13-19 KA OUTUBRO
EKLEZIYASTE 7-8
Ndando 39 ni mkombelo | Mapswi o khata (1 men.)
1. Thavelela va va nga felwa
(10 men.)
Tihe mbimo yo thavelela va va nga felwa (Ekl 7:2; it “Kudila” ¶9)
Thavelela m’thu nguku mkhumbutisa tifanelo ta tinene ta wu a nga fa (Ekl 7:1; w19.06 23 ¶15)
Maha mkombelo ni wule a nga felwa (w17.07 16 ¶16)
KHUMBULA TIYA: Ngu mtolovelo, m’thu wu a nga felwa wa simama e lava txivhuno txa vanathu hambi ku di pindile mbimo yo kari.—w17.07 16 ¶17-19.
2. Tithomba ta moya
(10 men.)
Ekl 7:20-22—Tindimana tiya ti nga hi vhunisa kutxani kumaha txisungo txo hi ya womba-womba ni m’thu wu a nga hi henyisa mwendo hi ti leka ti pinda? (w23.03 31 ¶18)
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Ekl 8:1-13 (th gondo 10)
4. Kukhata mabhulo
(2 men.) KUTXHUMAYELA HAKUBASANI. Zama kutumbula mhaka ayi yi tsakisako m’thu wu u bhulako nayo mi tshumela mi langana ditshiku adi mi no ta ya masoni ni mabhulo anu. (lmd gondo 2 pontu 4)
5. Kukhata mabhulo
(2 men.) KUTXHUMAYELA NGU TXITSHUKETI. (lmd gondo 2 pontu 3)
6. Simama ni mabhulo
(2 men.) NGU MTI NI MTI. Komba m’thu mhaka yo kari ka site ya jw.org. (lmd gondo 9 pontu 4)
7. Txhamusela ati u ti kholwako
(5 men.) Mkombiso. ijwfq gondo 50—Msungo mhaka: Tifakazi ta Jehovha ti wu mahisa kutxani mthumo wo tshotsha va kufa? (th gondo 17)
Ndando 151
8. Tsanisa likholo lako ka themba ya kuwuswa ka va kufa
(15 men.) Mabhulo.
Themba ya kuwuswa ka va kufa i ningo ya lisima ayi yi tako ngu ka Jehovha. Yona yi hi gondisa tifanelo ta Jehovha to fana ni tiya: mtamo wakwe, wutxhari, wuxinji ni lirando li a ku nalo ngu ngathu.—Joh 3:16.
Athu hi nga sikota kutsanisela sikarato si hi tshanganako naso ngako hi di ni likholo lo tsana ka themba ya kuwuswa ka va kufa. (2Vak 4:16-18) Hi nga tshumela hi pfa kurula ni ku thaveleleka ngako hi txi wonisana ni kuxaniswa, malwati mwendo kufelwa ngu wu hi m’dhundako. (1Vat 4:13) Phela kha hi nge sikoti kuva ni litsako la ditshuri ngako hi si nga ni likholo lo tsana ka themba yiya ya kuwuswa ka vakufa. (1Vak 15:19) Tivekele makungu o tsanisa likholo lako ka themba ya kuwuswa ka vakufa.
Lera Johani 11:21-24. U gwita u wotisa tiya:
Marta ati kombisisile kutxani ti to ati ni likholo lo tsana ka themba ya kuwuswa ka vakufa?
Ngu yahi makatekwa aya a nga ma mana ngu kuva ni likholo lo tsana?—Joh 11:38-44
Txhaya VHIDHIYO Etetela vavasikati va likholo lo tsana!—Marta. U gwita u wotisa tiya:
Ngu kutxani themba ya kuwuswa ka vafi i di ya lisima kwako?
U nga maha txani ti to u va ni likholo lo tsana ka themba ya kuwuswa ka va kufa?