Vathu va va nga vitwa ngu didhawa da moya va maha sisungo sa wutxhari

Lera Genesisi 25:29-34 kasi kuziva ti to Esawu ni Jakobe va mahile sisungo sa wutxhari.

Gonda to engetela ka didungula donedo. Nji txani txi nga maheka makhatoni? (Gen. 25: 20-28) Nji txani atxi txi nga maheka ngu msana?—Gen. 27:1-46.

Maha wuxolisisi ngu totshe ati ti patekako. Ka mbimo yile i ti yahi malungelo ni wutixamuleli awu mwanana wa matiwula a nga ti nawo? Gen. 18:18, 19; w10 1/5 13.

• Ina wamwamna ti txi lava e va matiwula kasi ku e va kokwani wa Mesiya? (w18.02 31)

Alakanyisisa ngu ti u nga ti gonda, ni ti to u nga ti thumisa ngu nzila muni ka wutomi wako. Ngu kutxani lungelo yo va matiwula i nga ti ya lisima ngutu ka Jakobe kupinda ka Esawu? (Vaheb. 12:16, 17; w03 15/10 28-29) Nji txani atxi Jehovha a nga txi pimisa mayelano ni Esawu ni Jakobe, ni ku ngu kutxani? (Mal. 1:2, 3) Nji txani atxi Esawu a nga ti fanete ku txi maha kasi ku e maha txisungo txa txinene?

• Tiwotise tiya: Ni nga kombisa ngu nzila muni ti to wukhozeli wangu ka Jehovha tximaha txa lisima ngutu ka wutomi wangu, ngu kuthumisa kwati mbimo hagari ka divhiki, ni ku maha txiemiso txangu txa wukhozeli wa mwaya?