18-24 KA NOVEMBRO

MASALMO 107-108

Ndando 7 ni mkombelo | Mapswi o khata (1 men.)

TITHOMBA TA MU KA DIPSWI DA TXIZIMU

1. “Bongani MKOMA, nguko ene mnene”

(10 men.)

Kufana ni ku Jehovha a nga khulula Vaisrayeli ka Bhabhilona, Jehovha a hi khulute ka mafu a Sathani (Mas 107:1, 2; Vakl 1:13, 14)

Kubonga kwathu Jehovha ti hi susumetela ku hi mdhumisa dibanzani (Mas 107:31, 32; w07 15/4 20 ¶2)

Hi nga sakulela mbilu yo bonga ngako hi txi wonisisa khakwati mithumo ya lirando ya Jehovha (Mas 107:43; w15 15/1 9 ¶4)

Mifota: Tinzila ati hi nga dhumisako ngu tona Jehovha. 1. Vanathu va txi embelela ka mtshangano wa dibanza. 2. Mwanathu wa txiwamna atxi ningela xamulo adi mitshanganoni. 3. Vanathu vambidi va di txisikati va di ka mthumo wo txhumayela ngu m’ti ni m’ti.

2. Tithomba ta moya

(10 men.)

Mas 108:9—Kufananiswa ka Mowabhi ni “mkamba” wu Txizimu txi “sambelako ka wona,” ti ngava ti txi txhamusela txani? (it-2 420 ¶4)

Xamulo
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?

Xamulo

3. Kulera ka Bhiblia

(4 men.) Mas 107:1-28 (th gondo 5)

TI TOLOVETE KA MTHUMO WO TXHUMAYELA

4. Kukhata mabhulo

(3 men.) KUTXHUMAYELA NGU TXITSHUKETI. (lmd gondo 1 pontu 4)

5. Simama ni mabhulo

(4 men.) KUTXHUMAYELA NGU TXITSHUKETI. M’txhamusele txiemiso txa gondo yathu ya Bhiblia u tshumela u mninga dikartawu da txiemiso txa gondo. (lmd gondo 9 pontu 3)

6. Dhixkursu

(5 men.) ijwyp 90—Msungo mhaka: Ni nga vayilelisa kutxani kutipfa ni singa wa txilo? (th gondo 14)

MAHANYELO A WUKRISTU

Ndando 46

7. He bongeni Jehovha ngu kuembelela

(15 men.) Mabhulo.

Msana ko Jehovha adi khulute Vaisrayeli ava va nga di dhukile masoni ka masotxhwa a mtamo a Egipta ka Linene lo Bhilivila, vona va khatile kuembelela ngu kubonga. (Eks 15:1-19) Ndando yiya ya yiphya yi txi thangelwa ngu vavamna. (Eks 15:21) Jesu ni Makristu o khata ni vona va txi embelela tindando to dhumisa Txizimu. (Mat 26:30; Vakl 3:16) Ha simama hi bonga Jehovha ngu kuembelela mitshanganoni, ka masembleya ni ka makongresu. Ngu txikombiso ndando yi hi gwitako kuembelela yo “Ha bonga Jehovha,” yi embelelwa mitshanganoni kwathu kukhukhela ngu 1966.

Ka mamwani makhalo vavamna va ngava ni tingana to embelela amu ku nga tala vathu. Vamwani va nga thuka ve leka kuembelela ngu ku ve tipfa va singa ni dipswi do tshura ko embelela. Ngu toneto hi fanete hi khumbula ti to kuembelela ka mitshangano yathu ti maha txienge txa wukhozeli wathu. Sengeletano ya Jehovha ya tikarata ngutu kululamisela tindando ti ti nga tshanganiselwa kwati ni kusawula ti ti fanelako kuembelelwa ka mtshangano wumwani ni wumwani. Hi ni txienge txo hehuka i ku kutshanganisa mapswi athu kasiku hi kombisa lirando lathu ni kubonga ka Tate wathu wa nzumani.

Txhaya VHIDHIYO Matimu a Tifakazi ta Jehovha—Txihiwa txa ndando, Txienge txa wumbidi. U gwita u wotisa tiya: