 79:9; w17.02 9 ¶5)

Dhumisa ditina da Jehovha (Mas 80:18; ijwbv 3 ¶4-5)

Jehovha wa katekisa avale va kombisako lirando ngu ditina dakwe ngu ku m’engisa (Mas 81:13, 16)

Mwanathu a ningela dikartawu da jw.org ka kolega wakwe wa mthumoni. — Kasi ku mahanyelo athu me sawulekisa ditina da Jehovha, hi fanete kuhanya ngu nzila yi yi kombisako ti to hi Tifakazi takwe

2. Tithomba ta moya

(10 men.)

Mas 80:1—Ngu kutxani ditina da Josefa makhambi mamwani di nga txi thumiswa kasi kudhana totshe tihunzu ta Israyeli? (it-2 111)

Xamulo
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?

Xamulo

3. Kulera ka Bhiblia

(4 men.) Mas 79:1–80:7 (th gondo 10)

TI TOLOVETE KA MTHUMO WO TXHUMAYELA

4. Kukhata mabhulo

(1 men.) NGU MTI NI MTI. Ningela gondo ya Bhiblia. (lmd gondo 4 pontu 4)

5. Kukhata mabhulo

(3 men.) KUTXHUMAYELA NGU TXITSHUKETI. Ningela gondo ya Bhiblia. (lmd gondo 4 pontu 3)

6. Kukhata mabhulo

(2 men.) KUTXHUMAYELA HAKUBASANI. Ningela gondo ya Bhiblia. (lmd gondo 3 pontu 3)

7. Simama ni mabhulo

(5 men.) NGU MTI NI MTI. Ningela gondo ya Bhiblia ka m’thu awu a nga nga lamba kale. (lmd gondo 8 pontu 3)

MAHANYELO A WUKRISTU

Ndando 10

8. “Va na sawulekisa ditina dangu”

(15 men.) Mabhulo.

Sathani a khatile kunyetisela ditina da Jehovha ka Jaradhi ya Edheni. Kukhukhela koneho, txisungo txa lisima ngutu atxi vathu ni tingelozi va fanelako ku txi maha ngu sawula ti to va na sawulekisa ditina da Jehovha mwendo ahim-him.

Wona makuhu o kari o thisa aya Sathani a nga ma womba mayelano ni Jehovha. Ene a lumbeta Jehovha to Mkoma wo biha ni wo mbi na lirando. (Gen 3:1-6; Job 4:18, 19) Ene a womba ti to vakhozeli va Jehovha kha va ngo m’randa ngu ditshuri. (Job 2:4, 5) Ene a tshumete e timeta timiliyoni ta vathu ti kholwa ti to Jehovha hi ngene m’vangi wa sotshe asi si ku hamafuni.—Var 1:20, 21.

Makuhu oneyo ma kumaha u tipfisa kutxani? Ti nga maha, me kumaha u lava kuemela ditina da Jehovha! Jehovha atxi tiziva ti to vathu vakwe va ndi na ti lava ku m’vhuna kusawulekisa ditina dakwe. (Fananisa ni Isaya 29:23.) Awe u nga m’vhunisa kutxani?

Vhuna vathu vamwani ve ziva ni kuranda Jehovha. (Joh 17:25, 26) Zumba u di lungekile kasi kuningela sitsanisekiso sa ti to Jehovha waho ngu ditshuri ni kugondisa vamwani ngu tifanelo takwe to xamalisa.—Isa 63:7
Randa Jehovha ngu mbilu yako yotshe. (Mat 22:37, 38) Engisa milayo ya Jehovha i singa ngu ku i ku ya yinene kwako basi kambe nguku u lavako kutsakisa Jehovha.—Mav 27:11

Mifota: Ati ti mahekako ka vhidhiyo ayi yi ku “Lirando kha li na mbi va ni magwito ku si nga ni mhaka ni . . . Vakolega ava va si xoniphiko Txizimu.” 1. Ariel a khalahatshile ka mesa yakwe mbimo yi kolega wakwe a mxungametako e wotisa ti yo ngu kutxani a si losi bhandera. 2. Ene a thumisa gondo 61 ya dibhuku adi di ku “Leswi U Nga Swi Dyondzaka eBibeleni” kasi kumaha gondo ya m’thu apune. 3. Se a masoni ka turma yakwe a txi ningela wufakazi. 4. Diego a amukela fola ayi a ningwako ngu kolega wakwe . 5. A thumisa tablet kasi kumaha wuxolisisi. 6. A huma txikolwani kwakwe a di tsakile.

Txhaya VHIDHIYO Lirando kha li na mbi va ni magwito ku si nga ni mhaka ni . . . Vakolega ava va si xoniphiko Txizimu. U gwita u wotisa tiya:

Ariel ni Diego va di lwete ngu nzila muni ditina da Jehovha?

Xamulo
Nji txani txi nga va kuzeta kulwela ditina da Jehovha?

Xamulo
U nga txi etetelisa kutxani txikombiso txawe?

Xamulo

9. Gondo ya Bhiblia ya dibanza

(30 men.) w20.03 gondo 1 ¶7-13